MAROMU 2:8 - Ha`bari Ndjema ya I Maore

⁸ Ɓadi hadhaɓu na hasera ha wao wadzinafasishao, waharao ukweli na uɗunga udhuluma.

MAROMU 2:8 ပူးပေါင်းရင်းမြစ်များ

MAROMU 1:18

Ha yakini amba ihadhaɓu ya Mungu iv̄enuha rangu pev̄oni kinyume na kula uovu na upeu wa wanadamu walio amba ha uovu wawo, wasutsonga ukweli usujulihane.

MAROMU 10:16

Ɓadi tsi piya ɗe watuĩ iHaɓari Ndjema. Mana Izaya arongoa: «Mwalangu, mbani ɗe aamini ihaɓari arikia nayo?»

MAROMU 15:18

Mana tsisuɓutu narongoa ata trongo neka tsi ɗe iyo Kristi aifanya ha indzia yangu, ne ɗe uv̄inga watru wa zinishani zangina hari mwa utuĩvu, trongo yafanyiwa ha marongozi na zitrendro,

MAROMU 6:17

Ɓadi himida Mungu, iv̄o ilio amba ɓaanda mwaka warumwa wa dhambi muja mutuĩ, ha piya iroho yanyu, hali ya musomo ilio amba mungia dhwamanani hayo.

MAROMU 9:22

Ɓasi neka Mungu utsaha yahe aonese hadhaɓu zahe na ujudza ushindzi wahe, astahamili ha suɓira ɓole ziya za hadhaɓu zatayarishiwa uangamifu?

1 MAKORINTIYO 11:16

Neka v̄wa mutru atsahao ashindrane na trongo iyo, wasi karisina udzevu wangina, ɓila tsena ziDjama Ndziwaminifu za Mungu.

2 MAKORINTIYO 12:20

Mana nisuria amba namowaswili, tsitsomuparani namuna natsotsaha, na wanyu tsena kamutsonipara namuna mwatsotsaha. Nisuria wami upara umani, uwivu, hasera, mitsapushiano, zilihidzo, marongo nnayi, udziɓua na fidjo.

MAGALATWIYA 5:20

uãɓudu masanamwe, utsayi, uãduwi, umani, uwivu, hasera, ushifuɓa, mitsapushiano, mifarikishano,

MAFILIPI 1:17

Na wa handra wale umujudza Kristi ha mashindrano, wala tsi ha umo warahara. iNia yawo ɗe ufanya namuna amba zifungo zangu zizidi uka ndziro.

MAFILIPI 2:3

Musufanye itsokao yotsi ha mashindrano, wala ha udzirendra, ɓadi ha uwekevu, namuone wasalia ɓorwa rahana wanyu.

2 MATESALONIKA 1:8

Atsov̄enuha moni na jenge la moro, ile aãdhiɓu wao kawasumujua Mungu na wao kawasutuĩ iIndjili ya Raɓi watru Insa.

TITUSA 3:9

Ɓadi ɓauha mashindrano ya shiujinga, zinaswaɓa, ngumani, mifarikishano hari mwa iSharia, mana izo kazina mana wala faida.

MAHEƁRANIYA 10:27

ɓadi mulindrilio wendza trisidzo wa ihukuma ya Mungu, uhali wa umoro ujao uvudze wao wamukanyushao.

MAHEƁRANIYA 11:8

Ha uaminifu ɗe Iɓrahima atuĩ uhiriwa yahe andre v̄ahanu v̄ulio amba akoja av̄upare mwaratha. Alawa ɓila ujua v̄ahanu akwendra.

MAHEƁRANIYA 5:9

Na ɓaanda akamilishiha, afanyiha ha piya wao wamutuĩo koho la uhuyifu wa daima,

YAKOƁU 3:14

Ɓadi neka rohoni hanyu muna uwivu muhali, na taɓia ya udziwanilia, ɓasi mwasudzifahari, wala mwasulaɓe ikweli.

YAKOƁU 3:16

Mana v̄ahanu v̄ulio uwivu na taɓia ya udziwanilia, v̄av̄o uka musadjadja na kula aina ya taɓia mbi.

1 MONYE 3:1

Ɗe namuna iyo wanyu watruwashe, namudzituĩse ha waume wanyu, pare neka amba v̄wa waharao utuĩ Urongozi, waparihane ha maendreleo ya watruwashe wawo, ɓila urongozi utsokao yotsi,

1 MONYE 4:17

Mana uwo ɗe uwakati ihukuma ya Mungu iandrisao hari mwa umuraɓa wahe. Na neka hari mwa wasi ɗe iandrisao, v̄av̄o utsoka jeje umwiso wa wao waharao utuĩ iIndjili ya Mungu?

MUV̄ENULIO 14:10

atsonwa waye wajau, uushi wa ihadhaɓu ya Mungu watsomolwa ɓila utsanganisiwa, moni na ishikombe ya hadhaɓu yahe. Atsotreswa moni na moro na vu la shidzaha mbeli na zimalayika ndzitwaharifu, na mbeli na uMwana Ɓariɓari.

MUV̄ENULIO 16:19

liƊago ɓole liãnisiha mafungu mararu. yaMalago ya zinishani yatsapuha-tsapuha, na v̄ale Mungu anahana Ɓaɓiluna liBole, alinosa ishikombe ya ushi wa ihadhaɓu ɓole yahe.