MAROMU 15:26 - Ha`bari Ndjema ya I Maore

²⁶ Mana waaminifu wa Makadoniya na wa Akaya waãzimia uv̄eleha musada ha zimasikini zilio hari mwa uwaaminifu wa Yerusalemu.

MAROMU 15:26 ပူးပေါင်းရင်းမြစ်များ

MATIYO 25:40

Sa ile mufalume atsowadjiɓu: ‹Nisumuambiani ha kweli, kula wakati mwakofanyiazo mutiti moja hari mwa wananyangu watiti rahana watiti wao, v̄ale mwakonifanyiazo ɗe wami.›

MATIYO 26:11

Mana ha daima mutsokana masikini v̄umoja na wanyu, ɓadi wami, kamutsokana wami dahari.

LUKASI 14:13

Ɓadi wamopiha karamu, kariɓisa zimasikini, wendza zifeli, magoɓo, na wafa-matso.

LUKASI 6:20

Ɓas, Insa adzulia matso maswihaɓa yahe, arongoa: «Furaha ha wanyu mulio masikini, mana Utawalizi wa Mungu wanyu.

MAV̄INGIZI-RISALA 16:12

Ulawa v̄ale rendre Filipi, liɗago la yezi la liɓavu la Makadoniya, tsena lakotarumulwa na iRomu|Romu. Riv̄itsi wana suku ɗagoni v̄ale.

MAV̄INGIZI-RISALA 16:9

Ata uku, Ɓaulusu aono nida, amba v̄wa Mumakadoniya ahimi akomumia zini: «Shia uje Makadoniya, urisaidiye!»

MAV̄INGIZI-RISALA 18:12

Wakati Galiyo aka ahetsiwa muɓole wa liɓavu la Akaya, yaMayahudi ha nia moja wahimi kinyume na Ɓaulusu, wamuv̄ingi hari mwa lipa la mahakama

MAV̄INGIZI-RISALA 19:21

Ɓaanda ya zile, Ɓaulusu arenge ãzima ya uendra Yerusalemu ha uv̄iria iMakadoniya|Makadoniya na iAkaya|Akaya. Arongoa: «Wakati itsokao amba tsendre oho, itsonilazimu wajau nendre Romu.»

MAV̄INGIZI-RISALA 9:13

Ɓadi Ananiyasi amudjiɓu: «Raɓi, tsikia ha watru wengi piya uovu mutru uwo aufanya ha uwatwaharifu waho Yerusalemu.

1 MAKORINTIYO 16:15

Sariɓu langina tsena wananyangu: musujua amba umuraɓa wa Stefanasi, uwo ɗe wa handra waamini hari mwa umukaɓala wa Akaya, tsena wadzihetsi amba wasurumishia idjama ya waaminifu.

1 MAKORINTIYO 16:5

Nitsoja nimuoneni ɓaanda itsokao amba tsiv̄iri Makadoniya, mana kweli amba nitsov̄ira Makadoniya.

2 MAKORINTIYO 1:16

Tsika tsihetsi niv̄ire hanyu namwendra Makadoniya, amwesa namolawa oho, niregeye hanyu, ile munirengeledzeye umusafara wa uendra Yudeya.

2 MAKORINTIYO 11:9

Na wakati nakokosewa uka yangu v̄umoja na wanyu, tsakotsaha hadja ha mutru atsokao yotsi, mana wananya wa shi uaminifu waja ulawa Makadoniya, waka waniv̄ingia izo zaka zanikosea. Ha kula namuna tsidziɓalidza uka mudzo hanyuju, tsena nitsodziɓalidza nayo.

2 MAKORINTIYO 2:13

Ata ha izo, tsaka natrulia roho yangu, mana tsaka namupara mwananyangu wa shi uaminifu, Titusa. Ɓasi tsilaga watru v̄ale, tsilekedza Makadoniya.

2 MAKORINTIYO 7:5

Mana rangu uwaswili yatru Makadoniya, karapara ata uv̄umuzi; rakosongwa ha kula namuna: v̄ondze umani, na moni faza.

2 MAKORINTIYO 9:12

Mana urumishi wa mutsango uwo, tsi tu amba ususaidi hari mwa zakosea watwaharifu, ɓadi tsena usuzidisha himida zihedzewao ha Mungu.

2 MAKORINTIYO 9:2

Madza nisujua idjitihadi yanyu, ilio amba tsimusifuni nayo mbeli za Wamakadoniya|Makadoniya amba: «iAkaya|Akaya ya tayari rangu mwaha jana.» Na idjitihadi yanyu imarusa wengi.

2 MAKORINTIYO 9:4

ile yasuke amba neka Wamakadoniya wasuniɗunga, ɓasi kawamuparani tayari, rasupatswe na aĩɓu, neka tsisurongoa amba aĩɓu yanyu.

MAFILIPI 4:15

Na wanyu musuijua, Mafilipi, amba hari mwa umwandro wa umujudzio wa iIndjili, ulawa yangu Makadoniya, kav̄waka ata Djama Ndziwaminifu moja yaka na wami hari mwa trongo ya uv̄a na upara neka tsi ɗe wanyu.

1 MATESALONIKA 1:7

Ha izo muja murendreha mufano ha piya uwaaminifu wa Makadoniya na Akaya.

1 MATESALONIKA 1:8

Kweli amba Urongozi wa Raɓi ukilihana ulawa hanyu, wala tsi amba hari mwa iMakadoniya na iAkaya tu ɓasi, ɓadi uaminifu wanyu na Mungu ujulihana kula v̄ahanu, ha namuna amba tsi paka rirongowe itsokao yotsi hari mwawo.

1 MATESALONIKA 4:10

Mana madza musuifanya mbeli za piya uwananya wa shi uaminifu wa iMakadoniya|Makadoniya kamili. Na wasi risumutriani ɓari wananyatru amba muendreleye zaidi.

1 TIMUTAUSU 1:3

Mauri ɗe inamuna nahutafadali ulawa yangu ha uendra Makadoniya, amba uɓaki Efeso, pare usariɓiye ɓaãdhwi ya watru wasusomedze misomo yangina.

FILIMUNA 1:5

mana nisukia ihaɓari ya uv̄endza waho na uaminifu ulionawo na Raɓi Insa, ha tanafu ya piya uwatwaharifu.