MAROMU 2:19 - Ha`bari Ndjema ya I Maore

¹⁹ wawe udzihetsio amba ushindra uv̄inge wafa-matso na uka mwenge ha wao walio shidzani,

MAROMU 2:19 ပူးပေါင်းရင်းမြစ်များ

MATIYO 15:14

Namuwalishe tu! Wao wafa-matso wav̄ingao wafa-matso. Na neka mufa-matso asuv̄inga mufa-matso, watsopuliha wao waili moni na ngama.»

MATIYO 4:16

Umati ulio shidzani uono nuru ɓole, na wao waka hari mwa umukaɓala wa ishivuli ya ufa, nuru iwawalia.»

MATIYO 5:14

Wanyu ɗe iheu ya ulemengu. Ɗago laundrwa hari mwa mulima kalishindri ladzama!

MATIYO 6:23

Ɓadi neka dzitso laho la ɓovu, piya umwili waho utsoka moni na shidza. Neka iheu ilio moni haho ya shidza, ɓasi ha mara ngav̄i ishidza itsokao shidza!»

MARKUSI 10:15

Nisumuambiani ha kweli, mutru kasukuɓali Utawalizi wa Mungu mauri mwanamutsa, katsongia ata hata moni mwawo.»

LUKASI 1:79

ile iunishiye wao waketsi shidzani na hari mwa umuvuli wa ufa, ile iv̄inge ngao zatru hari mwa indzia ya amani.»

YUHANI 9:34

Wamudjiɓu: «Udzalwa ha ukamilifu waho hari mwa madhambi, ɗe urisomedzao?» Ɓas, wamuĩdzia.

MAV̄INGIZI-RISALA 26:18

wendre waɓuwe matso yawo, walawe shidzani wangiye hari mwa iheu, tsena walawe hari mwa ushindzi wa Shetwani, wazinge ha Mungu, ile wapare muswamaha wa madhambi yawo na fungu la mwaratha v̄umoja na wao watwaharishiwa ha uaminifu na wami.›

MAROMU 2:18

ujuao yamav̄endzeleo yahe na utafautishao indjema iv̄o wasomedzewa na iSharia,

MAROMU 2:20

tsena fundi wa wajinga usomedzao uwatiti iv̄o ujuao iSharia, amba v̄av̄o wa hari mwa likoho la iĩlimu na ukweli.

1 MAKORINTIYO 3:18

V̄wasuke ata mutru adzilaɓa: neka mutru mengoni mwanyu asudziona mauri mwendza hikima, hikima ya shi duniani, nafanyihe mujinga, ile afanyihe mwendza hikima.

1 MAKORINTIYO 4:10

Wasi ra wajinga ha siɓaɓu ya Kristi, ɓadi wanyu muna hikima hari mwa uv̄umoja wanyu na Kristi; wasi ra walemevu, ɓadi wanyu muna nguvu; wanyu musuv̄olwa hishima, ɓadi tsi wasi.

MAFILIPI 2:15

ile musuparihane na tuhuma, ɓadi muke watru warahara, wana wa Mungu kawasina pandra mbeli za lidunia ɓovu dziãswifu lini, lilio amba moni halo musuwala mauri mwenge hari mwa ulemengu,