MAROMU 4:17 - Ha`bari Ndjema ya I Maore

¹⁷ Mauri ɗe inamuna yaangihwa moni na uMuangishio: «Tsihufanya ɓaɓa wa nishani ha uwengi.» Waye a ɓaɓatru mbeli za Uwo alio amba amuamini, Mungu av̄ao uhayati uwafu, tsena ajisao iyo kaisi.

MAROMU 4:17 ပူးပေါင်းရင်းမြစ်များ

MATIYO 3:9

wala musufikiri udziambia amba: ‹Wasi, ɓaɓatru ɗe Iɓrahima.› Mana nisumujudzani amba ha mawe yanu, ne Mungu ushindra atowe wana wa Iɓrahima!

YUHANI 5:21

Mana mauri ɗe inamuna Ɓaɓa aregezao hayi watru wafa, awav̄ao uhayati, ɗe inamuna uMwana av̄ao uhayati uwo atsahao.

YUHANI 5:25

Nisumuambiani ha kweli amba v̄usuja wakati, na uwo madza uwaswili, ulio amba wafu watsokia liji la uMwana wa Mungu. Na wao itsokao amba walikia, watsoẽshi.

YUHANI 6:63

Roho ɗe iv̄ao uhayati, umwili kaushindri ata trongo. Marongozi yao namuambiani, yao roho na uhayati.

MAV̄INGIZI-RISALA 15:18

Zini ɗe zitrongo Mola azirongoa, waye alio amba ɗe azijudza rangu zamani.›

MAROMU 3:29

Au v̄av̄o, Mungu waye Mungu wa Mayahudi tu ɓasi? Hali waye tsi wa zinishani zangina wajau? Ewa, waye wa zinishani zangina wajau,

MAROMU 4:18

Ata ha iv̄o kav̄waka dalili itsokao yotsi amba imuv̄e tama, ne Iɓrahima akana tama, tsena aamini; ɓasi na ha izo arendreha ɓaɓa wa nishani ha uwengi, ulingana na zile aka aambilwazo, amba: «Ɗe ha inamuna iyo ɗe zitsokao zilembwe zaho.»

MAROMU 4:2

Na djeli Iɓrahima aka ahakishiha mbeli za Mungu ha siɓaɓu ya zitrendro, atsokana trongo ya udzisifu, ɓadi tsi mbeli za Mungu.

MAROMU 8:11

Na neka iRoho ya Ule amuregeza Insa hayi ulawa ha uwafu isuẽshi moni hanyu, v̄av̄o waye-waye amuregeza hayi Kristi-Insa ulawa ha uwafu, atsoẽshisa wajau yimili mufa yanyu, ha ndzia ya iRoho yahe iẽshio moni hanyu.

MAROMU 9:11

Na kaɓula ya wana wahe udzalwa, raha kawafanya ndjema wala mbovu, ile pare umupango wahe uɓaki, ne ɗe uka amba waye ɗe atsahuao,

MAROMU 9:26

Na tsena: «V̄ahanu v̄ale wakoambilwa: ‹Wanyu tsi umati wangu›, ɗe v̄ahanu kamwe watsohiriwao: ‹Wana wa Mungu alio hayi.› »

1 MAKORINTIYO 1:28

Mungu atsahua zilio ndziv̄ungufu ulemenguni, zitefulwao, izo kazisi, ile azime hatwi izo zilio,

1 MAKORINTIYO 15:45

Iyo ɗe imana ata v̄waangihwa moni na uMuangishio Mutwaharifu: «uMwanadamu wa handra, Adamu, afanyiha shiumbe yendza roho»; Adamu wa mwiso waye, roho iv̄ao uhayati.

1 TIMUTAUSU 6:13

Nisuhuãmurisha mbeli za Mungu av̄ao uhayati zitru piya, na mbeli za Kristi-Insa alio amba atoa ushahidifu ha mukuɓalisho mwema mbeli za Pontiusu Ɓilatusa:

MAHEƁRANIYA 11:12

Iyo ɗe imana ata ha mutru moja, na uwo akokuruɓia ufa, v̄udzalwa indadi mauri ɗe zinyora za mbinguni, mauri ɗe umutsanga wa ɓaharini ulio amba kauhisaɓiha.

MAHEƁRANIYA 11:3

Ha uaminifu ɗe rielewao amba ulemengu ufanyiwa ha urongozi wa Mungu, ha namuna amba izo zionehanao, kazalawa hari mwa zionehanao.

MAHEƁRANIYA 11:7

Ha uaminifu ɗe Nuhu ufahamishiwa yahe na Mungu na trongo zilio amba raha kazakoonehana, ha utuĩvu wahe, afanya djahazi ile ahuyi udjama wahe. Ɗe ha uwo ɗe ahukumu ulemengu, amwesa afanyiha muarithi wa umuhakisho uparihanao ha uaminifu.

1 MONYE 2:10

Wanyu mulio amba hale hule kamwaka umati, av̄asa mufanyiha umati wa Mungu; wanyu mulio amba kamwaka mwapara urehema, av̄asa mupara urehema.

2 MONYE 3:8

Ɓadi v̄wa trongo, wav̄endzewa, ilio amba kayalazimu mwaiɗela, ne ɗe: Ha Raɓi, suku moja mauri maha alifu, na maha alifu mauri suku moja.