MAROMU 16:10 - Ha`bari Ndjema ya I Maore

¹⁰ Namumusalimu Aɓalus alio amba uaminifu wahe na Kristi udjereɓilwa, tsena udhiɓitishiha amba wa kweli. Namusalimu watru wa udjama wa Aristoɓulusu.

MAROMU 16:10 ပူးပေါင်းရင်းမြစ်များ

MAROMU 14:18

Uwo amurumishiao Kristi ha inamuna iyo, waye umujiv̄ia Mungu, tsena ukuɓaliwa na uwanadamu.

MAROMU 16:3

Namusalimu Priskila na Akila walio v̄umoja na wami ha umurumishia Kristi-Insa.

MAROMU 16:7

Namuwasalimu Andronikusu na Yuniyusa walio hari mwa udjama wangu, na tsena waka wanyangu shiv̄ani. Wao ustehiwa ha kusudi hari mwa yaMav̄ingizi-Risala|Mav̄ingizi-Risala, amwesa wamuamini Kristi kaɓula ya wami.

MAROMU 8:11

Na neka iRoho ya Ule amuregeza Insa hayi ulawa ha uwafu isuẽshi moni hanyu, v̄av̄o waye-waye amuregeza hayi Kristi-Insa ulawa ha uwafu, atsoẽshisa wajau yimili mufa yanyu, ha ndzia ya iRoho yahe iẽshio moni hanyu.

1 MAKORINTIYO 11:19

Kweli amba ilazimu v̄uke mifaraka hari mwanyu, ile waaminifu wa kweli hari mwanyu, wav̄enuhe.

2 MAKORINTIYO 12:2

Wami ujua mutru aliona uv̄umoja na Kristi, ina maha kumi na minne, hali aka hari mwa umwili wahe, au hali kaka, wami tsisujua, Mungu tu ɗe ajuao, namuna yotsi saɓu mutru uwo ahedzewa ata mupaka uwingu wa raru.

2 MAKORINTIYO 2:9

Madhumuni yangu raha ata namuangishiani, ɗe wami utsaha nidhiɓitishe neka mwa watuĩvu hari mwa piya zitrongo.

2 MAKORINTIYO 5:17

Ɓasi neka mutru ana uv̄umoja na Kristi, v̄av̄o afanyiha shiumbe pia: za hale ziv̄iri, tsizini zilio pia zija.

2 MAKORINTIYO 8:22

Risuv̄eleha v̄umoja na wao mwananyatru wa shi uaminifu alio amba aridhiɓitisha ha mara nyengi na trongo nyengi idjitihadi yahe. Na v̄anu tsena asuzidi uiv̄enua ha uaminifu muɓole alionawo na wanyu.

MAGALATWIYA 1:22

Na v̄av̄o tsakojulihana sura na ziDjama Ndziwaminifu za Yudeya zilio ha Kristi.

MAFILIPI 2:22

Ɓadi musujua martaɓa yahe, namuna afanya hazi na wami mauri mwana na ɓaɓahe, ha uendresa mbeli iIndjili.

1 TIMUTAUSU 3:10

Ilazimu watundwe raɓuzi neka kawasina tuhuma, iv̄o warumishihe hari mwa usaidizi.

2 TIMUTAUSU 4:19

Nisalimiye Priskila na Akila, na umuraɓa wa Onesiforu.

1 MONYE 1:7

Yao yaja ile yav̄ime ukweli wa uaminifu wanyu, uaminifu uliona faida rahana dhahaɓu ndziangamivu, wala ukana iyo udhiɓitishiwa ha moro. Na uaminifu wanyu uwo ɓaanda wadhiɓitishiwa, ufanyiha siɓaɓu ya sifa, utukufu na hishima wakati wa umuv̄enulio wa Insa-Kristi