MAROMU 5:14 - Ha`bari Ndjema ya I Maore

¹⁴ Ne rangu wakati wa Adamu ata upara Musa, na ufa uka utawala, ata hari mwa wao kawaka waãswi ha uvundzifu Sharia mauri wa Adamu, alio mufano wa uwo akolazimu aje.

MAROMU 5:14 ပူးပေါင်းရင်းမြစ်များ

MAROMU 5:12

Iyo ɗe imana ata mauri ɗe iheli amba ha ndzia ya mutru moja dhambi lingia hari mwa ulemengu, na ha ndzia yalo ufa, v̄av̄o ufa ungilia piya wanadamu, iv̄o piyawo waãswi.

MAROMU 5:17

Mana neka ha likosa la mutru moja ufa utawala ha siɓaɓu ya uwo waye weke, ha mana nyengi zaidi wao wapara uwengi wa ineema na izawadi ya umuhakisho ha Mungu, watsotawalao hari mwa uhayati ha ndzia ya mutru moja, Insa-Kristi.

MAROMU 5:21

ile pare mauri ɗe iheli dhambi latawala ha uv̄inga uufa, ɗe ha inamuna iyo wajau ineema isutawala ha uv̄inga umuhakisho uv̄ao uhayati wa daima ha ndzia ya Insa-Kristi, Raɓi watru.

MAROMU 8:20

Kweli amba ziumbe piya zijeledzewa zifanyishihe shitru ndzipuzi, tsi amba ha uv̄endza yazo, ɓadi ɗe ha siɓaɓu ya Monyewe afanya itrongo, v̄umoja na itama amba

MAROMU 8:22

Mana risujua amba ata ileo ini piya zaumbwa zisuulula, mauri za hari mwa utungu wa madzazi.

1 MAKORINTIYO 15:22

Mana iv̄o wanadamu piya wafao hari mwa uv̄umoja na Adamu, ɗe inamuna iyo wajau piya wanadamu watsoẽshisiwa hari mwa uv̄umoja na Kristi.

1 MAKORINTIYO 15:45

Iyo ɗe imana ata v̄waangihwa moni na uMuangishio Mutwaharifu: «uMwanadamu wa handra, Adamu, afanyiha shiumbe yendza roho»; Adamu wa mwiso waye, roho iv̄ao uhayati.

MAHEƁRANIYA 9:27

Na mauri ɗe inamuna yahetsiwa ha mwanadamu amba afe mara moja, iv̄o hukuma ije,