MAROMU 15:19 - Ha`bari Ndjema ya I Maore

¹⁹ tsena ha ushindzi wa ãlama za ãdjaɓu na midjuza, ha ushindzi wa iRoho. Ha izo, rangu Yerusalemu ata upara liɓavu la Iliriko, tsijudza ha ukamilifu iIndjili ya Kristi.

MAROMU 15:19 ပူးပေါင်းရင်းမြစ်များ

2 MAKORINTIYO 12:12

Ãlama ndziv̄enufu za Muv̄ingizi-Risala zihidjirisiwa hari mwanyu: ustahamilifu hari mwa piya, ãlama za midjuza, ãdjaɓu, na midjuza.

MAHEƁRANIYA 2:4

Mungu waye adhiɓitisha ushahidi wawo ha ãlama za midjuza na ãdjaɓu, v̄umoja na midjuza za namuna na namuna, tsena raha ha neema za iRoho Ndzitwaharifu zaɗungana na mav̄endzeleo yahe.

MAGALATWIYA 3:5

Monyewe umudjaãliani iRoho, tsena ahidjirisao midjuza hari mwanyu, hali asuzifanya iv̄o muɗungao iSharia, au ɗe iv̄o mwakia ihaɓari ya uaminifu?

2 TIMUTAUSU 4:17

Ɓadi Raɓi ɗe aka na wami, anihodarisha ile pare ha wami, umutekelezio wa iHaɓari ufanyishihe ha ukamilifu, tsena ukilihwane na piya zinishani kazimuji Mungu. Ɓasi tsikombolwa na ihanyo ya simba.

MAV̄INGIZI-RISALA 20:6

Wasi v̄atru, ɓaanda ya uMusherehio wa Madipe kayatrilwa Lalive, ritreke ulawa ɗagoni Filipi, ata hari mwa suku tsano rendre riwapara Troasi, riv̄itsi suku saɓa hule.

MAV̄INGIZI-RISALA 17:10

Uku ule kamwe, wananya wa shi uaminifu wale wamurenge Ɓaulusu na Silasi, wawav̄eleha Ɓeriya. Uwaswili yawo, wangia moni na iNyumba ya Uswali ya Mayahudi.

MAV̄INGIZI-RISALA 20:20

Musujua amba, wala tsi ha umutsitsiani trongo itsokao yotsi, tsimujudzani na umusomedzani piya zakomufayidishani, ha hadhwira na hari mwa yimiraɓa yanyu,

MAV̄INGIZI-RISALA 19:1

Wakati Aɓulusu aka Korintiyo, Ɓaulusu awaswili Efeso, ɓaanda av̄iria yimikaɓala ya uju ya iAziya. Oho, aonana na ɓaãdhwi ya maswihaɓa.

MAV̄INGIZI-RISALA 18:19

Uwaswili yawo Efeso, Ɓaulusu alishi wanyahe v̄ale, angia moni na iNyumba ya Uswali, amwesa ahadisi na yaMayahudi|Mayahudi.

MAV̄INGIZI-RISALA 18:1

Ɓaanda ya v̄ale Ɓaulusu alawa Atheni, andre Korintiyo.

MAV̄INGIZI-RISALA 17:15

Watru waka waɗungana na Ɓaulusu wamuv̄ingi ata mupaka Atheni, amwesa warudi na iãmuri amba Silasi na Timutausu wandre wamupare ha uharaka.

MAV̄INGIZI-RISALA 16:18

Afanya trongo ile suku nyengi. Mwisoni Ɓaulusu atashaushiha, azingi, aambia djini lile: «Nisuhuãmurisha ha lidzina la Insa-Kristi ulawiye mutru uwo!» Ɓas, wakati ɗe uwo ule kamwe limuɓaushia.

MAV̄INGIZI-RISALA 15:12

Piya djama yangulidzana v̄ale iɓuriha, yakomuvulishia Ɓarnaɓasi na Ɓaulusu iv̄o wakotoa hadisi ya piya ziãlama za midjuza na zitrongo za ãdjaɓu Mungu azifanya ha ndzia yawo mbeli na zinishani zangina zile.

MAV̄INGIZI-RISALA 14:25

Wajudza Urongozi wa Mungu ɗagoni Perga, amwesa washuku Ataliya.

