MAROMU 2:27 - Ha`bari Ndjema ya I Maore

²⁷ V̄av̄o mutru katahiriwa mwilini ne astehio iSharia, atsomuhukumuni wanyu mwatahiriwa muliona iSharia yaangihwa, ne muivundzao.

MAROMU 2:27 ပူးပေါင်းရင်းမြစ်များ

MATIYO 3:15

Ɓadi Insa amudjiɓu: «Lisha tu ike namuna iyo av̄asa. Mana ɗe ha inamuna iyo ɗe yastahiki ritsimidze piya izo zilio za haki.» Ɓas, v̄ale Yahaya akuɓali.

MAV̄INGIZI-RISALA 13:22

Ata umutoa yahe Saulu, awav̄a Daudu ake mufalume wawo, ule amutolea ushahidi unu: ‹Tsimupara Daudu, mwana wa Yesi, mutru alingana na iroho yangu alio amba atsotsimidza piya mav̄endzeleo yangu.›

MAROMU 13:10

Mutru av̄endzao munyahe, waye kamurendre mbovu. Ha izo uv̄endza, iyo utsimidza iSharia.

MAROMU 2:15

Wasuonesa ha zitrendro zawo amba izo zatsahwa na iSharia, ziangihwa rohoni hawo. Izo wazifikirio rohoni hawo, zisuitolea ushahidi, mana v̄wa wakati zifikira zawo zisuwasingidza amba wafanya kayalazimu, au v̄wa wakati uwaambia amba wafanya yalazimu.

MAROMU 2:20

tsena fundi wa wajinga usomedzao uwatiti iv̄o ujuao iSharia, amba v̄av̄o wa hari mwa likoho la iĩlimu na ukweli.

MAROMU 2:25

Utahiri una faida neka usustehi iSharia. Ɓadi neka usuvundza iSharia, utahiriwa waho usugauha mauri kwatahiriwa.

MAROMU 2:26

Neka ɓasi amba mutru katahiriwa asuɗunga ziãmuri za iSharia, hali katahiriwa yahe kaitsorengwa amba atahiriwa?

MAROMU 2:29

Ɓadi uMuyahudi ɗe wa moni, na utahiriwa ɗe wa iroho, trongo ifanyiwao na iRoho Ndzitwaharifu, wala tsi ha ulingana na shitru yaangihwa. Sifa ya mutru mauri ɗe uwo kailawa ha wanadamu, ɓadi ha Mungu.

MAROMU 3:30

mana v̄wa Mungu moja tu, na waye atsohakisha wao watahiriwa ha uaminifu wawo, na wao kawatahiriwa ha siɓaɓu ya uaminifu wawo wajau.

MAROMU 8:4

ile pare ihaki yatsahwa na iSharia itsimidzihe hatruju, wasi rilio amba karisuɗunga maendreleo ya hali ya shiuɓinadamu, ɓadi ya shi Roho.

1 MAKORINTIYO 7:19

Mana utahiriwa, tsi ɗe itrongo, au tsi utahiriwa, tsi ɗe itrongo, ɓadi ɗe uɗunga ãmuri za Mungu.

2 MAKORINTIYO 3:6

Waye ɗe ariv̄a ushindzi wa uka warumishi wa mukataɓa muv̄ia; tsi mukataɓa waangihwa, ɓadi wa iRoho. Mana ule waangihwa uv̄inga hari mwa ufa, ɓadi iRoho uv̄inga hari mwa uhayati.

MAGALATWIYA 5:14

Mana piya iSharia itsimidziha hari mwa urongozi moja, ne ɗe unu: «Utsomuv̄endza munyaho mauri ɗe inamuna udziv̄endzao wawe monyewe.»

MAEFESO 2:11

Namunahane ɓasi wanyu mulio amba ha ãswili, wanyu wa nishani zangina muhiriwao «tsi matahiriwa» na wao wadzihirao «matahiriwa», trongo yafanyiwa mwilini ha muhono wa mwanadamu,

2 TIMUTAUSU 3:15

na rangu unatsani haho, usujua yiMiangishio Mitwaharifu; yiyo ushindrohuv̄a ihikima iv̄ingao uhuyifu, ha ndzia ya uaminifu ulio hari mwa uv̄umoja na Kristi-Insa.

MAHEƁRANIYA 11:3

Ha uaminifu ɗe rielewao amba ulemengu ufanyiwa ha urongozi wa Mungu, ha namuna amba izo zionehanao, kazalawa hari mwa zionehanao.