MAROMU 5:6 - Ha`bari Ndjema ya I Maore

⁶ Mana wakati raha karakoshindra itsokao yotsi, hari mwa uwakati wahetsiwa, Kristi afu ha faida ya mashirikina.

MAROMU 5:6 ပူးပေါင်းရင်းမြစ်များ

MAROMU 11:26

Na ha namuna iyo ɗe piya Israila itsohuyiwao. Mauri ɗe iheli yaangihwa moni na uMuangishio: «uMukombozi atsoja ulawa Siyuna, atsomuɓausa Yaãkuɓu na ushirikina.

MAROMU 4:25

alio amba av̄elehwa aulawe ha siɓaɓu ya maãswi yatru, tsena aregezewa hayi ile rihakishihe mbeli za Mungu.

MAROMU 4:5

Na mutru alio amba katria uaminifu wahe hari mwa zitrendro, ɓadi ɗe ha Mungu Monyewe ahakishao waovu, uaminifu wahe urengwa amba muhakisho.

MAROMU 5:10

Mana neka amba wakati raha raka maãduwi wa Mungu, riparanisiwa na waye ha ndzia ya ufa wa uMwana wahe, ɓasi izidi urahara amba iv̄o raparanisiwa, ritsohuyiwa ha uhayi wahe.

MAROMU 5:7

Kweli amba tsi trongo muparihana haraka mutru ufa ha siɓaɓu ya mutuĩvu; mukinishiha amba v̄uke mutru atsokuɓalio afe ha siɓaɓu ya mutru mwema.

MAROMU 5:8

Ɓadi ha zini ɗe Mungu av̄enua uriv̄endza yahe: iv̄o raha raka maãswifu, Kristi afu ha siɓaɓu ya wasi.

MAROMU 8:32

Waye alio amba kamuɓalia uMwana wahe monyewe, ɓadi amutoa ha faida ya wasi piyasi, ɓasi ha namuna jeje katsoridjaãlia wajau piya v̄umoja na waye?

MAROMU 8:34

Mbani ɗe atsowanamuao na kosa? Kristi-Insa ɗe afa, na zaidi ya iyo, aregezewa hayi, a humeni ha Mungu, na waye asurimilia.

MAGALATWIYA 2:20

v̄anu tsi wami tsena ɗe niẽshio, ɓadi Kristi ɗe aẽshio moni hangu. Maẽsha nilionawo leo ha umwili, nisuyaẽshi ha uaminifu na uMwana wa Mungu alio amba aniv̄endze, tsena adzitoa fidia ha siɓaɓu ya wami.

MAGALATWIYA 4:4

Ɓadi wakati wamokamiliha, Mungu av̄eleha Mwana wahe, adzalwa na mutrumama, tsena hari mwa yamasharutwi ya iSharia,

MAEFESO 5:2

Namuẽshi ha maendreleo ya uv̄endza, mauri ɗe inamuna Kristi wajau ariv̄endza, adzitoa fidia monyewe ha Mungu ha tanafu yatru, ake kafara amma sadaka linukao tro.

MAKOLOSIYA 2:13

Na wanyu mwaka mwafa ha siɓaɓu ya mahosa yanyu na iv̄o kamwaka mwatahiriwa shimwili, Mungu amuẽshisani v̄umoja na Kristi ha uriswamihi piya mahosa yatru;

1 MATESALONIKA 5:9

Mana Mungu karilisha amba wa hadhaɓu zahe, ɓadi ripare uhuyifu ha ndzia ya Raɓi watru Insa-Kristi,

1 TIMUTAUSU 1:9

Risujua raha amba iSharia kayahetsiwa ya watuĩvu, ɓadi ya warendrezi-mbovu na wakaidi, makufari na maãswifu, watru kawastehi dini wala yotsi ya shiungu, maula maɓaɓa na mamama, maangamifu,

TITUSA 2:12

Iyo urisomedza uhara ushirikina na zingushauku za lidunia lini, na uẽshi wakati wa leo unu ha namuna ndzielevu, ya haki, tsena ya shiĩɓada,

MAHEƁRANIYA 8:3

Kula Mutolezi-Masadaka Muɓole uhetsiwa atoleye masadaka na makafara. Iyo ɗe imana ata yalazimu amba waye wajau akane ya utoa.

MAHEƁRANIYA 9:26

Mana v̄av̄o yatsoka amba akolazimu aondeshehe mara nyengi rangu lidunia uumbwa yalo. Ɓadi v̄anu hari mwa yimida ya mwiso, av̄enuha mara moja ha piya, ile azime hatwi lidhambi ha udzitoa sadaka.

1 MONYE 1:20

Atsahulwa rangu kaɓula, raha lidunia kalaka laumbwa, tsena av̄enulwa hari mwa uwakati wa mwiso unu ha faida yanyu,

2 MONYE 3:7

Na v̄anu ha urongozi ɗe uwo-uwo, ɗe zimbingu na ishiv̄andre ya tsi za av̄asa zahetsiwa ha ulindrilia umoro, zalishwa ya iSuku ya Hukuma, na uangamifu wa waovu.

YUDA 1:15

ile afanye hukuma kinyume na piya wanadamu, na uv̄enulia uwaovu piya zitrendrwa mbovu zawo na piya marongozi ya shilihidzo maãswifu mashirikina wayarongoa kinyume na waye.»

YUDA 1:18

Wakomuambiani amba: «Hari mwa uwakati wa mwiso, v̄utsoka wafudhuli watsendrao ha zingushauku mbovu zawo wenyewe.»

YUDA 1:4

Mana v̄udziseledza hari mwanyu ɓaãdhwi ya watru walio amba hukuma yawo iangihwa rangu kaɓula. Wao wakufuru wagaudzao urehema wa Mungu watru ha uufanya shisa ya taɓia mbovu, na umuhara Insa-Kristi, alio weke wahe Fundi watru amma Raɓi.