MAROMU 12:7 - Ha`bari Ndjema ya I Maore

⁷ Uwo adjaãliwa ineema ya urumishi, narumishiye, na uwo alio amba ya usomedza, nasomedze.

MAROMU 12:7 ပူးပေါင်းရင်းမြစ်များ

MATIYO 28:19

Ɓas namwendre ha piya zinishani, muwafanye maswihaɓa, muwaɓaĩshe ha lidzina la Ɓaɓa, la uMwana, na la iRoho Ndzitwaharifu,

YUHANI 3:2

Suku mengoni mwa suku, amujilia Insa uku, amuambia: «Mutukufu, risujua amba wawe fundi wav̄elehwa na Mungu. Mana kav̄u mutru ashindrao afanye ãlama za midjuza zizo uzifanyao, neka Mungu kasi na waye.»

MAV̄INGIZI-RISALA 13:1

Hari mwa iDjama Ndziwaminifu ya Antiyokiya, v̄uka watru wakoshukidziwa marongozi ya shi mutrume, tsena v̄uka amba wakosomedza: Ɓarnaɓasi, Sameana akohiriwa Muɗu, Lukiyusu wa shi Kureniya, Manayinu aka alelwa na wakala Hirudu, na Saulusu.

MAV̄INGIZI-RISALA 20:20

Musujua amba, wala tsi ha umutsitsiani trongo itsokao yotsi, tsimujudzani na umusomedzani piya zakomufayidishani, ha hadhwira na hari mwa yimiraɓa yanyu,

MAV̄INGIZI-RISALA 20:28

Ɓasi namudzifahamishe wanyu na liɓangwe piya la maaminifu iRoho Ndzitwaharifu yamudhwaminishanilo; namutsunge iDjama Ndziwaminifu ya Mungu aipara ha idamu yahe monyewe.

MAV̄INGIZI-RISALA 6:1

Hari mwa zisuku zizo, ɓaanda ihisaɓu ya maswihaɓa yakwendra na uengedzeha, wale wakolagua Shigiriki wakonguruma kinyume na wale wakolagua Shiheɓraniya, mana hawo watruwashe wafiliwa na waume wawo kawakov̄olwa sawa na wanyawo wasalia umusada wakotolwa kula suku.

1 MAKORINTIYO 12:28

Na hari mwa iDjama Ndziwaminifu, Mungu ahetsi handrani Mav̄ingizi-Risala, ya v̄ili watru wajudzao marongozi washukidziwawo, ya raru watru wasomedzao. Yaɗunga ineema ya ufanya midjuza, amwesa ya uzihira, ya usaidi, ya uv̄inga, na ulagua tafauti za luha zashukidziwa.

1 MAKORINTIYO 12:5

V̄wa tafauti za mirumishi, ɓadi Raɓi ɗe waye-waye.

1 MAKORINTIYO 14:26

Ɓasi rifanye jeje, wananyangu? Kula mwamongulidzana, moja atsojua akane himbo, moja musomo, moja trongo av̄enuliwayo, moja luha ashukidziwa, na wangina faswiri. Piya nazifanyihe ha uendresa mbeli idjama.

MAGALATWIYA 6:6

Uwo asomedzewao Urongozi wa Mungu, naanise ndjema zahe piya na uwo amusomedzao.

MAEFESO 4:11

Waye ɗe afanya amba ɓaãdhwi wake Mav̄ingizi-Risala, wasalia wake watru wajudzao marongozi washukidziwawo, wasalia amba wajudzizi wa iHaɓari Ndjema, na wasalia amba watsunga, iv̄o watru wasomedzao waaminifu,

MAKOLOSIYA 4:17

Namuambiye Arkiɓusa: «Dzifahamishe na urumishi waupara ulawa ha Raɓi, pare uutsimidze.»

1 TIMUTAUSU 2:7

Ushahidifu ulio amba wami tsifanyiha mujudzizi na Muv̄ingizi-Risala wawo, nisurongoa kweli ɓadi tsi trambo, tsena musomedza ha watru wa nishani zangina yahusu uaminifu na ukweli.

1 TIMUTAUSU 3:2

Ɓasi ilazimu dhwamana uwo ake ɓila tuhuma, mutrumume wa mutrumushe moja, ashindrodziziao, muekevu, mwendza hishima na mukariɓisa, tsena ashindre asomedze.

1 TIMUTAUSU 4:16

Dzifahamishe iwawe yaho na musomo waho, tsena uendreleye ha djitihadi na trongo zizo. Mana wamorendra namuna iyo, utsohuyi iwawe yaho, na wao wahuvulishiao.

1 TIMUTAUSU 5:17

Ɓasi uwaɓole waendresao ha uzuri iDjama Ndziwaminifu, nawaonehane amba wazidi ustahiki sheo, hususwani ɗe wao wadzirumao hari mwa mujudzio wa Urongozi na musomo.

2 TIMUTAUSU 2:2

Na izo wazikia na wami mbeli za wengi wa mazahidi, zidhwaminishe ha watru waaminifu watsoshindrao wazisomedze wajau wangina.

2 TIMUTAUSU 2:24

Ne ɗe kayalazimu amba murumishi wa Raɓi akana umani, ɓadi alazimu ake mwema mbeli za piya, ashindre asomedze, amwesa ake mustahamilifu.

2 TIMUTAUSU 4:2

judza Urongozi, parilia kula wakati, neka mwema au tsi mwema. Fundra na urudi watru, tria ɓari na usomedza v̄umoja na suɓira ndzikamilifu.