MAROMU 3:21 - Ha`bari Ndjema ya I Maore

²¹ Ɓadi av̄asa, wala tsi amba ha iSharia, umuhakisho mbeli za Mungu uv̄enuha, trongo ishadidishiwao ha iSharia na yimitrume.

MAROMU 3:21 ပူးပေါင်းရင်းမြစ်များ

LUKASI 24:44

Amwesa awaambia: «Zini ɗe nakomuambianizo wakati raha naka v̄umoja na wanyu, amba piya trongo zanihusu zaangihwa moni mwa iSharia ya Musa, yimitrume na iZaɓuri, zilazimu zitsimidzihe.»

YUHANI 1:45

Na waye Filiɓusa amupara Natanaeli, amuambia: «Rimupara ule aangihwa na Musa moni na iSharia, arongolwa na yimitrume, Insa wa Nazareti, mwana wa Yusufu.»

MAV̄INGIZI-RISALA 10:43

Piya yimitrume wasumulawia ushahidi amba mutru yotsi amuaminio, asupara ha lidzina lahe swamaha la yamadhambi.»

MAV̄INGIZI-RISALA 15:11

Tsi jau, ɓadi risuamini amba ɗe ha ineema ya Raɓi Insa|Raɓi ɗe rihuyiwao, mauri ɗe wao.»

MAV̄INGIZI-RISALA 26:22

Ɓadi ha umusada wa Mungu ata upara ileo ini, tsami, nisutoa ushahidi mbeli za uwatiti na uwaɓole, wala tsi ya wami urongoa trongo zangina neka tsi ɗe zizo zarongolwa na yimitrume na Musa amba zitsohidjiri,

MAV̄INGIZI-RISALA 28:23

Wafungu uparana suku, tsena waja ha uwengi zaidi wamupara nyumbani hahe v̄ale. Rangu asuɓuhi ata utswa ya lijua, Ɓaulusu awaeledza na uwatolea ushahidi Utawalizi wa Mungu, na uzunguha ulawa rangu iSharia ya Musa na yimitrume awav̄inge ata wakuɓali izo zahusuana na Insa.

MAROMU 1:17

Mana moni na iIndjili ini ɗe v̄wav̄enuha umuhakisho wa Mungu ha indzia ya uaminifu, ɓadi tsi ha trongo yangina, mauri ɗe inamuna yaangihwa moni na uMuangishio Mutwaharifu amba: «Uwo ahakishiha ha uaminifu wahe, atsokana uhayati.»

MAROMU 1:2

ilio amba aitolea wahadi rangu zamani moni na yiMiangishio Mitwaharifu ha ndzia ya yimitrume yahe,

MAROMU 16:26

ilio amba av̄asa ija iv̄enulwa, amwesa ijudziwa piya zinishani ha indzia ya yimiangishio ya yimitrume ha iãmuri ya Mungu wa daima, ile iwav̄inge hari mwa utuĩvu wa uaminifu,

MAROMU 3:28

Mana riono amba mwanadamu uhakishiwa mbeli za Mungu ha uaminifu, ɓadi tsi ha zitrendro zatsahwa na iSharia.

MAROMU 5:19

Tsena, mauri ɗe ha mutru moja katuĩ, wengi wafanyiha maãswifu, ɓasi ɗe ha inamuna iyo wajau ha utuĩvu wa mutru moja, wengi watsokuɓalishiha mbeli za Mungu.

MAROMU 5:21

ile pare mauri ɗe iheli dhambi latawala ha uv̄inga uufa, ɗe ha inamuna iyo wajau ineema isutawala ha uv̄inga umuhakisho uv̄ao uhayati wa daima ha ndzia ya Insa-Kristi, Raɓi watru.

MAROMU 9:30

Ɓasi v̄av̄o rirongowe jeje? Watru wa zinishani zangina kawakodzishahilisa na umuhakisho ha Mungu wapara muhakisho ha ndzia ya uaminifu,

1 MAKORINTIYO 1:30

Ne ɗe ha waye Mungu ɗe muliona uv̄umoja na Kristi-Insa, alio amba hatruju afanyishiha hikima yalawa ha Mungu: haki, mutwaharisho, na ukombofu,

2 MAKORINTIYO 3:9

Ɓasi neka urumishi uv̄ingao hari mwa zifungo ukana utukufu, ha mara ngav̄i zaidi urumishi uv̄ingao muhakikisho wazidi utukufu?

2 MAKORINTIYO 5:21

Uwo alio amba kajua dhambi, Mungu amufanya dhambi ha tanafu yatru, ile ha waye rifanyihe wendza haki wa Mungu.

MAGALATWIYA 3:8

Tsena iv̄o uMuangishio Mutwaharifu waona rangu kaɓula amba Mungu atsokuɓali watru tsi Mayahudi ha uaminifu wawo, ɗe wamujudza Iɓrahima ihaɓari ndjema iyo amba: «Piya zinishani zitsoɓarikishiha ha indzia yaho.»

MAGALATWIYA 5:5

Wasi hatruju, ɗe ha uv̄ingwa na iRoho ɗe rilindrao, v̄umoja na uaminifu, umuhakisho riutumainiao.

MAFILIPI 3:9

niparihane hari mwa uv̄umoja na waye, wala tsi amba ha muhakisho wangu monyewe ujao ha ulawana na iSharia, ɓadi ɗe uwo ujao ha uaminifu na Kristi, muhakisho ulawao ha Mungu, tsena waketsi hari mwa uaminifu.

1 MONYE 1:10

Uhuyifu uwo, yimitrume yakojudza marongozi washukidziwa ju la urehema mwahetsiwa, yiutwalia na uzunguha ikweli yawo.

2 MONYE 1:1

Wami Simoni Monye, murumishi amma Muv̄ingizi-Risala wa Insa-Kristi, ha wao wapara uaminifu wendza thamani moja na watru, ha uhaki wa Mungu watru amma Muhuyifu Insa-Kristi.