MAROMU 13:11 - Ha`bari Ndjema ya I Maore

¹¹ Namufanye zizo, iv̄o mujuao wakati rilio: wakati upara ya wanyu ulamuha hari mwa tsindzi zanyu. Mana av̄asa uhuyifu wa kariɓu na wasi rahana wakati raja raamini.

MAROMU 13:11 ပူးပေါင်းရင်းမြစ်များ

MATIYO 16:3

Na asuɓuhi ya handra, musurongoa: ‹Leo hawa itsoka mbovu, mana uwingu ufanyiha shidza.› Wanyu ushindra muelewe hali za uwingu, ɓadi kamushindri uelewa zidalili za zinyakati zilio!]

LUKASI 21:28

Trongo izo zamoandrisa uhidjiri, namuhime, mudzuwe zitswa zanyu, mana uwokovu wanyu usukuruɓia.»

1 MAKORINTIYO 10:11

Na trongo zizo ziwav̄iria ile zike mufano, tsena ziangihwa pare zirifahamishe, wasi rawaswiliwa na uwakati wa mwiso.

1 MAKORINTIYO 15:34

Ãkili zanyu nazimuregeyeni, musuãswi tsena. Kweli amba v̄wa wasalia kawamuji Mungu. Nisuirongoa ha aĩɓu yanyu.

MAEFESO 5:14

mana kula yav̄enulwa ufanyiha heu. Iyo ɗe imana ata v̄urongolwao: «Hima, wawe wasindzia, dzimidze hari mwa uwafu, na Kristi atsohuwalia.»

YAKOƁU 5:8

Wanyu wajau namukane suɓira, muhodarishe roho zanyu, mana umujilio wa Raɓi ukuruɓia.

1 MONYE 4:7

uMwiso wa piya zitrongo ukuruɓia. Ɓasi namukane zifikira zanyu, tsena muke hashiri, pare mufanye mamilio.

2 MONYE 3:11

Rangu piya zizo zitsoangamidziwao namuna iyo, ɓasi v̄av̄o mulazimu muke jeje? Ɗe ha muendreleo mutwaharifu v̄umoja na ĩɓada,

2 MONYE 3:9

Raɓi kasuhomesa umutsimidzio wa uwahadi, mauri ɗe inamuna ɓaãdhwi waifikirio, ɓadi asusuɓiri mbeli zanyu, mana kasutsaha v̄waka ata moja aangamia, ɓadi piya wandre toɓa.

1 YUHANI 2:18

Wana wangu, ini ɗe isa ya mwiso. Mauri ɗe inamuna mwakia amba v̄wa Mukanyusha-Kristi ajao, ɓasi v̄anu v̄uhimi makanyusha-Kristi wengi. V̄av̄o risujua amba ini ɗe isa ya mwiso.

MUV̄ENULIO 1:3

Aɓarikishiha uwo asomao na wao wakiao yamarongozi ya shi mutrume yashukidziwa, tsena wasikao izo zaangihwa moni v̄av̄o, mana wakati ukuruɓia.

MUV̄ENULIO 22:10

Amwesa iniambia: «Usuɓale ha liti marongozi ya shi mutrume yashukidziwa ya ishio ini, mana wakati ukuruɓia.

MUV̄ENULIO 22:12

«Tsami nisuja tsi hale! Tsena nisuv̄inga v̄umoja na wami zithawaɓu zangu, ile niv̄e kula mutru ha uɗunga shitrendro yahe.

MUV̄ENULIO 22:20

Monyewe ulawia ushahidi trongo zini asurongoa: «Ewa, nisuja tsi hale.» Amina. Ko, Raɓi Insa.