MAROMU 2:3 - Ha`bari Ndjema ya I Maore

³ He wawe mwanadamu unamuao wanyaho wafanyao trongo mauri ɗe zizo, ne uzifanyao wawe-wawe, usufikiri amba utsoshindra utrale ihukuma ya Mungu?

MAROMU 2:3 ပူးပေါင်းရင်းမြစ်များ

MATIYO 23:33

Wanyu nyoha, kaɓila yendza sumu! Namuna jeje mutsoshindrao mutrale ishifungo ya umoro wa Djahanama?

MATIYO 26:53

Usufikiri amba tsishindri namumia Ɓaɓangu, ata av̄asav̄anu aniv̄eleshea mialifu na mialifu ya malayika?

LUKASI 12:14

Ɓadi Insa amudjiɓu: «Ɓaɓa, mbani ɗe anilisha nike munamuzi wanyu, au muãnisa mali wanyu?»

LUKASI 22:58

Ata hari mwa mwana muda, wangina amuono, arongoa: «Wawe ne v̄umoja na watru wale.» Ɓadi Monye arongoa: «Ɓaɓa, wami tsisi na wao!»

LUKASI 22:60

Ɓadi Monye adjiɓu: «Ɓaɓa, tsisujua trongo uirongoao!» Ɓasi v̄ale kamwe aka ju la urongoa trongo zile, v̄uyihi kukuyi.

MAROMU 1:32

Wala ukana wasujua iãmuri ya Mungu irongoao amba watru wafanyao trongo mauri ɗe zizo wastahiki wafe, tsi tu amba wasuzifanya, ɓadi wasukuɓali wale wazifanyao.

MAROMU 2:1

V̄av̄o ɓasi, kusina muswamaha, wawe mutru yotsi unamuao wanyaho. Mana wamonamua wanyaho, v̄av̄o usudzihukumu ɗe wawe, mana wawe unamuao, usufanya ɗe wizo zile.

MAROMU 2:2

Na wasi risujua amba ha ukweli ɗe Mungu anamuao watru wafanyao trongo mauri ɗe zizo.

MAROMU 9:20

Ɓasi hewe wawe shiumbe mwanadamu, wawe mbani ata usuɓutuo umukanyushe Mungu? Hali shitru yaparangwa itsomudzisa muparangizi wayo amba: «Manatrini wanifanya namuna ini?»

1 MATESALONIKA 5:3

Wakati watru watsorongoao amba: «Nafasi na hifadhwi za v̄av̄o!», ɓasi wakati uwo kamwe uangamifu utsowajilia ɓila udzilindrilia, mauri shikodza ha mutrumama mwendza hamili, amwesa kawatsoshindra watrala.

MAHEƁRANIYA 12:25

Namufahamu, musuharaliye uwo alaguao. Neka wao waharalia uwo akowafahamisha shiv̄andreju mwa tsi kawashindra watrala, ha mara ngav̄i zaidi wasi karitsoshindra ratrala, neka risudziɓausa na Uwo arifahamishao rangu pev̄oni!

MAHEƁRANIYA 2:3

namuna jeje ritsoshindrao ritrale, neka risudharau uhuyifu muɓole mauri ɗe uwo wajudziwa raɓuzi na Raɓi, amwesa radhiɓitishiwawo na wao wamukia?