MAROMU 15:8 - Ha`bari Ndjema ya I Maore

⁸ Mana nisurongoa amba Kristi arendreha murumishi wa Mayahudi ile aonese ukweli wa Mungu, ha utsimidza zinguwahadi zatolewa ha uwadzaɗe,

MAROMU 15:8 ပူးပေါင်းရင်းမြစ်များ

MATIYO 15:24

Adjiɓu: «Tsav̄elehwa ha watru wangina neka tsi ɗe ha wa umuraɓa wa Israila, wapotea mauri maɓariɓari.»

MATIYO 20:28

Iyo ɗe inamuna uMwana wa Mwanadamu kaja arumishiwa, ɓadi aja arumishiye, na udzitoa fidia akombowe wengi wa wanadamu.»

YUHANI 1:11

Waye aja ha wahe, na wahe kawamukuɓali.

YUHANI 10:16

Tsina raha maɓariɓari yangina, yalio amba tsi ya livala lini. Yao wajau, ilazimu niyav̄inge; yatsovulishia ji langu. V̄av̄o v̄utsoka ɓangwe moja tu, na mutsunga moja tu.

MAV̄INGIZI-RISALA 13:46

Ɓas, ha dhwahiri Ɓaulusu na Ɓarnaɓasi wawaambia: «Ɗe hanyu kadimu ɗe yaka yalazimu Urongozi wa Mungu ujudziwe. Ɓadi rangu muuharao, amwesa mudzionao wanyu wenyewe amba kamwastahiki uhayati wa daima, ɓasi risulekedza ha zinishani zangina.

MAROMU 11:22

Ɓasi angalia uwema na uhali wa Mungu: waye muhali uv̄andre wa wale wawa, na mwema uv̄andre waho, neka uɓaki hari mwa uwema uwo. Neka tsi ɗe namuna iyo, utsokatrwa wajau.

MAROMU 11:30

Mara ya handra, wanyu kamwakotuĩ Mungu, na av̄asa ha iv̄o kawatuĩ, wanyu mupara urehema wahe;

MAROMU 15:16

Anidjaãlia ineema ya uka murumishi wa Kristi-Insa ha zinishani zangina. iHazi nadjukumisiwayo ya utolezi masadaka, ɗe ujudza iIndjili ya Mungu, ile watru wa zinishani zangina wake sadaka lakuɓalishiwa na Mungu, latwaharishiwa na iRoho Ndzitwaharifu.

MAROMU 3:26

Ha ustahamilifu wahe, Mungu atsaha aonese uhaki wahe hari mwa uwakati wa av̄asa unu, ile ake wa haki, amma uwo ahakishao mbeli zahe wao waliona uaminifu na Insa.

MAROMU 3:3

Kweli amba ɓaãdhwi mengoni mwawo kawaamini. Ɓasi iv̄o kawaamini, isurongoa amba Mungu tsi muaminifu?

MAROMU 4:16

Iyo ɗe imana amba wahadi uwo uja ha uaminifu, pare ike amba neema ya Mungu, tsena utsimidzihe ha piya zizilembwe za Iɓrahima, wala tsi tu amba ha wao walio hari mwa iSharia, ɓadi wajau ha wao waliona uaminifu mauri ɗe Iɓrahima, mudzaɗe watru piyasi.

1 MAKORINTIYO 1:12

iTrongo niirongoao ɗe ini, amba kula moja hari mwanyu asurongoa: «Wami wa Ɓaulusu»; na wangina: «Wami wa Aɓulusu»; wangina tsena: «Wami wa Sefasi»; na tsena v̄wa wangina arongoao: «Wami wa Kristi.»

1 MAKORINTIYO 10:19

V̄av̄o trini ɗe niirongoao? Amba nyama yatolewa sadaka sanamwe, iyo izidi faida? Au sanamwe, iyo shitru yendza mana?

1 MAKORINTIYO 10:29

Namorongoa amba ha siɓaɓu ya trongo ya minamuzi, tsisurongoa ɗe yanyu, ɓadi ɗe ya mutru ule. Manatrini ata unafasi wangu utsotrilwao hari mwa minamuzi ya mutru wangina?

1 MAKORINTIYO 15:50

iTrongo nimuambiaoni wananyangu, ɗe amba nyama na damu kazishindri uwarithi Utawalizi wa Mungu, tsena shitru muangamia kaiwarithi shitru tsi muangamia.

2 MAKORINTIYO 1:20

Mana piya zinguwahadi za Mungu, «iEwa» yazo uparihana haheju. Iyo ɗe imana wajau ata ha ndzia yahe rirongoao «iAmina», pare Mungu atukuzihe.

MAEFESO 2:12

amba wakati uwo mwakoka ɓila Kristi; muka v̄ondze na umati wa Israila, muka wadjeni na yimikataɓa|mukataɓa ya uwahadi, kamwakana tama wala Mungu ulemenguni.