MAV̄INGIZI-RISALA 14:20

Ɓadi wakati yamaswihaɓa wamuzingidzia, ahimi, angia ɗagoni. iSuku ya v̄ili aɗungana na Ɓarnaɓasi, wandre Derɓi.

MAV̄INGIZI-RISALA 14:10

Sa ile arongoa ha ji lendza nguvu: «Hima ha yimindru, ulimbale!» Ɓas, ahimi na uwaruka, aandrisa uendra.

MAV̄INGIZI-RISALA 14:6

Ɓadi Ɓaulusu na Ɓarnaɓasi ujua yawo trongo zile, walawa wandre hari mwa yamalago ya Likaoniya yahiriwao Listra na Derɓi, na hari mwa piya yimikaɓala madjirani.

MAV̄INGIZI-RISALA 13:51

Ɓas, wav̄arusa lidjifu la yimindru yawo, amwesa wandre ɗagoni Ikoniyumu.

MAV̄INGIZI-RISALA 13:14

Ɓasi rangu Perga, waendrelea na indzia yawo ata wawaswili ɗagoni Antiyokiya ya Pisidiya. Wangia moni na iNyumba ya Uswali iSuku ya Uv̄umuzi|Suku ya Uv̄umuzi, waketsi.

MAV̄INGIZI-RISALA 1:8

Ɓadi mutsopara ushindzi wakati iRoho Ndzitwaharifu itsomujiliaoni, amwesa mutsoka mazahidi yangu rangu Yerusalemu, piya iYudeya, na iSamariya, ata yimipaka ya ishiv̄andre ya tsi.»

YUHANI 4:48

Insa amuambia: «Neka kamusuona ãlama za midjuza na za ãdjaɓu, v̄av̄o wanyu kamuamini.»

MATIYO 12:28

Ɓadi neka ha ushindzi wa iRoho ya Mungu ɗe niĩdziao mazetwani, v̄av̄o Utawalizi wa Mungu umujiliani.

1 MONYE 1:12

Wav̄enuliwa amba kawakodzirumishia wenyewe ɓadi wanyu hari mwa trongo zizo, zilio amba av̄asa mujudziwazo na wao wamutekelezeani iHaɓari Ndjema ha iRoho Ndzitwaharifu yav̄elehwa ulawa pev̄oni, trongo zilio amba ata zimalayika, ne zatsov̄endza zizielewe.

MAKOLOSIYA 1:25

Tsifanyiha murumishi wayo ulawana na lidjukuma Mungu anidhwaminisha ha tanafu yanyu, amba nitsimidze utekeleza urongozi wa Mungu,

MAROMU 15:24

nisutumainia nimuoneni wakati nitsokao hari mwa musafara wa uendra Espanya. Tsina tama ya uv̄ira nimuoneni, nipare musada wanyu wa wami uendrelea na umusafara, ɓaanda nitsojiv̄iwao v̄umoja na wanyu hari mwa mwana muda.

MAROMU 15:13

Ɓasi Mungu Monyewe av̄ao tama, namujadziyeni kula furaha na amani hari mwa uaminifu, ile pare itama yanyu yendre na uzidishiha ha ushindzi wa iRoho Ndzitwaharifu.

MAROMU 15:16

Anidjaãlia ineema ya uka murumishi wa Kristi-Insa ha zinishani zangina. iHazi nadjukumisiwayo ya utolezi masadaka, ɗe ujudza iIndjili ya Mungu, ile watru wa zinishani zangina wake sadaka lakuɓalishiwa na Mungu, latwaharishiwa na iRoho Ndzitwaharifu.

1 MAKORINTIYO 2:4

Hutuɓa yangu na mujudzio wa ihaɓari wangu kazaka zaketsi hari mwa marongozi yendza hikima yaswadikishao, ɓadi hari mwa uv̄enufu wa iRoho ya Mungu v̄umoja na ushindzi,

1 MATESALONIKA 1:5

Mana iIndjili ramujudzaniyo kayamujiliani amba ha marongozi tu, ɓadi tsena ha ushindzi, ha iRoho Ndzitwaharifu, v̄umoja na yakini yaswafishiha. Mana kweli amba musujua namuna jeje rakoka na wanyu, ha tanafu yanyu.