MAROMU 5:12 - Ha`bari Ndjema ya I Maore

¹² Iyo ɗe imana ata mauri ɗe iheli amba ha ndzia ya mutru moja dhambi lingia hari mwa ulemengu, na ha ndzia yalo ufa, v̄av̄o ufa ungilia piya wanadamu, iv̄o piyawo waãswi.

MAROMU 5:12 ပူးပေါင်းရင်းမြစ်များ

MAROMU 3:23

mana piya waãswi, ɓasi walatsishiwa na utukufu wa Mungu.

MAROMU 5:18

Ha izo ɓasi, mauri ɗe iv̄o ha kosa moja hukuma ienea piya wanadamu, ɗe namuna iyo wajau ha shitrendro moja ya utuĩvu, umuhakisho uv̄ao uhayati uenea piya wanadamu.

MAROMU 5:19

Tsena, mauri ɗe ha mutru moja katuĩ, wengi wafanyiha maãswifu, ɓasi ɗe ha inamuna iyo wajau ha utuĩvu wa mutru moja, wengi watsokuɓalishiha mbeli za Mungu.

MAROMU 5:21

ile pare mauri ɗe iheli dhambi latawala ha uv̄inga uufa, ɗe ha inamuna iyo wajau ineema isutawala ha uv̄inga umuhakisho uv̄ao uhayati wa daima ha ndzia ya Insa-Kristi, Raɓi watru.

MAROMU 6:21

Mavuna mwakopara trini, iv̄o mwakofanya trongo zilio amba musuzionea haya leo? Mana mwiso wazo ɗe ufa.

MAROMU 6:23

Mana muliv̄o wa dhambi ɗe ufa, ɓadi ineema yadjaãliwa na Mungu ɗe uhayati mukamilifu wa daima hari mwa uv̄umoja na Kristi-Insa, Raɓi watru.

1 MAKORINTIYO 15:56

Na dzinyo liv̄ingao lisumu la ufa, ɗe lidhambi; na ushindzi wa dhambi, ɗe iSharia.

MAEFESO 2:3

Na wasi piyasi wajau rika hari mwa ihisaɓu yawo, tsena rakoɗunga zingushauku za shiuɓinadamu zatru, rakofanya mav̄endzeleo ya yimili yatru na ya zifikira zatru; tsena ha ihali ya shiuɓinadamu yatru, rika ristahiki ihadhaɓu, mauri ɗe wasalia.

YAKOƁU 1:15

Amwesa ushauku wamomirwa, uwo udza dhambi; na lidhambi lamotsimu, udza ufa.

YAKOƁU 3:2

Wasi piyasi ukwala ha namuna nyengi. Neka mutru kasukwala ha urongozi, uwo mutru arahara, ashindrao aziye piya mwili wahe.