MAROMU 3:5 - Ha`bari Ndjema ya I Maore

⁵ Ɓadi neka zimbovu zatru zisuv̄enua uhaki wa Mungu, v̄av̄o rirongowe trini? Amba Mungu tsi wa haki neka asuriãdhiɓisha ha zihadhaɓu zahe? (V̄av̄o nisulagua shiunadamu.)

MAROMU 3:5 ပူးပေါင်းရင်းမြစ်များ

MAROMU 12:19

Musudziliv̄iye kiswa, wandzani wa roho wangu, ɓadi namulishe ihadhaɓu ya Mungu irendre, mana v̄uangihwa moni na uMuangishio: «Uliv̄a kiswa, iyo yangu, wami ɗe nitsoliv̄isao,» asurongoa Mola.

MAROMU 2:5

Ɓadi ha siɓaɓu ya ukaidi waho na uumo kauandilishiha, usudzihetsia ãkiɓa ya hadhaɓu ya isuku ya ihadhaɓu, wakati ihukuma ya haki ya Mungu itsov̄enuhao,

MAROMU 3:19

Ne risujua amba piya izo zarongolwa na iSharia, isuzirongoa ɗe ha wao walio hari mwa iSharia, ile pare v̄wasuke ata hanyo amba yashindra yadziv̄a haki, na ulemengu kamili uv̄enuhe na kosa mbeli za Mungu.

MAROMU 3:7

Ɓadi nahika ha unafiki wangu ukweli wa Mungu uzidi uv̄enuha ha utukufu wahe, manatrini ata wami nitsohukumulwao amba muãswifu?

MAROMU 4:1

V̄av̄o rirongowe trini ɓasi yahusu Iɓrahima, mudzaɗe watru uv̄andre wa shiuɓinadamu? Trini ɗe aipara?

MAROMU 5:8

Ɓadi ha zini ɗe Mungu av̄enua uriv̄endza yahe: iv̄o raha raka maãswifu, Kristi afu ha siɓaɓu ya wasi.

MAROMU 6:1

Ẽhẽ v̄av̄o rirongowe trini? Hali riɓaki hari mwa madhambi, pare ineema ya Mungu izidishihe?

MAROMU 6:19

Nisulagua shi unadamu, ha siɓaɓu ya udziro wa uelewa wa shiuɓinadamu wanyu. Mauri ɗe inamuna mwaka mwafanya ziga za umwili wanyu warumwa wa tsama na upeu uengedzehao ha upeu, v̄av̄o namufanye av̄asa ziga zanyu warumwa wa ihaki iv̄ingao hari mwa utwaharifu.

MAROMU 7:7

Ɓasi v̄anu rirongowe jeje? Amba Sharia, lilo dhambi? Ata hata! Ɓadi tsatsojua amba dhambi ɗe liv̄i, neka tsi ha iSharia. Mana tsatsojua amba udzihafukanisa iyo mbovu, na djeli iSharia kayaka yarongoa: «Usudzihafukanise.»

MAROMU 8:31

Ɓasi v̄av̄o rirongowe trini yahusu trongo zizo? Neka Mungu a uv̄andre watru, mbani ɗe atsoshindrao ake kinyume na wasi?

MAROMU 9:30

Ɓasi v̄av̄o rirongowe jeje? Watru wa zinishani zangina kawakodzishahilisa na umuhakisho ha Mungu wapara muhakisho ha ndzia ya uaminifu,

1 MAKORINTIYO 15:32

Na djeli kusudi yangu ika ya shiuɓinadamu ɗe nawana na zinyama nyeha Efeso, faida trini ɗe natsoipara? Neka wafu kawasuregezewa hayi, v̄av̄o: «Nariɗye na unwa, mana meso ritsofa.»

1 MAKORINTIYO 9:8

Hali trongo zini nisuzirongoa shiuɓinadamu tu? Hali iSharia kaisuzirongoa wajau?

2 MAKORINTIYO 6:4

Ɓadi ha kinyume, risudziv̄enua hari mwa kula trongo amba wasi warumishi wa Mungu: rangu ha ustahamilifu muɓole hari mwa matreso, ukosefu, usongefu,

2 MAKORINTIYO 7:11

Namuangaliye ɓasi itrongo huzuni iyo ijao ha uv̄endza ya Mungu yamuv̄ingiani: djitihadi trini, ɓari trini ya udzieledza, kiasi trini ya utukivu, trisidzo trini, ushauku mungav̄i, huɓa trini mulionayo hari mwa iĩɓada, zifungo jeje ɗe mwav̄a! Hari mwa kula v̄ahanu, muonesa uraharifu wanyu hari mwa trongo ile.

MAGALATWIYA 2:18

Neka nisurudi niundre izo nakomoa, v̄av̄o nisuv̄enua amba tsa mukosefu.

MAGALATWIYA 3:15

Wananyangu, nisuja nilaguwe ha shiunadamu: mukataɓa wamohisofungwa namuna yastahiki, kav̄usi mutru ajuao auzime, au auengedzeye nuktwa.

MUV̄ENULIO 15:3

Wakohimba lidjimbo la Musa, umurumishi wa Mungu, na lidjimbo la uMwana Ɓariɓari: «Zitrendro zaho ɓole zendza ãdjaɓu, Mola Mungu, Monyewe ushindzi. Ndzia zaho za haki, tsena za kweli, wawe uMufalume wa zinishani.

MUV̄ENULIO 18:20

Furahi ha uangamifu walo, wawe mbingu! Wanyu wajau watwaharifu, Mav̄ingizi-Risala na wanyu mujudzao marongozi ya shi mutrume mwashukidziwa. Mana Mungu amuv̄ani haki ha umuhukumu.»