MAROMU 3:9 - Ha`bari Ndjema ya I Maore

⁹ Ɓasi v̄av̄o trini? Hali v̄anu wasi Mayahudi ra uju mwa wanyatru? Ata hata! Mana madza tsionesa amba wanadamu piya, yaãni, Mayahudi na tsi Mayahudi, rishilidziwa piyasi na maãswi.

MAROMU 3:9 ပူးပေါင်းရင်းမြစ်များ

LUKASI 7:39

Wakati Mufarisayo ule aka amukariɓisa aona trongo ile, adziambia: «Na djeli mutru unu aka mutrume, atsojua amba mbani na namuna trini ya mutrumama unu amuv̄av̄atsao, atsojua amba waye muãswifu.»

MAROMU 1:18

Ha yakini amba ihadhaɓu ya Mungu iv̄enuha rangu pev̄oni kinyume na kula uovu na upeu wa wanadamu walio amba ha uovu wawo, wasutsonga ukweli usujulihane.

MAROMU 11:32

Mana Mungu aɓalia piya wanadamu hari mwa umuharalio wa utuĩ wawo, ile awaonese urehema piyawo.

MAROMU 11:7

Ɓasi v̄av̄o trini? iTrongo Israila akozunguha, kaipara, ɓadi wao watsahulwa waipara. Na wao waɓaki wakaidishiha.

MAROMU 2:1

V̄av̄o ɓasi, kusina muswamaha, wawe mutru yotsi unamuao wanyaho. Mana wamonamua wanyaho, v̄av̄o usudzihukumu ɗe wawe, mana wawe unamuao, usufanya ɗe wizo zile.

MAROMU 3:1

Ɓasi ina tanafu trini ya uka Muyahudi, na utahiriwa|utahiri ina faida trini?

MAROMU 3:19

Ne risujua amba piya izo zarongolwa na iSharia, isuzirongoa ɗe ha wao walio hari mwa iSharia, ile pare v̄wasuke ata hanyo amba yashindra yadziv̄a haki, na ulemengu kamili uv̄enuhe na kosa mbeli za Mungu.

MAROMU 3:5

Ɓadi neka zimbovu zatru zisuv̄enua uhaki wa Mungu, v̄av̄o rirongowe trini? Amba Mungu tsi wa haki neka asuriãdhiɓisha ha zihadhaɓu zahe? (V̄av̄o nisulagua shiunadamu.)

MAROMU 6:15

Ɓasi v̄av̄o rirongowe jeje? Rifanye madhambi iv̄o karatawaliwa na iSharia, ɓadi amba ra hari mwa urehema? Ata hata!

MAROMU 7:14

Risujua amba Sharia, iyo trongo ya shiroho; ɓadi wami shiumbe mwendza mwili, tsa murumwa wa dhambi.

1 MAKORINTIYO 10:19

V̄av̄o trini ɗe niirongoao? Amba nyama yatolewa sadaka sanamwe, iyo izidi faida? Au sanamwe, iyo shitru yendza mana?

1 MAKORINTIYO 14:15

Ɓasi v̄av̄o nifanye jeje? Nitsofanya mamilio ha iRoho, tsena nifanye ha ifikira; nitsohimba ha iRoho, tsena nihimbe ha ifikira.

1 MAKORINTIYO 4:7

Mana mbani ɗe ahutafautishao? Trini ɗe ulionayo amba kwav̄olwayo? Na neka uv̄olwayo, manatrini udzisifuo mauri kwav̄olwayo?

MAGALATWIYA 3:10

Kweli amba wao watriao tama zawo hari mwa uɗunga iSharia, wa hari mwa ulaãnifu, mana v̄uangihwa: «Alaãnishiha mutru yotsi alio amba kasuɗunga ha ukamilifu piya zaangihwa moni na ishio ya iSharia, tsena kasuzitsimidza.»

MAGALATWIYA 3:22

Ɓadi uMuangishio urongoa amba ulemengu piya uɓaliwa hari mwa madhambi, ile uwahadi udjaãliwe, ha uaminifu na Insa-Kristi, ha wao waaminio.

MAFILIPI 1:18

Kav̄u taãɓu! Ha namuna yotsi itsokao, neka ha umo munafiki au warahara, Kristi asujudzwa. Na wami nisujiv̄iwa nayo. Amwesa nitsojiv̄iwa raha,