MAROMU 5:2 - Ha`bari Ndjema ya I Maore

² Waye ɗe ariɓulia indzia ya upara, ha uaminifu watru, ineema ini ilio amba ra hari mwayo, tsena risufurahi ha itama ya urenga fuvu hari mwa utukufu wa Mungu.

MAROMU 5:2 ပူးပေါင်းရင်းမြစ်များ

MATIYO 25:21

Sa ile murumisa wahe amuambia: ‹Ufanya fetre, wawe murumizi mwema, muaminifu; uonesa uaminifu hari mwa trongo shashi, v̄av̄o nitsohudhwaminisha nyengi. Ko, uje ufurahi na murumisa waho.›

YUHANI 10:7

Amwesa Insa awaambia raha: «Nisumuambiani ha kweli, wami ɗe umulongo wa yamaɓariɓari.

YUHANI 10:9

Wami ɗe umulongo. Mutru angiao ha univ̄ira, uwo atsohuyiwa. Atsongia na ulawa, amwesa atsopara za uɗya.

YUHANI 14:6

Insa amuambia: «Wami ɗe indzia, ukweli, na uhayati. Kav̄usi mutru ajao ha Ɓaɓa, neka tsi ha ndzia yangu.

YUHANI 5:24

Nisumuambiani ha kweli, mutru avulikiao urongozi wangu tsena aaminio ule aniv̄eleha, ana uhayati mukamilifu wa daima. Katsohukumulwa, mana madza avuku uufa, angia uhayatiju.

MAV̄INGIZI-RISALA 14:27

Uwaswili yawo hule, wahudhurisha piya iDjama Ndziwaminifu, wawaeledza piya zile Mungu azifanya ha ndzia yawo na inamuna aɓulia zinishani zangina umulongo wa uaminifu.

MAROMU 11:20

Iyo kweli. Yakatrwa ha siɓaɓu ya ukosefu wa uaminifu wakati ulio amba wawe, ɗe ha uaminifu ɗe wasika. Ɓasi usudzione, ɓadi ilazimu uriye.

MAROMU 12:12

Hari mwa itama mulionayo, namufurahi, moni na taãɓu, namuke na suɓira, mudzifungamanise na mamilio.

MAROMU 14:4

Wawe ɗe mbani ata unamuao murumishi wa mutru wangina? Neka amba ahimi hari mwa urumishi wahe, au awu, yao mashuhuli ya umurumisa wahe. Na waye atsosimamia uhima, mana Mola ana ushindzi wa umusimamisa.

MAROMU 15:13

Ɓasi Mungu Monyewe av̄ao tama, namujadziyeni kula furaha na amani hari mwa uaminifu, ile pare itama yanyu yendre na uzidishiha ha ushindzi wa iRoho Ndzitwaharifu.

MAROMU 2:7

uhayati mukamilifu wa daima ha watru walio amba ha idjitihadi yawo ya ufanya ndjema, wasutsaha utukufu, hishima na uhayati wa daima.

MAROMU 3:23

mana piya waãswi, ɓasi walatsishiwa na utukufu wa Mungu.

MAROMU 5:5

Na itama kaisuripua ɓari, mana uv̄endza ya Mungu ienea moni na roho zatru ha ndzia ya iRoho Ndzitwaharifu radjaãliwayo.

MAROMU 8:1

Av̄asa ɓasi kav̄u tsena hukuma ha wao walio hari mwa uv̄umoja na Kristi-Insa|Kristi.

MAROMU 8:24

Mana ɗe ha tama ɗe rahuyiwa. Na tama ionehwanao, iyo tsi tama tsena. Hali shitru mutru aionao, iyo ukiri utamwa raha?

1 MAKORINTIYO 15:1

Av̄asa wananyangu, nisumunahanidzani iIndjili namujudzaniyo ilio amba muikuɓali, tsena muifanya ngazi,

2 MAKORINTIYO 3:18

V̄av̄o wasi piya sura zafunukulwa, risuv̄enua mauri hari mwa shiɗo utukufu wa Raɓi. Risugaudziwa rike mufano ɗe uwo-uwo, rikane utukufu ju la utukufu, trongo ifanyiwao na Raɓi, alio amba waye ɗe iRoho.

2 MAKORINTIYO 4:17

Mana zitaãɓu ndzangu za leo ziriparao, zisuridzalia ha indadi kaina mupaka utukufu wa daima.

MAEFESO 2:18

Kweli amba ha ndzia yahe wasi waili risujua rimukuruɓia Ɓaɓa, ha Roho moja wiyo-wiyo.

MAEFESO 3:12

Hari mwa uv̄umoja watru na waye na ha ndzia ya uaminifu na waye, rina unafasi wa umukuruɓia Mungu v̄umoja na utumainivu.

MAEFESO 6:13

Ɓasi namurenge piya zombo za kondro za Mungu, ile mushindre mukingiye isuku mbovu iyo, amwesa ɓaanda itsokao amba muhisa ufanya piya, muhime wahodari.

2 MATESALONIKA 2:16

Ɓasi Raɓi watru Insa-Kristi waye-waye na Mungu amma Ɓaɓatru alio amba ariv̄endze, tsena aridjaãlia ha ineema yahe mutrilio-ɓari wa daima na tama ndjema,

MAHEƁRANIYA 3:6

Ɓadi Kristi waye, shi Mwana ɗe alio muaminifu hari mwa umuraɓa wa Mungu. Na umuraɓa wahe ɗe wasi, neka risusika hodari [ata mwisoni] umuhakikisho na itama iriv̄ao ufahari.

MAHEƁRANIYA 6:18

Ha izo, trongo mbili kazigauha, zilio amba hari mwazo tsi mukinishiha Mungu urongoa trambo, zisuriv̄ingia mutrilio-ɓari muhodari, wasi rilio amba umuɓamio watru uka ɗe udzifungamanisa na itama rahetsiwayo.

1 MONYE 3:18

Mana Kristi waye-waye ne aondesheha mara moja ɓas ha siɓaɓu ya madhambi ya wanadamu. Waye mwendza haki afariki ha tanafu ya tsi wendza haki, ile pare amuv̄ingeni ha Mungu. Aulawa umwili wahe, ɓadi aẽshisiwa ha iRoho.

MUV̄ENULIO 21:11

yakowala ha utukufu wa Mungu. Muvagio wayo uka mauri wa ɓwe lendza thamani, ɓwe lihiriwao jaspe, wakoonea mauri shiɗo.

MUV̄ENULIO 21:23

liƊago kalatama lijua ɓila umwezi amba ziliwaliye, mana utukufu wa Mungu usuliunishia, na kombe lalo ɗe uMwana Ɓariɓari.

MUV̄ENULIO 21:3

Tsikia ulawa hari mwa ishiri ya ufalume ji lendza nguvu larongoa: «Tsini, makazi ya Mungu ya v̄umoja na uwanadamu. Atsoẽshi v̄umoja na wao, na wao watsoka umati wahe, na Mungu waye-waye atsoka na wao.

MUV̄ENULIO 3:21

Ha uwo ashindra, nitsomuv̄a aketsi v̄umoja na wami hari mwa ishiri ya ufalume yangu, mauri wami namuna nashindra, tsena naketsi v̄umoja na Ɓaɓangu hari mwa ishiri ya ufalume yahe.