MAROMU 16:26 - Ha`bari Ndjema ya I Maore

²⁶ ilio amba av̄asa ija iv̄enulwa, amwesa ijudziwa piya zinishani ha indzia ya yimiangishio ya yimitrume ha iãmuri ya Mungu wa daima, ile iwav̄inge hari mwa utuĩvu wa uaminifu,

MAROMU 16:26 ပူးပေါင်းရင်းမြစ်များ

1 TIMUTAUSU 1:17

Ɓasi ha uMufalume wa daima, tsi mufa, tsi muonehana, Mungu weke wahe, nav̄uke hishima na utukufu daimani aɓada. Amina.

MAGALATWIYA 3:8

Tsena iv̄o uMuangishio Mutwaharifu waona rangu kaɓula amba Mungu atsokuɓali watru tsi Mayahudi ha uaminifu wawo, ɗe wamujudza Iɓrahima ihaɓari ndjema iyo amba: «Piya zinishani zitsoɓarikishiha ha indzia yaho.»

MAROMU 15:18

Mana tsisuɓutu narongoa ata trongo neka tsi ɗe iyo Kristi aifanya ha indzia yangu, ne ɗe uv̄inga watru wa zinishani zangina hari mwa utuĩvu, trongo yafanyiwa ha marongozi na zitrendro,

MAROMU 1:5

alio amba ha ndzia yahe ridjaãliwa ineema ya uv̄inga iRisala ha piya zinishani, ile zituĩ uaminifu, ha utukufu wa lidzina lahe.

2 TIMUTAUSU 1:10

iRehema iyo iv̄enulwa av̄asa ha umujilio wa Muhuyifu watru Kristi-Insa, alio amba ashindri uufa, tsena atria heuni uhayati kauna ufa, ha iIndjili.

MAKOLOSIYA 1:26

ne ɗe iãdjaɓu yaka yadzamisiwa hari mwa yimida yav̄ira na ha zinaswila, ɓadi av̄asa yav̄enulwa ha watwaharifu wahe.

MAEFESO 1:9

Arijudza iãdjaɓu ya mav̄endzeleo yahe, ne ɗe umupango wa mav̄endzeleo yahe yamujiv̄ia adzitayarishawo rangu kaɓula autsimidze ha indzia ya Kristi,

MAROMU 15:4

Mana piya izo zaangihwa rangu zamani ziangihwa ha urifundra, pare ha isuɓira na iɓari ritrilwao na uMuangishio Mutwaharifu, rikane tama.

MAROMU 1:2

ilio amba aitolea wahadi rangu zamani moni na yiMiangishio Mitwaharifu ha ndzia ya yimitrume yahe,

1 YUHANI 5:20

Risujua raha amba uMwana wa Mungu aja, tsena ariv̄a iãkili ya ujua Uwo alio wa kweli. Na wasi rina uv̄umoja na Uwo alio wa kweli, ha wasi ukana uv̄umoja na uMwana wahe Insa-Kristi. Waye ɗe uMungu wa kweli, amma uhayati mukamilifu wa daima.

MAEFESO 2:20

Muja muundrwa hari mwa umusingi wafanyiha ha yaMav̄ingizi-Risala|Mav̄ingizi-Risala na yimitrume, musingi ulio amba Insa-Kristi waye-waye ɗe liɓwe la nyongaju.

MAHEƁRANIYA 9:14

ha mara ngav̄i zaidi idamu ya Kristi, alio amba ha iRoho ya daima atamania iwaye yahe ɓila pandra litsokao lotsi ha Mungu. iDamu yahe iyo ɗe itsoritwaharishao likoho la unamuzi latru na zitrendro ziv̄ingao hari mwa ufa, ile rimurumishiye Mungu alio hayi.

MAROMU 3:21

Ɓadi av̄asa, wala tsi amba ha iSharia, umuhakisho mbeli za Mungu uv̄enuha, trongo ishadidishiwao ha iSharia na yimitrume.

MAROMU 1:20

Kweli amba izo kazionehana ha Mungu, mauri ɗe ushindzi wahe kauna mupaka, na uungu wahe, zisupara zionehana dhwahiri rangu lidunia uumbwa yalo, zamoangaliwa ha iãkili hari mwa izo aziumba. Ha izo, kawasina haki itsokao yotsi.

MAV̄INGIZI-RISALA 10:43

Piya yimitrume wasumulawia ushahidi amba mutru yotsi amuaminio, asupara ha lidzina lahe swamaha la yamadhambi.»

MAV̄INGIZI-RISALA 6:7

uUrongozi wa Mungu wakwendra na uenea. iHisaɓu ya maswihaɓa yakoengedzeha ha uwengi hari mwa iYerusalemu, na wengi wa Matolezi-Masadaka|Mutolezi-Masadaka wastehi uaminifu.

MARKUSI 16:15

Amwesa awaambia: «Namwendre hari mwa lidunia piya, mujudze iHaɓari Ndjema ha kula shiumbe mwanadamu.

MUV̄ENULIO 19:10

V̄ale tsidzivutsu mindruni hayo ha uiãɓudu. Ɓadi iniambia: «Usufanye trongo iyo. Wami murumishi munyaho, na wa wananya waho wav̄ingao ushahidifu wa Insa. Muãɓudu Mungu! Mana ushahidifu wa Insa ɗe ulio iroho ya yamarongozi ya shi mutrume yashukidziwa.»

MUV̄ENULIO 1:17

Wakati namuona, tsipuliha mindruni hahe mauri tsifu. Sa ile anikadza umuhono wa hume wahe ha urongoa: «Usuriye! Wami ɗe nilio wa handra, amma wa hwisa,

MAHEƁRANIYA 13:8

Insa-Kristi a ɗe waye-waye, jana, leo, na daima.

1 TIMUTAUSU 3:16

Ilazimu rikuɓali amba iãdjaɓu ya ĩɓada, iyo ɓole: Waye av̄enuha ha mwili wa mwanadamu, adhiɓitishiwa na iRoho, aonehwa na zimalayika, ajudziwa hari mwa zinishani, aaminiwa ulemenguni, ahedzewa hari mwa utukufu.