MAROMU 3:31 - Ha`bari Ndjema ya I Maore

³¹ Hali v̄av̄o, risulalusa iSharia ha siɓaɓu ya uaminifu? Ata hata! Ɗe ikinyume, v̄av̄o risuhakikisha iSharia.

MAROMU 3:31 ပူးပေါင်းရင်းမြစ်များ

MATIYO 15:6

v̄av̄o mususomedza amba tsi paka amuhishimu tsena ɓaɓahe au mayahe. Ha izo, wanyu ulatsa urongozi wa Mungu ha siɓaɓu ya mila yanyu.

MATIYO 3:15

Ɓadi Insa amudjiɓu: «Lisha tu ike namuna iyo av̄asa. Mana ɗe ha inamuna iyo ɗe yastahiki ritsimidze piya izo zilio za haki.» Ɓas, v̄ale Yahaya akuɓali.

MATIYO 5:17

«Mwasufikiri amba tsija ha uzima iSharia au yimisomo ya yimitrume. Tsaja nazima, ɓadi nitsimidze.

MATIYO 5:20

Ɓasi nisumuambiani, neka utuĩvu wanyu kausuv̄iria wa Mafundi ya Sharia na Mafarisayo, kamutsongia ata hata hari mwa Utawalizi wa Monyewe ziMbingu.»

LUKASI 20:16

Atsoja aangamidze walimizi wale, arenge lishamba, av̄elo wangina.» Wakati wakia trongo zile, warongoa: «Ata hata! Tsi trongo mukinishiha!»

MAROMU 10:4

Mana Kristi, waye ɗe utsimidzifu wa iSharia, ile pare umuhakisho uke ha kula aaminio.

MAROMU 2:20

tsena fundi wa wajinga usomedzao uwatiti iv̄o ujuao iSharia, amba v̄av̄o wa hari mwa likoho la iĩlimu na ukweli.

MAROMU 3:4

Ata hata! Ɓadi Mungu nakuɓalishihe amba wa kweli, wala ukana kula mwanadamu munafiki, mauri ɗe iheli v̄waangihwa moni na uMuangishio: «Ile pare uhakishihe hari mwa marongozi yaho, tsena ushindre neka usunamulwa.»

MAROMU 3:6

Ata hata! Na djeli ɗe namuna iyo, namuna jeje atsohukumuo ulemengu?

MAROMU 4:14

Mana neka umwaratha uja ha uɗunga iSharia, v̄av̄o uaminifu kauna mana na uwahadi ufuɓia.

MAROMU 7:22

Mana moni na umo wangu, wami ujiv̄iwa na iSharia ya Mungu.

MAROMU 7:25

Natukuzihe Mungu, ha ndzia ya Insa-Kristi Raɓi watru! Ha izo ɓasi, ini ɗe iheli nilio: wami-wami ha iãkili yangu, tsa murumwa wa iSharia ya Mungu, na ha ihali ya shiuɓinadamu yangu, murumwa wa isharia ya dhambi.

MAROMU 8:4

ile pare ihaki yatsahwa na iSharia itsimidzihe hatruju, wasi rilio amba karisuɗunga maendreleo ya hali ya shiuɓinadamu, ɓadi ya shi Roho.

1 MAKORINTIYO 9:21

Ha wao walio ɓila iSharia tsika mauri mutru kasina iSharia, wakati ulio amba wami ha wami kaisi amba tsisina iSharia ya Mungu, ɓadi tsitawaliwa na iSharia ya Kristi. Trongo ini tsiifanya, ile nipare wao walio ɓila iSharia.

MAGALATWIYA 2:19

Kweli amba ha iSharia wami-wami tsifu mbeli za iSharia, ile niẽshi amba wa Mungu. Tsiremwa mizumari hari mwa muri wa pawa v̄umoja na Kristi;

MAGALATWIYA 2:21

Tsisuhara irehema ya Mungu; mana na djeli umuhakisho mbeli za Mungu uka ha iSharia, itsoka amba Kristi afu ɓila mana itsokao yotsi.