MAROMU 2:29 - Ha`bari Ndjema ya I Maore

²⁹ Ɓadi uMuyahudi ɗe wa moni, na utahiriwa ɗe wa iroho, trongo ifanyiwao na iRoho Ndzitwaharifu, wala tsi ha ulingana na shitru yaangihwa. Sifa ya mutru mauri ɗe uwo kailawa ha wanadamu, ɓadi ha Mungu.

MAROMU 2:29 ပူးပေါင်းရင်းမြစ်များ

LUKASI 11:39

Ɓadi Raɓi amuambia: «Wanyu Mafarisayo, wanyu utwaharisha iv̄ondze ya shikombe na sahani, na v̄ale moni hanyu v̄ujaya udhuluma na uovu.

LUKASI 17:21

Watru kawatsorongoa: ‹Tsunu v̄anu!› au: ‹Tsule v̄ale!› Mana Utawalizi wa Mungu wa hari mwanyu.»

YUHANI 12:43

Mana wakov̄endza sifa za wanadamu rahana sifa za Mungu.

YUHANI 4:23

Ɓadi v̄usuja wakati, na uwo madza uja, ulio amba watru waãɓuduo ha kweli, watsomuãɓudu Ɓaɓa ha roho, tsena ha ukweli. Mana watru namuna iyo ɗe Ɓaɓa atsahao wamuãɓudu.

YUHANI 5:44

Ha namuna jeje mutsoshindrao muamini, wanyu murengao sifa zanyu wanyu ha wanyu, ne kamusutsaha mwapara sifa yalawa ha Mungu kana wa v̄ili?

MAROMU 14:17

Mana Utawalizi wa Mungu tsi ɗe uɗya na unwa, ɓadi ɗe uhaki, amani, na furaha, ha iRoho Ndzitwaharifu.

MAROMU 2:27

V̄av̄o mutru katahiriwa mwilini ne astehio iSharia, atsomuhukumuni wanyu mwatahiriwa muliona iSharia yaangihwa, ne muivundzao.

MAROMU 3:1

Ɓasi ina tanafu trini ya uka Muyahudi, na utahiriwa|utahiri ina faida trini?

MAROMU 7:6

Ɓadi av̄asa riɓuliwa mbeli za iSharia, mana rifu ha itrongo ile yakorifunga, ha namuna amba av̄asa risumurumishia Mungu ha utawalizi muv̄ia wa iRoho, ɓadi tsi ɗe ha indzia ya utawalizi wa hale, ne ɗe iSharia yaangihwa.

1 MAKORINTIYO 4:5

Ɓasi, musutowe unamuzi kaɓula ya uwakati wahetsiwa, kaɓula ya umujilio wa Raɓi atsotoao heuni izo zadzama shidzani na uonesa dhwahiri zinia zilio rohoni. V̄av̄o kula mutru atsopara ulawa ha Mungu sifa yamustahiki.

1 MAKORINTIYO 7:19

Mana utahiriwa, tsi ɗe itrongo, au tsi utahiriwa, tsi ɗe itrongo, ɓadi ɗe uɗunga ãmuri za Mungu.

2 MAKORINTIYO 10:18

Mana tsi ɗe ule adzisifuo ɗe akuɓalishihao, ɓadi ɗe ule Raɓi amusifuo.

2 MAKORINTIYO 3:6

Waye ɗe ariv̄a ushindzi wa uka warumishi wa mukataɓa muv̄ia; tsi mukataɓa waangihwa, ɓadi wa iRoho. Mana ule waangihwa uv̄inga hari mwa ufa, ɓadi iRoho uv̄inga hari mwa uhayati.

MAFILIPI 3:3

Mana watahiriwa wa kweli ɗe wasi, wasi riãɓuduo ha iRoho ya Mungu, ridzifaharishao hari mwa uv̄umoja watru na Kristi-Insa, tsena rilio amba karisutria tama yatru hari mwa uɓinadamu.

1 MATESALONIKA 2:4

Ɓadi iv̄o ilio amba Mungu ɗe arikuɓali aridjukumise iIndjili, wasi risulagua tsi amba rijiv̄idze wanadamu, ɓadi rimujiv̄idze ɗe Mungu atundao zilio rohoni hatru.

1 MONYE 3:4

ɓadi nauke wa moni wa utru wanyu, ustawivu kaukomo wa roho makini yendza utrulivu. Iyo ɗe itrongo ikao na faida ɓole mbeli za Mungu.