MAROMU 2:4 - Ha`bari Ndjema ya I Maore

⁴ Au usudharau utadjirifu wa uwema wahe, wa isuɓira na ustahamilifu wahe, ata kusujua amba v̄av̄o uwema wa Mungu uwo usutsaha uhuv̄inge wendre toɓa?

MAROMU 2:4 ပူးပေါင်းရင်းမြစ်များ

MAROMU 10:12

Ha izo kav̄u tafauti ɓaina ya Muyahudi na Mugiriki: piyawo Mwalawo moja adjaãliao ha uwengi piya wao wamuombao.

MAROMU 11:22

Ɓasi angalia uwema na uhali wa Mungu: waye muhali uv̄andre wa wale wawa, na mwema uv̄andre waho, neka uɓaki hari mwa uwema uwo. Neka tsi ɗe namuna iyo, utsokatrwa wajau.

MAROMU 11:33

Namuna jeje ulio muɓole utadjiri, ihikima na ujuzi wa Mungu! Kav̄u atsojuao aeledze minamuzi yahe, wala aelewe ndzia zahe.

MAROMU 3:25

Waye ɗe Mungu amutoa ake sadaka la muliv̄isho, ile ha idamu yahe, ake indzia ya upara muswamaha wa madhambi ha wao waaminio, pare aonese uhaki wahe; mana kaɓula oho, kakov̄ondra watru ha siɓaɓu ya madhambi yao.

MAROMU 6:1

Ẽhẽ v̄av̄o rirongowe trini? Hali riɓaki hari mwa madhambi, pare ineema ya Mungu izidishihe?

MAROMU 6:15

Ɓasi v̄av̄o rirongowe jeje? Rifanye madhambi iv̄o karatawaliwa na iSharia, ɓadi amba ra hari mwa urehema? Ata hata!

2 MAKORINTIYO 8:2

Ata ha iv̄o wakov̄irisiwa hari mwa taãɓu za kusudi, na wao wakozidi furaha hari mwa usikini muɓole wawo ata yakowav̄inga watowe musada ha utadjirifu,

MAEFESO 1:18

Naonesheye matso ya roho zanyu, pare mujuwe tama trini ifunganao na umuhirio wahe, na namuna jeje ulio utadjirifu mutukufu wa umwaratha wahe ulio ha uwatwaharifu,

MAEFESO 1:7

Haheju, rina ukombofu ha idamu yahe, muswamaha wa madhambi walingana na utadjirifu wa urehema wahe,

MAEFESO 2:4

Ɓadi Mungu waye mutadjirifu wa poreho na ha siɓaɓu ya uv̄endza muɓole ariv̄endza,

MAEFESO 2:7

ile aonese hari mwa yimida yijao utadjirifu wazidishiha wa urehema wahe aridjaãliawo ha uwema wahe hari mwa uv̄umoja watru na Kristi-Insa.

MAEFESO 3:16

Nisumumia amba ha utadjirifu wa utukufu wahe amudjaãliyeni ushindzi ha iRoho yahe, ile pare uutru wa moni hanyu uhodarishihe,

MAEFESO 3:8

Wami nilio umuv̄ungufu wa piya watwaharifu, tsidjaãliwa ineema ini ya ujudza ha watru wa zinishani zangina iHaɓari Ndjema ya utadjirifu wav̄iria shiv̄imo wa Kristi,

MAFILIPI 4:19

Mwalangu Mungu atsomudjaãliani kula yamukoseani, ha utadjiri mutukufu wahe ha Kristi-Insa.

MAKOLOSIYA 1:27

Mungu atsaha awajudze utadjirifu mutukufu wa iãdjaɓu ini hari mwa zinishani kazimuji, amba: Kristi moni hanyu, ɗe itama ya utukufu.

MAKOLOSIYA 2:2

ile roho zawo zingiye ɓari, wafunganisihe hari mwa uv̄endza, tsena wakane utadjirifu mukamilifu wa uelewa ha namuna yaswafishiha, pare wajuwe iãdjaɓu ya Mungu, ne ɗe Kristi,

1 TIMUTAUSU 1:16

Ɓadi tsidjaãliwa urehema pare hanguju, wa handra, Kristi-Insa aonese piya suɓira yahe, nike mufano ha wao watsomuaminio ile wapare uhayati mukamilifu.

1 TIMUTAUSU 6:17

Sariɓia walio tadjiri wakati wa leo wasudzione, wala wasutriye itama yawo hari mwa ngutadjirifu zilio amba kaziaminishiha, ɓadi ɗe ha Mungu ariv̄ao piya ha uwengi, ile rifurahishihe.

1 MONYE 3:20

ne ɗe zizo zakohara utuĩ hale oho, wakati isuɓira ya Mungu yakolindra hari mwa zisuku Nuhu akofanya lidjahazi. Moni v̄walo v̄uhuyiwa hisaɓu titi ya wanadamu yapara wanane, ha uv̄irisiwa hari mwa maji.

2 MONYE 1:11

V̄av̄o ɗe mutsodjaãliwao ha unafasi umungilio hari mwa utawalizi wa daima wa Raɓi amma Muhuyifu watru Insa-Kristi.

2 MONYE 3:15

Namurenge amba isuɓira ya Raɓi, iyo uhuyifu wanyu, mauri ɗe inamuna umwananya muv̄endzewa watru Ɓaulusu amuangishiani wajau, ha ihikima adjaãliwayo.

2 MONYE 3:3

Tu raɓuzi, namujuwe amba hari mwa zisuku za mwiso, v̄utsoja wafudhuli wendza madharau watsendrao ha zingushauku zawo wenyewe.

2 MONYE 3:9

Raɓi kasuhomesa umutsimidzio wa uwahadi, mauri ɗe inamuna ɓaãdhwi waifikirio, ɓadi asusuɓiri mbeli zanyu, mana kasutsaha v̄waka ata moja aangamia, ɓadi piya wandre toɓa.

MUV̄ENULIO 2:21

Tsimuv̄a wakati amba andre toɓa, ɓadi kasutsaha andra toɓa na taɓia mbovu zahe.

MUV̄ENULIO 3:20

Tsami, nisuhima mulongoju, nisurema hodi. Neka mutru asukia ji langu aɓua umulongo, nitsongia hahe, nitsoɗya v̄umoja na waye, tsena waye na wami.