MAROMU 5:18 - Ha`bari Ndjema ya I Maore

¹⁸ Ha izo ɓasi, mauri ɗe iv̄o ha kosa moja hukuma ienea piya wanadamu, ɗe namuna iyo wajau ha shitrendro moja ya utuĩvu, umuhakisho uv̄ao uhayati uenea piya wanadamu.

MAROMU 5:18 ပူးပေါင်းရင်းမြစ်များ

YUHANI 1:7

Aja ake shahidi, atowe ushahidi inuru, pare watru piya waamini ha ndzia yahe.

YUHANI 12:32

Na wami wakati itsokao amba tsihedzewa ulawa shiv̄andreju mwa tsi, nitsovura piya wanadamu hanguju.»

YUHANI 3:26

Waja wamupara Yahaya, wamuambia: «Fundi, ule aka na wawe nyambo ya umuro wa Jurdani, ule wakomulawia ushahidi, v̄anu asuɓaĩsha, na watru piya wasendra hahe!»

MAV̄INGIZI-RISALA 13:39

Na ha waye tsena ɗe kula mutru aaminio uhakishiwa na piya zilio amba ha ndzia ya iSharia ya Musa, kamwashindra mwahakishiwazo.

MAROMU 3:25

Waye ɗe Mungu amutoa ake sadaka la muliv̄isho, ile ha idamu yahe, ake indzia ya upara muswamaha wa madhambi ha wao waaminio, pare aonese uhaki wahe; mana kaɓula oho, kakov̄ondra watru ha siɓaɓu ya madhambi yao.

MAROMU 4:25

alio amba av̄elehwa aulawe ha siɓaɓu ya maãswi yatru, tsena aregezewa hayi ile rihakishihe mbeli za Mungu.

MAROMU 5:12

Iyo ɗe imana ata mauri ɗe iheli amba ha ndzia ya mutru moja dhambi lingia hari mwa ulemengu, na ha ndzia yalo ufa, v̄av̄o ufa ungilia piya wanadamu, iv̄o piyawo waãswi.

MAROMU 5:15

Ɓadi ineema ya Mungu kailinganisiha na likosa la Adamu. Mana neka ha likosa la mutru moja wengi wafu, mara ngav̄i zaidi ineema ya Mungu na izawadi yaja ha ineema ya mutru moja, ne ɗe Insa-Kristi, zajilia ha uzidisha watru wengi.

MAROMU 5:19

Tsena, mauri ɗe ha mutru moja katuĩ, wengi wafanyiha maãswifu, ɓasi ɗe ha inamuna iyo wajau ha utuĩvu wa mutru moja, wengi watsokuɓalishiha mbeli za Mungu.

MAROMU 6:14

V̄av̄o dhambi kalitsomutawaliani, mana kamusi utsini na iSharia, ɓadi hari mwa urehema.

1 MAKORINTIYO 15:22

Mana iv̄o wanadamu piya wafao hari mwa uv̄umoja na Adamu, ɗe inamuna iyo wajau piya wanadamu watsoẽshisiwa hari mwa uv̄umoja na Kristi.

MAHEƁRANIYA 2:9

Ɓadi v̄anu risuona amba Insa ahetsiwa hari mwa muda mushashi utsini mwa zimalayika, akadzwa kemba ya utukufu na hishima ha siɓaɓu ya ufa ulio amba aondesheha nawo. Ha izo, ha irehema ya Mungu, av̄iri hari mwa ufa ha tanafu ya piya wanadamu.

2 MONYE 1:1

Wami Simoni Monye, murumishi amma Muv̄ingizi-Risala wa Insa-Kristi, ha wao wapara uaminifu wendza thamani moja na watru, ha uhaki wa Mungu watru amma Muhuyifu Insa-Kristi.

1 YUHANI 2:20

Ɓadi wanyu mudjukumisiwa na uMutwaharifu, tsena piyanyu muna ujuzi.