MAROMU 12:2 - Ha`bari Ndjema ya I Maore

² Musudzilinganise na ulemengu wa leo, ɓadi namudzilishe mugaudziwe ãkili yanyu ike pia, ile mushindre mujuwe yamav̄endzeleo ya Mungu, ne ɗe izo zilio ndjema zimujiv̄iao, tsena zarahara.

MAROMU 12:2 ပူးပေါင်းရင်းမြစ်များ

MATIYO 13:22

Na uwo apara yamaela hari mwa malavu yendza miɓa, ɗe uwo akiao uurongozi, ɓadi mifikirisho ya lidunia lini na uv̄endza-mali uɓala pumu urongozi ule, ata kaudza mavuna.

MARKUSI 4:19

ɓadi mifikirisho ya lidunia lini na ushauku wa utadjirifu udanganyao, iv̄o na ngushauku zasalia za kula namuna, izo uɓala pumu urongozi wa Mungu, ata uwo kautoa mavuna.

YUHANI 14:30

Tsitsorongoa trongo nyengi tsena na wanyu, mana umutawalizi wa lidunia lini asuja. Waye kasina ushindzi utsokao yotsi ju langu,

YUHANI 15:19

Na djeli muka wa lidunia, lidunia latsomuv̄endzani amba wa wilo. Na wanyu tsi wa lidunia, ɓadi tsimutsahuani hari mwa lidunia; iyo ɗe imana ata lidunia limuengaoni.

YUHANI 17:14

Tsiwav̄a urongozi waho, na ulemengu uwaenge, iv̄o kawasi wa ulemengu, mauri wami, iv̄o tsisi wa ulemengu.

YUHANI 7:7

Dunia kalishindri muengani, ɓadi wami, lilo unienga, mana nisulilawia ushahidi amba zitrendro zalo za peu.

MAROMU 12:1

Ɓasi wananyangu, ha siɓaɓu ya urehema wa Mungu, nisumutriani ɓari muelehe umwili wanyu ha Mungu amba kafara lilio hayi, twahara limujiv̄iao Mungu. Iyo ɗe ĩɓada ya kweli yamulazimuni.

MAROMU 13:14

Ɓadi namudzipindrise Raɓi Insa Kristi, wala musudzishuhulise na itaɓia ya shiuɓinadamu ha ujiv̄idza zingushauku zayo.

MAROMU 7:12

V̄av̄o kweli amba iSharia ya ndzitwaharifu, na iãmuri wajau ya ndzitwaharifu, ya haki, tsena ndzuzuri.

MAROMU 7:14

Risujua amba Sharia, iyo trongo ya shiroho; ɓadi wami shiumbe mwendza mwili, tsa murumwa wa dhambi.

MAROMU 7:22

Mana moni na umo wangu, wami ujiv̄iwa na iSharia ya Mungu.

1 MAKORINTIYO 3:19

Mana hikima ya ulemengu unu, iyo ujinga mbeli za Mungu. Mauri ɗe iheli yaangihwa moni na uMuangishio Mutwaharifu: «Waye usika wendza hikima hari mwa udjandja wawo.»

2 MAKORINTIYO 4:4

wao walio amba kawasuamini. Ãkili zawo ziɓalwa matso na umutawalizi wa lidunia lini, ha namuna amba wasuone umuwalio wa iIndjili ya utukufu wa Kristi, alio umufano wa Mungu.

2 MAKORINTIYO 5:17

Ɓasi neka mutru ana uv̄umoja na Kristi, v̄av̄o afanyiha shiumbe pia: za hale ziv̄iri, tsizini zilio pia zija.

MAGALATWIYA 1:4

alio amba adzitoa fidia ha isiɓaɓu ya madhambi yatru, ile arikombowe na uwakati movu wa leo unu, ha uɗunga ya mav̄endzeleo ya Mungu watru amma Ɓaɓatru.

MAEFESO 1:18

Naonesheye matso ya roho zanyu, pare mujuwe tama trini ifunganao na umuhirio wahe, na namuna jeje ulio utadjirifu mutukufu wa umwaratha wahe ulio ha uwatwaharifu,

MAEFESO 2:2

yalio amba mwakoyafanya ha uɗunga maendreleo ya ulemengu unu, mwakotuĩ umutawalizi wa iyezi ya hawani, lidjini lirendrao av̄asa ha wao kawatuĩ.

