MAROMU 5:10 - Ha`bari Ndjema ya I Maore

¹⁰ Mana neka amba wakati raha raka maãduwi wa Mungu, riparanisiwa na waye ha ndzia ya ufa wa uMwana wahe, ɓasi izidi urahara amba iv̄o raparanisiwa, ritsohuyiwa ha uhayi wahe.

MAROMU 5:10 ပူးပေါင်းရင်းမြစ်များ

YUHANI 14:19

Muda mushashi ɗe waɓaki, na ulemengu kautsoniona tsena, ɓadi wanyu mutsoniona. Iv̄o nilio hayi, wanyu wajau mutsoka hayi.

YUHANI 5:26

Mana mauri ɗe inamuna Ɓaɓa aliona uhayati hahe monyewe, ɗe inamuna adjaãlia uMwana akane uhayati hahe monyewe,

YUHANI 6:40

Mana mav̄endzeleo ya Ɓaɓangu ɗe uka amba mutru yotsi aonao uMwana, amuaminio, akane uhayati mukamilifu wa daima; na wami nitsomuregeza hayi isuku ya mwiso.»

YUHANI 6:57

Mauri ɗe inamuna Ɓaɓa alio hayi aniv̄eleha, tsena niẽshio ha waye Ɓaɓa, mutru aniɗyao, atsoẽshi ha iwami.

MAROMU 11:28

Yahusu iIndjili, wafanyiha maãduwi ya Mungu ha faida yanyu, wanyu tsi Mayahudi. Ɓadi yahusu umutsahulio wahe, wav̄endzewa ha siɓaɓu ya wadzaɗe wawo.

MAROMU 5:11

Wala tsi tu, ɓadi risurenga furaha yatru ha Mungu ha siɓaɓu ya Raɓi watru Insa-Kristi, alio amba ha ndzia yahe, ripara av̄asa umuparano na Mungu.

MAROMU 5:6

Mana wakati raha karakoshindra itsokao yotsi, hari mwa uwakati wahetsiwa, Kristi afu ha faida ya mashirikina.

MAROMU 8:32

Waye alio amba kamuɓalia uMwana wahe monyewe, ɓadi amutoa ha faida ya wasi piyasi, ɓasi ha namuna jeje katsoridjaãlia wajau piya v̄umoja na waye?

MAROMU 8:34

Mbani ɗe atsowanamuao na kosa? Kristi-Insa ɗe afa, na zaidi ya iyo, aregezewa hayi, a humeni ha Mungu, na waye asurimilia.

MAROMU 8:7

Fikira za ihali ya shiuɓinadamu, izo uwana kinyume na za shi Mungu, mana monyewe ukanazo katuĩ iSharia ya Mungu, wala kashindri ata hata uituĩ.

2 MAKORINTIYO 5:20

Ɓasi wasi mawakala wa Kristi, na Mungu waye-waye ɗe amuhiraoni ha ndzia yatru. Risumumiani ha lidzina la Kristi, namudzilishe muparanisiwe na Mungu.

2 MAKORINTIYO 5:21

Uwo alio amba kajua dhambi, Mungu amufanya dhambi ha tanafu yatru, ile ha waye rifanyihe wendza haki wa Mungu.

MAEFESO 2:16

na uwaparanisa na Mungu wao waili ha mwili moja, ha ndzia ya umuri wa pawa: na v̄av̄o aangamidza uãduwi.

MAEFESO 2:3

Na wasi piyasi wajau rika hari mwa ihisaɓu yawo, tsena rakoɗunga zingushauku za shiuɓinadamu zatru, rakofanya mav̄endzeleo ya yimili yatru na ya zifikira zatru; tsena ha ihali ya shiuɓinadamu yatru, rika ristahiki ihadhaɓu, mauri ɗe wasalia.

MAHEƁRANIYA 2:17

Iyo ɗe imana aka alazimu afanyishihe namuna moja na wananyahe hari mwa piya zitrongo, ile afanyihe Muɓole wa Matolezi-Masadaka mwendza poreho tsena muaminifu hari mwa urumishi wa Mungu, amwesa azime hatwi madhambi ya umati.

MAHEƁRANIYA 7:25

Iyo ɗe imana ata ashindrao ahuyi ha daima wao wamujiliao Mungu ha ndzia yahe, mana asuẽshi dahari ile awadailiye.

1 YUHANI 2:1

Wanyu wana wa shi uaminifu wangu, nisumuangishiani zini ile pare mwasuãswi. Ɓadi neka mutru aja aãswi, rina mudailizi mbeli za Ɓaɓa, waye Insa-Kristi, alio wa haki.

1 YUHANI 4:10

Na iuv̄endza, iyo tsi amba wasi rimuv̄endze Mungu, ɓadi amba waye ariv̄endze, tsena av̄eleha Mwana wahe ake sadaka liripariao swamaha la madhambi yatru.

MUV̄ENULIO 1:18

Uwo alio hayi. Tsifu, na tsami tsa hayi mida ha mida, amwesa tsina yimifunguo ya ufa na ya Uzimu wa wafu.