MAROMU 14:22 - Ha`bari Ndjema ya I Maore

²² Uaminifu waho ulionawo, usike uke waho mbeli za Mungu. Furaha uwo kasudzituhumia na izo aonao amba ndjema.

MAROMU 14:22 ပူးပေါင်းရင်းမြစ်များ

1 YUHANI 3:21

Wav̄endzewa wangu, neka umo watru kausurisingidzia, v̄av̄o rina yakini mbeli za Mungu.

MAROMU 14:5

V̄wa waonao amba v̄wa suku muhimu rahana zaɓaki, v̄wa wangina wazionao amba piya sawa. Ɓasi kula mutru nawafiku rohoni na iheli aonao.

YAKOƁU 3:13

Uv̄i mengoni mwanyu alio mwendza hikima, tsena mwendza ujuzi? Ɓasi mutru uwo nav̄enuwe ha umuendreleo mwema wahe zitrendro zahe, ha umakini v̄umoja na hikima.

MAGALATWIYA 6:1

Wananyangu, neka v̄wa mutru aja asikwa na aina ya kosa, wanyu muv̄ingwao na iRoho, namumurudi ha roho ndzitrulivu. Ɓadi dzitahadharishe, usendre wawe wajau wadjereɓiwa.

MAROMU 14:23

Ɓadi uwo adzituhumiao na ishitru aiɗyao, v̄av̄o ahukumulwa na kosa amoiɗya, mana kasina uaminifu na trongo aifanyao. Na kula trongo kayaketsi hari mwa uaminifu, lilo dhambi.

2 MAKORINTIYO 1:12

Mana ingazi ya udziɓua yatru ɗe ushahidifu wa inafusi yatru amba ridziv̄ingi ulemenguni v̄anu, na hususwani mbeli zanyu, hari mwa uraharifu na ukweli zilawao ha Mungu; ɓila tsi amba ha hikima ya shiuɓinadamu, ɓadi ha urehema wa Mungu.

MAROMU 14:14

Nisujua tsena tsina yakini ha uv̄umoja wangu na Raɓi Insa, amba kav̄u ata shitru ilio nagisi ha iwayo yayo; ɓadi neka mutru asuona amba shitru ya nagisi, v̄av̄o ya nagisi na ule aionao nagisi.

MAROMU 14:2

Mauri v̄wa aaminio amba atsojua aɗye kula shitru, v̄wa wangina amba uaminifu wahe kausi muhodari, kaɗyi neka tsi mafeliki.

MAV̄INGIZI-RISALA 24:16

Iyo ɗe imana nidzifarudhishao amba ha dahari roho yangu irahare mbeli za Mungu na mbeli za wanadamu.

MAROMU 7:24

Masikini wami! Mbani ɗe atsonikomboao na umwili unu univ̄ingao hari mwa ufa?

MAROMU 7:15

Tsisuelewa trongo niifanyao. Mana tsisufanya iyo niitsahao, ɓadi iyo niiengao ɗe niifanyao.

MAROMU 2:1

V̄av̄o ɓasi, kusina muswamaha, wawe mutru yotsi unamuao wanyaho. Mana wamonamua wanyaho, v̄av̄o usudzihukumu ɗe wawe, mana wawe unamuao, usufanya ɗe wizo zile.

1 MAKORINTIYO 8:7

Ɓadi piya tsi ɗe waliona ujuzi uwo. Wasalia wakana udzevu wa masanamwe, ha namuna amba ata upara av̄asa wamoɗya nyama yatolewa sadaka masanamwe, wao uona amba v̄ale wasuɗya sadaka la shi sanamwe. liKoho la unamuzi hari mwa zindjema na zimbovu hawo tsi hodari. Ha izo, wao uona mauri wasunagisiha na inyama ile.