MAROMU 15:14 - Ha`bari Ndjema ya I Maore

¹⁴ Yahusu wanyu wananyangu, wami hanguju tsiwafiku amba mujaya uwema, mujadziwa piya uujuzi, musushindra muv̄ane shauri wanyu na wanyu.

MAROMU 15:14 ပူးပေါင်းရင်းမြစ်များ

1 MAKORINTIYO 1:5

Mana hari mwa uv̄umoja na waye, mudjaãliwa kula utadjirifu wa kula urongozi na kula ujuzi,

1 MAKORINTIYO 12:8

Moja udjaãliwa ha iRoho urongozi wendza hikima, na wangina urongozi wa ujuzi, ha iRoho ɗe wiyo ile.

1 MAKORINTIYO 13:2

Na neka tsidjaãliwa ineema ya ujudza marongozi ya shi mutrume yashukidziwa, ya ujua piya zisiri, neka tsina piya ujuzi, ata na piya uaminifu ushindrao utsengedze yimilima, ne tsisina mahaɓa, v̄av̄o tsisi shitru.

1 MAKORINTIYO 8:1

Ɓasi yahusu nyama zatolewa sadaka masanamwe, risujua amba piyasi rina ujuzi. Ujuzi, uwo uv̄inga mutru adziɓuwe, ɓadi mahaɓa, yao uhudza.

1 MAKORINTIYO 8:10

Mana neka mutru asuhuona wawe uliona ujuzi amba uketsi, usuɗya moni na nyumba ya masanamwe, hali v̄av̄o ule alio amba likoho la unamuzi wa zindjema na zimbovu kalisi hodari, katsotrilwa ɓari ya waye uɗya nyama yatolewa sadaka masanamwe?

1 MAKORINTIYO 8:7

Ɓadi piya tsi ɗe waliona ujuzi uwo. Wasalia wakana udzevu wa masanamwe, ha namuna amba ata upara av̄asa wamoɗya nyama yatolewa sadaka masanamwe, wao uona amba v̄ale wasuɗya sadaka la shi sanamwe. liKoho la unamuzi hari mwa zindjema na zimbovu hawo tsi hodari. Ha izo, wao uona mauri wasunagisiha na inyama ile.

2 MAKORINTIYO 8:7

Mauri ɗe inamuna mwazidishiha hari mwa piya zitrongo: uaminifu, urongozi, ujuzi, djitihadi ya kula namuna, na yamahaɓa mwayapara ha ndzia yatru, namuzidishihe wajau hari mwa ineema ya urumishi wa utoa musada.

MAEFESO 5:9

mana mavuna ya heu ɗe kula uwema, uhaki na ukweli.

MAFILIPI 1:11

amwesa ike amba mujadziwa mavuna ya uhaki yajao ha indzia ya Insa-Kristi, ha utukufu na sifa ya Mungu.

MAFILIPI 1:7

Iyo haki neka nisumufikirini piyanyu namuna iyo, mana nisumuv̄ingani rohoni, wanyu mulio amba neka hari mwa zifungo za silisili zangu, mauri hari mwa idifaĩ na uhakikisha iIndjili, musurenga fuvu piyanyu hari mwa ineema nadjaãliwayo.

MAKOLOSIYA 3:16

V̄av̄o urongozi wa Kristi nauke moni hanyu ha piya utadjirifu wawo; namusomedzane na ufahamishana ha piya zihikima. Namuhedze madjimbo, ngutende za sifa, na himbo za shiRoho. Namumuhimbiye Mungu v̄umoja na himida ha piya umo wanyu.

1 MATESALONIKA 5:11

Ɓasi ha izo, namutriane ɓari na uhodarishana, mauri ɗe inamuna madza muifanyao.

1 MATESALONIKA 5:14

V̄av̄o wananya wa shi uaminifu, risumutriani ɓari mufahamishe wendza musadjadja, muhodarishe wao wapuha ɓari, musaidiye walemevu, mukane suɓira mbeli za watru piya.

2 MATESALONIKA 1:11

Iyo ɗe imana dahari rimufanyiaoni mamilio, ile Mungu watru amuoneni amba mustahiki muhirio wahe, tsena atsimidze ha ushindzi wahe kula nia ndjema mulionayo, na kula shitrendro muifanyao ha uaminifu.

2 TIMUTAUSU 1:5

Nisunahana wajau uaminifu wa kweli ulionawo, ulio amba uka kaɓula ha kokwaho Loyisi na ha mayaho Eunisia, na wami tsina yakini amba uwo wa hahoju wajau.

FILIMUNA 1:21

Ɗe ha uaminifu wa utuĩvu waho ɗe nihuangishiao, tsena ha ujua amba utsofanya zaidi ya izo nitsahao.

MAHEƁRANIYA 5:12

Wala ukana ika ilazimu muke wasomedza iv̄o mida yiyo yav̄ira, ne musutsaha raha musomedzewe ziharufu za handra za marongozi ya Mungu. Mufanyiha amba musutsaha dzia raha, ɓadi tsi shahula mangavu.

MAHEƁRANIYA 6:9

Wala ukana risulagua namuna iyo, yahusu wanyu wav̄endzewa, rina yakini amba mwa hari mwa indzia ndjema, ne ɗe ya uhuyifu.

2 MONYE 1:12

Iyo ɗe imana ata niliona inia ya umunahanidzani dahari trongo zini, ata iv̄o muzijuao, tsena mwahodarishiha hari mwa ikweli mulionayo av̄asa.

1 YUHANI 2:21

Tsimuangishiani tsi amba mana kamusujua ukweli, ɓadi mana musuujua, tsena kav̄u trambo ilawao hari mwa ukweli.