MAROMU 5:1 - Ha`bari Ndjema ya I Maore

¹ Ɓasi ha iv̄o rihakishiha mbeli za Mungu ha uaminifu watru, v̄av̄o ripara amani haheju ha ndzia ya Raɓi watru Insa Kristi.

MAROMU 5:1 ပူးပေါင်းရင်းမြစ်များ

LUKASI 19:38

Wakorongoa: «Naɓarikishihe umufalume ajao ha lidzina la Mola! Amani mbinguni, na utukufu hari mwa maɓandza ya uju rahana uju!»

LUKASI 19:42

«Na djeli wawe wajau wakojua ileo ini zitrongo zihuv̄ingiao amani, ɓadi av̄asa zidzamisiwa yamatso yaho.

LUKASI 2:14

«Natukuzihe Mungu hari mwa yimikaɓala ya uju rahana uju, na amani shiv̄andreju mwa tsi ha wao awav̄a fadhwila.»

YUHANI 14:27

Nisumulishiani utrulivu wa roho, nisumuv̄ani utrulivu wangu; tsisumuv̄aniwo mauri ɗe inamuna ulemengu uv̄ao. Roho yanyu isuhafilihe, wala isuke na trisidzo.

YUHANI 16:33

«Tsimuambiani trongo izo, ile pare mukane utrulivu wa roho hari mwa uv̄umoja wanyu na wami. Mutsoka hari mwa usongefu ulemenguni v̄anu, ɓadi namudzitriye ɓari! Wami madza tsishindri ulemengu.»

YUHANI 20:31

Ɓadi zini ziangihwa pare muamini amba Insa ɗe Mutsahuliwa, uMwana wa Mungu, na ha uamini, mukane uhayati ha lidzina lahe.

YUHANI 5:24

Nisumuambiani ha kweli, mutru avulikiao urongozi wangu tsena aaminio ule aniv̄eleha, ana uhayati mukamilifu wa daima. Katsohukumulwa, mana madza avuku uufa, angia uhayatiju.

MAV̄INGIZI-RISALA 10:36

Av̄eleha Urongozi wahe ha yaMaisraila|Maisraila, ha uwajudza iamani ha ndzia ya Insa-Kristi, alio ɗe Raɓi wa piya uwanadamu.

MAROMU 1:17

Mana moni na iIndjili ini ɗe v̄wav̄enuha umuhakisho wa Mungu ha indzia ya uaminifu, ɓadi tsi ha trongo yangina, mauri ɗe inamuna yaangihwa moni na uMuangishio Mutwaharifu amba: «Uwo ahakishiha ha uaminifu wahe, atsokana uhayati.»

MAROMU 1:7

Nisumuangishiani wanyu piyanyu mulio ɗagoni Romu, mulio wav̄endzewa wa Mungu, mwahiriwa muke watwaharifu. V̄av̄o ineema na utrulivu zilawao ha Ɓaɓatru Mungu na Raɓi watru Insa-Kristi nazimuendreleyeni.

MAROMU 10:10

Mana uamini ha iroho, ɗe ijao na muhakisho, na ukuɓali ha ihanyo, ɗe ijao na uhuyifu.

MAROMU 10:15

Au, namuna jeje watru watsojudzao neka kawav̄elehwa? Mauri ɗe iheli yaangihwa moni na uMuangishio: «Kweli amba yistawi yimindru ya wao wajudzao haɓari ndjema!»

MAROMU 14:17

Mana Utawalizi wa Mungu tsi ɗe uɗya na unwa, ɓadi ɗe uhaki, amani, na furaha, ha iRoho Ndzitwaharifu.

MAROMU 15:13

Ɓasi Mungu Monyewe av̄ao tama, namujadziyeni kula furaha na amani hari mwa uaminifu, ile pare itama yanyu yendre na uzidishiha ha ushindzi wa iRoho Ndzitwaharifu.

MAROMU 15:33

Mungu, Monyewe uv̄a usalama, nake v̄umoja na wanyu piyanyu. Amina.