MAEFESO 5:17

Ɓasi v̄av̄o, mwasuke ɓila ãkili, ɓadi namuelewe amba mav̄endzeleo ya Mola ɗe yav̄i.

MAKOLOSIYA 1:9

Iyo ɗe imana ata wasi wajau, rangu isuku raikia, karisuzia umumiliani Mungu na utsaha amba mujadziwe ujuzi wa mav̄endzeleo yahe, ha kula hikima na ushindzi wa uelewa shiroho,

MAKOLOSIYA 3:10

mwadzipindrisa utru muv̄ia ulio amba usendra na ufanyiha muv̄ia hari mwa ujuzi ulinganao na umufano wa Uwo auumba.

MAKOLOSIYA 4:12

Eɓafrasu alio wa shi hanyu, asumusalimuni; murumishi wa Kristi-Insa uwo asudzisonga dahari ha umufanyiani mamilio, ile musike hodari ɓaanda mwakamilishiha, na ukana yakini yaswafishiha na mav̄endzeleo ya Mungu.

1 MATESALONIKA 4:3

Mav̄endzeleo ya Mungu ɗe wanyu uka watwaharifu, mudzipukamanise na maendreleo maovu ya shahawa.

TITUSA 3:5

arihuyi, tsi amba rifanya zitrendro zamujiv̄ia, ɓadi ha urehema wahe monyewe. Arihuyi ha umuhoseo wa umudzalio muv̄ia, na umuregezeo-muv̄ia uv̄ingwao na iRoho Ndzitwaharifu,

YAKOƁU 1:27

iDini yarahara tsena kaina pandra mbeli za Mungu amma Ɓaɓa, ɗe ushahiliha na yatima na watruwashe wafiliwa na waume wawo hari mwa utaãɓifu wawo, na udziɓausa na kula tsama ya shiulemenguni itriao pandra.

YAKOƁU 4:4

Wanyu wazindzi halisi! Afa kamusujua amba uwandzani na lidunia, uwo uãduwi na Mungu? Ɓasi mutru atsahao ake mwandzani wa lidunia, waye asudzifanya ãduwi wa Mungu.

1 MONYE 1:14

Mauri wana watuĩvu, mwasudzilishe mwatawaliwa na zingushauku mwakanazo nyumeni hule, wakati raha kamwakana ujuzi.

1 MONYE 1:18

Namujuwe amba tsi ha zitru muangamia mauri fedha au dhahaɓu ɗe mwakombolwa hari mwa yamaendreleo kayana mana mwayawarithi ha wadzaɗe wanyu,

1 MONYE 2:3

ɓaanda ilio amba «mulaulia uwema wa Raɓi.»

1 MONYE 4:2

ile aẽshi tsi ha zingushauku za wanadamu, ɓadi ha uɗunga yamav̄endzeleo ya Mungu hari mwa uwakati wamuɓakia aẽshi hari mwa umwili.

2 MONYE 1:4

Ha wizo ariv̄a zinguwahadi zendza thamani tsena zazidi uɓole zahe, ile ha wizo mukane ushirika hari mwa ihali ya shiungu yahe, mutrale umenyefu uv̄ingwao ulemenguni ha zingushauku zendza uovu.

2 MONYE 2:20

Kweli amba neka ɓaanda walawa hari mwa zitsama za shiulemenguni ha umujua Insa-Kristi Raɓi amma Muhuyifu watru, wadzilishi washindrwa raha na wizo, ihali ya mwiso yawo uka mbovu rahana ya handra.

1 YUHANI 3:13

Mwasudzishangidze wananyangu neka amba dunia lisumuengani.

1 YUHANI 5:19

Risujua amba wasi wa shi Mungu, na ulemengu kamili wa hari mwa ushindzi wa uMovu.

MUV̄ENULIO 12:9

Ɓasi v̄ale ivutswa utsini, ishinyama ɓole, ne ɗe inyoha ya ãswili ihiriwao Iɓilisa amma Shetwani, uwo adanganyao ulemengu kamili. Avutswa shiv̄andreju mwa tsi, na zimalayika zahe v̄umoja na waye.

MUV̄ENULIO 13:8

Na piya wakazi wa shiv̄andreju mwa tsi watsoiãɓudu, wao walio amba madzina yawo kayaangihwa rangu uumuumbio wa lidunia hari mwa ishio ya uhayati ya uMwana Ɓariɓari aka atsindzwa.