MAROMU 5:17 - Ha`bari Ndjema ya I Maore

¹⁷ Mana neka ha likosa la mutru moja ufa utawala ha siɓaɓu ya uwo waye weke, ha mana nyengi zaidi wao wapara uwengi wa ineema na izawadi ya umuhakisho ha Mungu, watsotawalao hari mwa uhayati ha ndzia ya mutru moja, Insa-Kristi.

MAROMU 5:17 ပူးပေါင်းရင်းမြစ်များ

MATIYO 25:34

Amwesa umufalume atsoambia wao watsokao humeni hahe: ‹Namuje wanyu mulio uwaɓarikishiwa wa Ɓaɓangu, muwarithi Utawalizi mwatayarishiwawo rangu lidunia uumbwa yalo.

YUHANI 10:10

Mwidzi, waye kaja neka tsi ahiɓe, aule, aangamidze. Wami tsija ile maɓariɓari yakane uhayati, tsena yakanewo ha uwengi.

MAROMU 5:12

Iyo ɗe imana ata mauri ɗe iheli amba ha ndzia ya mutru moja dhambi lingia hari mwa ulemengu, na ha ndzia yalo ufa, v̄av̄o ufa ungilia piya wanadamu, iv̄o piyawo waãswi.

MAROMU 5:15

Ɓadi ineema ya Mungu kailinganisiha na likosa la Adamu. Mana neka ha likosa la mutru moja wengi wafu, mara ngav̄i zaidi ineema ya Mungu na izawadi yaja ha ineema ya mutru moja, ne ɗe Insa-Kristi, zajilia ha uzidisha watru wengi.

MAROMU 5:20

Na iSharia ingia, pare madhambi yazidi. Ɓadi v̄ahali ilio amba dhambi lizidishiha, ineema ya Mungu izidi uzidishiha,

MAROMU 6:14

V̄av̄o dhambi kalitsomutawaliani, mana kamusi utsini na iSharia, ɓadi hari mwa urehema.

MAROMU 6:23

Mana muliv̄o wa dhambi ɗe ufa, ɓadi ineema yadjaãliwa na Mungu ɗe uhayati mukamilifu wa daima hari mwa uv̄umoja na Kristi-Insa, Raɓi watru.

MAROMU 8:39

tsi za uju oho wala za uzimu, wala kav̄u shiumbe itsokao yotsi yangina itsoshindrao iritsapuwe na uv̄endza ya Mungu yav̄enuha ha Kristi-Insa, Raɓi watru.

1 MAKORINTIYO 15:49

Na tsena, mauri ɗe inamuna raka mufano wa ule afanyiwa ha trotro, ritsoka wajau mufano wa Ule wa pev̄oni.

1 MAKORINTIYO 4:8

Madza mukurisiwa! Madza mutadjirisiwa! Musutawala ɓila wasi! Na djeli amba mwakotawala ha kweli! V̄av̄o wasi wajau ratsotawala v̄umoja na wanyu!

MAFILIPI 3:9

niparihane hari mwa uv̄umoja na waye, wala tsi amba ha muhakisho wangu monyewe ujao ha ulawana na iSharia, ɓadi ɗe uwo ujao ha uaminifu na Kristi, muhakisho ulawao ha Mungu, tsena waketsi hari mwa uaminifu.

1 TIMUTAUSU 1:14

Na urehema wa Raɓi watru uzidishiha, v̄umoja na uaminifu na uv̄endza ulio ha Kristi-Insa.

2 TIMUTAUSU 2:12

neka risustahamili, ritsotawala wajau v̄umoja na waye. Neka risumuhara, waye wajau atsorihara;

YAKOƁU 2:5

Namuvulishiye wananya wa shi uaminifu wav̄endzewa wangu: afa Mungu katsahua wao walio masikini mbeli za ulemengu, amba waka matadjiri hari mwa uaminifu, tsena mawarithi wa utawalizi autolea wahadi ha wao wamuv̄endzao?

1 MONYE 2:9

Ɓadi wanyu kaɓila yatsahulwa, Matolezi-Masadaka ya shiufalume, nishani ndzitwaharifu, umati Mungu adziparia, ile mujudze yimisifio ya Uwo amuhirani ulawa shidzani mwendre hari mwa iheu ndzitukufu yahe.

MUV̄ENULIO 1:6

tsena afanya amba wasi ufalume wa Matolezi-Masadaka ha Mungu wahe amma Ɓaɓa, hahe nav̄uke utukufu na ushindzi mida ha mida. Amina.

MUV̄ENULIO 20:4

Amwesa tsiono ziri za shiufalume. Wao waziketsia, wav̄olwa wahukumu. Tsiono tsena ziroho za wao wapulwa zizitswa ha siɓaɓu ya ushahidifu wa Insa na Urongozi wa Mungu, wao kawasudjudia ishinyama mbovu wala lisanamwe layo, tsena kawaka wapara iãlama hari mwa uuso wala hari mwa umuhono. Waregea hayi, amwesa watawala v̄umoja na Kristi muda wa maha alifu.

MUV̄ENULIO 20:6

Waɓarikishiha na utwaharishiha wao waliona fungu hari mwa umuregezeo hayi wa handra. Hari mwao, ufa wa v̄ili kauna ushindzi, ɓadi watsoka Matolezi-Masadaka wa Mungu na wa Kristi, tsena watsotawala v̄umoja na waye hari mwa yimaha alifu yiyo.

MUV̄ENULIO 22:5

Uku kautsoka tsena, wala kawatsotumainia tsena heu ɓila kombe, wala iheu ya lijua, mana Mwalatru Mungu atsowawalia. Tsena watsotawala daima.

MUV̄ENULIO 3:21

Ha uwo ashindra, nitsomuv̄a aketsi v̄umoja na wami hari mwa ishiri ya ufalume yangu, mauri wami namuna nashindra, tsena naketsi v̄umoja na Ɓaɓangu hari mwa ishiri ya ufalume yahe.