MAROMU 15:18 - Ha`bari Ndjema ya I Maore

¹⁸ Mana tsisuɓutu narongoa ata trongo neka tsi ɗe iyo Kristi aifanya ha indzia yangu, ne ɗe uv̄inga watru wa zinishani zangina hari mwa utuĩvu, trongo yafanyiwa ha marongozi na zitrendro,

MAROMU 15:18 ပူးပေါင်းရင်းမြစ်များ

MATIYO 25:16

V̄ale kamwe ule aka av̄olwa mapauni matsano andre ayarumishia ata apara matsano yangina.

MARKUSI 16:20

Na wao walawa wajudze iHaɓari Ndjema kula v̄ahanu. Raɓi akofanya hazi v̄umoja na wao, na udhiɓitisha marongozi yao ha ziãlama za midjuza zakoyaɗunga.]

MAV̄INGIZI-RISALA 14:27

Uwaswili yawo hule, wahudhurisha piya iDjama Ndziwaminifu, wawaeledza piya zile Mungu azifanya ha ndzia yawo na inamuna aɓulia zinishani zangina umulongo wa uaminifu.

MAV̄INGIZI-RISALA 15:12

Piya djama yangulidzana v̄ale iɓuriha, yakomuvulishia Ɓarnaɓasi na Ɓaulusu iv̄o wakotoa hadisi ya piya ziãlama za midjuza na zitrongo za ãdjaɓu Mungu azifanya ha ndzia yawo mbeli na zinishani zangina zile.

MAV̄INGIZI-RISALA 15:4

Uwaswili yawo Yerusalemu, warengwa na iDjama Ndziwaminifu, yaMav̄ingizi-Risala na yamadhwamana; na wao wajudza piya trongo Mungu akozifanya v̄umoja na wao.

MAV̄INGIZI-RISALA 21:19

Ɓaanda awarongodza, awaeledza moja ha moja zitrongo Mungu azifanya ha watru wa zinishani zangina ha umurumishi wahe.

MAV̄INGIZI-RISALA 26:20

Ɓadi ha uandrisa na uwakazi wa Damasko, waɗunga wa Yerusalemu na piya iYudeya, iv̄o ha zinishani zangina, tsijudza amba walazimu wandre toɓa, wazinge ha Mungu, warendre zitrendro zastahiki watru wandra toɓa.

MAROMU 1:5

alio amba ha ndzia yahe ridjaãliwa ineema ya uv̄inga iRisala ha piya zinishani, ile zituĩ uaminifu, ha utukufu wa lidzina lahe.

MAROMU 16:26

ilio amba av̄asa ija iv̄enulwa, amwesa ijudziwa piya zinishani ha indzia ya yimiangishio ya yimitrume ha iãmuri ya Mungu wa daima, ile iwav̄inge hari mwa utuĩvu wa uaminifu,

MAROMU 6:17

Ɓadi himida Mungu, iv̄o ilio amba ɓaanda mwaka warumwa wa dhambi muja mutuĩ, ha piya iroho yanyu, hali ya musomo ilio amba mungia dhwamanani hayo.

2 MAKORINTIYO 11:31

Mungu amma Ɓaɓa wa Raɓi Insa, natukuzihe daimani aɓada, asujua amba tsisurongoa trambo.

2 MAKORINTIYO 12:6

Na djeli nakotsaha nidziɓuwe, tsatsoka mujinga, mana natsorongoa ikweli. Ɓadi nisudziɓalidza nayo, pare v̄usuke mutru anihetsi uju rahana iyo aonao, na iyo anikiao nayo.

2 MAKORINTIYO 3:5

Ɓila tsi amba ha iwasi yatru ɗe rishindrao ridzihetsiye itsokao yotsi amba yalawa ha wasi wenyewe, ɓadi ushindzi watru ulawa ha Mungu.

2 MAKORINTIYO 6:1

Rangu rilio washangirizi wa Mungu, risumutriani ɓari mwasurenge ineema mwaipara hahe, mwaifanya shitru tsi yendza mavuna.

MAGALATWIYA 2:8

Mana Uwo atsonga amba Monye ake Muv̄ingizi-Risala ha yaMayahudi, ɗe anitsongesha wajau nike ha wale tsi Mayahudi.

MAKOLOSIYA 3:17

Yotsi mufanyao, neka ha marongozi au shitrendro, namuifanye ha lidzina la Raɓi Insa, na ha ndzia yahe, mumushukuriye Mungu amma Ɓaɓa.

2 MATESALONIKA 2:17

nawatriye ɓari ziroho zanyu, na umuhodarishani hari mwa kula shitrendro ndjema na urongozi mwema.

MAHEƁRANIYA 11:8

Ha uaminifu ɗe Iɓrahima atuĩ uhiriwa yahe andre v̄ahanu v̄ulio amba akoja av̄upare mwaratha. Alawa ɓila ujua v̄ahanu akwendra.

MAHEƁRANIYA 5:9

Na ɓaanda akamilishiha, afanyiha ha piya wao wamutuĩo koho la uhuyifu wa daima,

YAKOƁU 1:22

Namutriye ndziani uUrongozi, ɓadi isuke amba musuuvulishia tu ɓasi, ha udzilaɓa wanyu wenyewe.

1 YUHANI 3:18

Wana wangu, rasuv̄endze ha urongozi na hanyo tu, ɓadi ha zitrendro na zikweli.

YUDA 1:9

Ne ɗe ata Mikayilu, muɓole wa zimalayika wakati akoshindrana na Iɓilisa ha uwanilia umwili wa Musa, ne kasuɓutu aruhana, ɓadi arongoa: «Mola nahuv̄ondre.»