MAROMU 4:3 - Ha`bari Ndjema ya I Maore

³ Mana uMuangishio usurongoa trini? Amba: «Iɓrahima amuamini Mungu, na iyo itsongesha muhakisho wahe mbeli za Mungu.»

MAROMU 4:3 ပူးပေါင်းရင်းမြစ်များ

MATIYO 20:9

Wale waka wangia hazini sa ya kumi na moja waja, na kula moja aliv̄wa thamani ya muhadjara wa suku.

MARKUSI 12:10

Kamwasoma urongozi unu wa uMuangishio Mutwaharifu? ‹liƁwe waundrizi walilatsa, ɗe larendreha liɓwe mahususu la nyongaju.

MAROMU 10:11

Mauri ɗe iheli uMuangishio urongoao: «Yotsi amuaminio katsoja haya.»

MAROMU 11:2

Mungu kajeledza umati wahe ulio amba aujua rangu kaɓula. Hali kamusujua iyo uMuangishio urongoao hari mwa likara lahusu mashitaka ya Eliya mbeli za Mungu kinyume na Israila, amba:

MAROMU 4:11

Ne apara iãlama ya utahiri amba ike muhuri ushadidishao muhakisho wahe mbeli za Mungu ha siɓaɓu ya uaminifu wahe rangu raha kaka atahiriwa. Ha izo afanyiha ɓaɓa wa piya wao waaminio ɓila utahiriwa, ile wapare muhakisho mbeli za Mungu wajau.

MAROMU 4:5

Na mutru alio amba katria uaminifu wahe hari mwa zitrendro, ɓadi ɗe ha Mungu Monyewe ahakishao waovu, uaminifu wahe urengwa amba muhakisho.

MAROMU 4:9

Hali furaha ini v̄anu, ɗe ha watru watahiriwa|utahiri tu, au ata ha wao kawatahiriwa? Ne madza rirongoa amba uaminifu wa Iɓrahima ɗe warengwa amba muhakisho mbeli za Mungu.

MAROMU 9:17

Mana uMuangishio umuambia Firiyauna: «Tsihuv̄a daradja ha kusudi, ile nionese haho ushindzi wangu na lidzina langu lijudziwe hari mwa ulemengu piya.»

YAKOƁU 2:23

Ɗe inamuna iyo ɗe urongozi wa uMuangishio unu watsimidziha: «Iɓrahima amuamini Mungu, na iyo itsongesha muhakikisho wahe», amwesa ahirwa mwandzani wa Mungu.

YAKOƁU 4:5

Hali musufikiri amba uMuangishio usurongoa ɓure-ɓure amba: Mungu ana ushauku wa shi uwivu na iroho aiketsisa moni hatru?