MAROMU 5:21 - Ha`bari Ndjema ya I Maore

²¹ ile pare mauri ɗe iheli dhambi latawala ha uv̄inga uufa, ɗe ha inamuna iyo wajau ineema isutawala ha uv̄inga umuhakisho uv̄ao uhayati wa daima ha ndzia ya Insa-Kristi, Raɓi watru.

MAROMU 5:21 ပူးပေါင်းရင်းမြစ်များ

MATIYO 25:46

Ɓas, wao watsendra hari mwa ãdhaɓu ya daimani aɓada, ɓadi warahara wale hari mwa uhayati mukamilifu wa daima.»

YUHANI 1:14

Na Urongozi ufanyiha mwanadamu, tsena aẽshi v̄umoja na wasi, amwesa riono utukufu wahe, utukufu wa uMwana moja-moja alawa ha Ɓaɓa, ajaya neema na ukweli.

YUHANI 10:28

Nisuwav̄a uhayati mukamilifu wa daima. Kawatsoparwa na uangamifu ata idahari, wala kav̄u mutru atsoniv̄osheaowo muhononi hangu.

MAROMU 4:13

Kweli amba tsi ha ndzia ya iSharia ɗe uwahadi wa uwarithi ulemengu wav̄olwa Iɓrahima na zilembwe zahe, ɓadi wahadi uwo av̄olwawo ha umuhakisho wahe mbeli za Mungu ha siɓaɓu ya uaminifu wahe.

MAROMU 5:12

Iyo ɗe imana ata mauri ɗe iheli amba ha ndzia ya mutru moja dhambi lingia hari mwa ulemengu, na ha ndzia yalo ufa, v̄av̄o ufa ungilia piya wanadamu, iv̄o piyawo waãswi.

MAROMU 5:14

Ne rangu wakati wa Adamu ata upara Musa, na ufa uka utawala, ata hari mwa wao kawaka waãswi ha uvundzifu Sharia mauri wa Adamu, alio mufano wa uwo akolazimu aje.

MAROMU 5:17

Mana neka ha likosa la mutru moja ufa utawala ha siɓaɓu ya uwo waye weke, ha mana nyengi zaidi wao wapara uwengi wa ineema na izawadi ya umuhakisho ha Mungu, watsotawalao hari mwa uhayati ha ndzia ya mutru moja, Insa-Kristi.

MAROMU 6:12

Ɓasi musulishe dhambi latawalia yimili yanyu yitsofao, mwatuĩ zingushauku zayo.

MAROMU 6:14

V̄av̄o dhambi kalitsomutawaliani, mana kamusi utsini na iSharia, ɓadi hari mwa urehema.

MAROMU 6:16

Afa kamusujua amba mwamodziv̄a mutru, mumutuĩ mauri warumwa, v̄av̄o mwa warumwa wa ule mumutuĩo? Neka amba ɗe lidhambi liv̄ingao hari mwa ufa, au wa utuĩvu uv̄ingao hari mwa uhaki.

MAROMU 6:23

Mana muliv̄o wa dhambi ɗe ufa, ɓadi ineema yadjaãliwa na Mungu ɗe uhayati mukamilifu wa daima hari mwa uv̄umoja na Kristi-Insa, Raɓi watru.

MAROMU 8:10

Ɓadi neka amba Kristi a moni hanyu, v̄av̄o kweli amba umwili ufu ha siɓaɓu ya dhambi, ɓadi iRoho ɗe uhayati ha siɓaɓu ya umuhakisho.

TITUSA 2:11

Mana irehema ya Mungu iv̄ingao uhuyifu ha piya wanadamu, iv̄enuha.

MAHEƁRANIYA 4:16

Ɓasi narijiliye v̄umoja na yakini ishiri ya yezi ya urehema, ile ripare poreho na urehema, risaidiwe hari mwa uwakati walazimu.

1 MONYE 5:10

Na ɓaanda itsokao amba muondesheha mwana wakati, Mungu wa kula rehema alio amba amuhirini ha uv̄umoja wanyu na Kristi murenge fuvu hari mwa utukufu wa daima wahe, atsomukamilishani waye-waye, amuhodarisheni, amuv̄eni nguvu tsena musike ha kusudi.

2 MONYE 1:1

Wami Simoni Monye, murumishi amma Muv̄ingizi-Risala wa Insa-Kristi, ha wao wapara uaminifu wendza thamani moja na watru, ha uhaki wa Mungu watru amma Muhuyifu Insa-Kristi.

1 YUHANI 2:25

Na uwahadi ariv̄a ɗe unu, ɗe uhayati wa daima.