MAROMU 14:13 - Ha`bari Ndjema ya I Maore

¹³ Ɓasi rasunamuwane tsena wasi na wasi, ɓadi v̄av̄o namurenge ãzima amba mwasuke siɓaɓu ya ukwalisa munyawe, au ya umutria hari mwa dhambi.

MAROMU 14:13 ပူးပေါင်းရင်းမြစ်များ

MATIYO 16:23

Ɓadi Insa azingi, amuambia Monye: «Nilawiye mbeli zangu v̄anu Shetwani! Usutsaha unikwalise! Mana fikira zaho tsi ɗe za Mungu, ɓadi za wanadamu.»

MATIYO 18:7

Maondo ha ulemengu, iv̄o v̄ulio trongo zikwalisao! Lazima amba v̄uke trongo zikwalisao, ɓadi maondo ha uwo atsotsongao zije!

MATIYO 7:1

«Musunamuwe wanyanyu, pare wanyu musunamulwe.

LUKASI 12:57

«Manatrini kamusunamua wanyu wenyewe izo zilio haki?

LUKASI 17:2

Ɓasi itsoka ɓorwa waye ufungwa na ɓwe tsingoju, andre atrilwe nanga zilindrini, rahana uka amba waye ɗe akwalisa moja hari mwa uwatiti wao.

MAROMU 11:9

Na Daudu waye, arongoa: «Karamu zawo zike utra hawoju, zike trambwi, siɓaɓu ya ukwala, tsena ziwav̄ingiye shengwe ya haki.

MAROMU 14:10

Ɓasi wawe, manatrini ata unamuao munyaho? Au wawe, manatrini uoneao munyaho? Wasi piyasi ritsohima mbeli na ishiri ya mahakama ya Mungu.

MAROMU 14:3

V̄av̄o ule aɗyao, asuoneye ule kaɗyi; na ule kaɗyi, asunamuwe ule aɗyao, mana Mungu amukariɓisa.

MAROMU 14:4

Wawe ɗe mbani ata unamuao murumishi wa mutru wangina? Neka amba ahimi hari mwa urumishi wahe, au awu, yao mashuhuli ya umurumisa wahe. Na waye atsosimamia uhima, mana Mola ana ushindzi wa umusimamisa.

MAROMU 16:17

Nisumutahadharishani wananyangu, mudzifahamishe na watria-mufaraka na wao wakwalisao watru ha kinyume na umusomo mwaupara. Namudziɓause na wao.

1 MAKORINTIYO 10:32

Musuke siɓaɓu ya ukwalisa, tsi ha Magiriki, wala tsi ha Mayahudi, wala tsi ha iDjama Ndziwaminifu ya Mungu,

1 MAKORINTIYO 11:13

Namunamuwe wanyu wanyewe: hali ndzuzuri mutrumushe ufanya mamilio ɓila uv̄ishia?

2 MAKORINTIYO 5:14

Mana uv̄endza wa Kristi usurifarudhisha, iv̄o riliona yakini na zini: moja afu ha faida ya piya. Ɓasi v̄av̄o piya wafu.

2 MAKORINTIYO 6:3

Wasi karisuv̄a ata mutru siɓaɓu itsokao yotsi ya umukwalisa, pare ihazi ya urumishi yatru yasuparihwane na kosa.

MAFILIPI 1:10

pare mujuwe mutsahuwe ilio mahususu, tsena muke wa kweli ɓila tuhuma isuku ya umuregeo wa Kristi,

1 TIMUTAUSU 5:14

Ha izo natsov̄endza watruwashe wa maha mishashi wafiliwa walolwe, wadze, wasike ha uzuri miraɓa yawo, ile wasuv̄e iãduwi shisa itsokao yotsi ya urilagua ha unayi.

YAKOƁU 2:4

hali v̄av̄o kamusufanya uɓanguzi wa sura hari mwanyu, kamwafanyiha wanamuzi wendza fikira mbovu?

YAKOƁU 4:11

Mwasusingidziane wananyangu. Mutru asingidziao mwananya wa shi uaminifu au anamuao mwananyahe, asusingidzia iSharia na uinamua. Na neka usunamua iSharia, v̄av̄o kusi mutru aiɗungao, ɓadi wa munamuzi.

1 YUHANI 2:10

Mutru av̄endzao munyahe, uɓaki heuni, na haheju kav̄uka siɓaɓu ya umukwalisa.

MUV̄ENULIO 2:14

Ɓadi tsina kinyume na wawe ɓaãdhwi ya zitru tsizini: haho una watru waɗungao musomo wa Ɓalahamu alio amba akomusariɓia Ɓalaki atsonge umukwaliso wa Israila ha uwasariɓia waɗye nyama yakotolewa sadaka masanamwe, na ufanya uzindzi.