MAROMU 3:22

Uwo muhakisho wa Mungu ha uaminifu na Insa-Kristi ha piya wao waaminio, wala kav̄u tafauti:

MAROMU 3:30

mana v̄wa Mungu moja tu, na waye atsohakisha wao watahiriwa ha uaminifu wawo, na wao kawatahiriwa ha siɓaɓu ya uaminifu wawo wajau.

MAROMU 4:5

Na mutru alio amba katria uaminifu wahe hari mwa zitrendro, ɓadi ɗe ha Mungu Monyewe ahakishao waovu, uaminifu wahe urengwa amba muhakisho.

MAROMU 5:11

Wala tsi tu, ɓadi risurenga furaha yatru ha Mungu ha siɓaɓu ya Raɓi watru Insa-Kristi, alio amba ha ndzia yahe, ripara av̄asa umuparano na Mungu.

MAROMU 5:18

Ha izo ɓasi, mauri ɗe iv̄o ha kosa moja hukuma ienea piya wanadamu, ɗe namuna iyo wajau ha shitrendro moja ya utuĩvu, umuhakisho uv̄ao uhayati uenea piya wanadamu.

MAROMU 6:23

Mana muliv̄o wa dhambi ɗe ufa, ɓadi ineema yadjaãliwa na Mungu ɗe uhayati mukamilifu wa daima hari mwa uv̄umoja na Kristi-Insa, Raɓi watru.

MAROMU 9:30

Ɓasi v̄av̄o rirongowe jeje? Watru wa zinishani zangina kawakodzishahilisa na umuhakisho ha Mungu wapara muhakisho ha ndzia ya uaminifu,

MAGALATWIYA 2:16

Iv̄o rijuao amba shiumbe mwanadamu kaihakishiwa na Mungu ha utuĩ iSharia, ɓadi ha uaminifu wahe na Insa-Kristi, wasi wajau rimuamini Insa-Kristi, pare rihakishiwe na Mungu ha uaminifu watru na Kristi, ɓadi tsi ha utuĩ iSharia; mana ha utuĩ iSharia, kav̄u mutru yotsi atsohakishiwao na Mungu.

MAGALATWIYA 3:25

Ata uaminifu uja yawo, karisi tsena utsini na mulezi.

MAGALATWIYA 5:22

Ɓadi mavuna ya iRoho ɗe: uv̄endza, furaha, amani, suɓira, uwema, roho ndjema, uaminifu,

MAEFESO 2:7

ile aonese hari mwa yimida yijao utadjirifu wazidishiha wa urehema wahe aridjaãliawo ha uwema wahe hari mwa uv̄umoja watru na Kristi-Insa.

MAFILIPI 3:9

niparihane hari mwa uv̄umoja na waye, wala tsi amba ha muhakisho wangu monyewe ujao ha ulawana na iSharia, ɓadi ɗe uwo ujao ha uaminifu na Kristi, muhakisho ulawao ha Mungu, tsena waketsi hari mwa uaminifu.

MAKOLOSIYA 1:20

tsena ha waye aparanise piya na iwaye yahe, rangu za shiv̄andreju mwa tsi, ata za mbinguni, ha utria amani ha idamu yahe yatriha hari mwa umuri wa pawa|muri wa pawa.

MAKOLOSIYA 3:15

Utrulivu wa Kristi ulio amba muhiriwa mukanewo ile mufanyihe mwili moja, nautawale rohoni hanyu. Namuke wendza himida.

1 MATESALONIKA 5:23

Ɓasi Mungu Monyewe utrulivu waye-waye namutwaharisheni ha ukamilifu piya nafusi yanyu, iroho, umo, na umwili, zilishwe ɓila tuhuma ha umuregeo wa Raɓi watru Insa-Kristi.

2 MATESALONIKA 3:16

Ɓasi Raɓi Monyewe utrulivu namuv̄eni waye-waye utrulivu kula wakati, ha kula namuna. Raɓi nake v̄umoja na wanyu piyanyu.

MAHEƁRANIYA 13:20

Ɓasi Mungu wa iamani alio amba ha idamu ya mukataɓa wa daima aregeza hayi ha uwafu uMutsunga-maɓariɓari muɓole, ne ɗe Raɓi watru Insa,