MAROMU 12:16 - Ha`bari Ndjema ya I Maore

¹⁶ Namuafikiane wanyu na wanyu. Musudzitsashiye utru uhu, ɓadi namudzishuhulise na uwatiti. Musudzione wendza ãkili matsoni hanyu.

MAROMU 12:16 ပူးပေါင်းရင်းမြစ်များ

MATIYO 11:5

wafa-matso wasuona, magoɓo yasurengelea uendra, waenefu wasutwaharishiha, wafa-makio wasukia, wafu wasuregezewa hayi, na iHaɓari Ndjema isujudziwa zimasikini.

MATIYO 26:11

Mana ha daima mutsokana masikini v̄umoja na wanyu, ɓadi wami, kamutsokana wami dahari.

LUKASI 14:13

Ɓadi wamopiha karamu, kariɓisa zimasikini, wendza zifeli, magoɓo, na wafa-matso.

LUKASI 6:20

Ɓas, Insa adzulia matso maswihaɓa yahe, arongoa: «Furaha ha wanyu mulio masikini, mana Utawalizi wa Mungu wanyu.

MAV̄INGIZI-RISALA 4:32

iDunia ya wale waamini ifanyiha umo moja na roho moja. Kav̄waka ata mutru akorongoa amba mali yahe, yahe waye monyewe, ɓadi wakozidjimlisa piyazo.

MAROMU 11:20

Iyo kweli. Yakatrwa ha siɓaɓu ya ukosefu wa uaminifu wakati ulio amba wawe, ɗe ha uaminifu ɗe wasika. Ɓasi usudzione, ɓadi ilazimu uriye.

MAROMU 11:25

Wananyangu, tsisutsaha yaka amba kamwajua ikweli ya siri ini, ile pare musudzione amba wanyu ɗe wendza ziãkili: ɗe amba v̄wa ɓaãdhwi ya Israila ifanyiha ndzikaidi ya uamini, ata mupaka ukamilifu wa ihisaɓu ya zinishani zangina ingiye hari mwa uhuyifu.

MAROMU 12:3

Ha ineema nadjaãliwayo, nisuambia kula moja hanyuju: musudzione uju rahana yalazimu, ɓadi kula moja nadzione na ikiasi yalingana na uaminifu Mungu amukadiriawo.

MAROMU 15:5

Ɓasi Mungu Monyewe suɓira na ɓari namudjaãliyeni muke nia moja hari mwanyu, mufano wa Kristi-Insa,

MAROMU 6:2

Ata hata! Yahusu dhambi, wasi rifu. Ɓasi v̄av̄o ha namuna jeje ritsoẽshio raha moni mwalo?

1 MAKORINTIYO 1:10

Nisumutriani ɓari wananyangu, ha lidzina la Raɓi watru Insa-Kristi, namusike piyanyu urongozi moja, v̄usuke mitsapushiano hari mwa wanyu, ɓadi mutsanganisihe, muke fikira moja na nia moja.

1 MAKORINTIYO 3:18

V̄wasuke ata mutru adzilaɓa: neka mutru mengoni mwanyu asudziona mauri mwendza hikima, hikima ya shi duniani, nafanyihe mujinga, ile afanyihe mwendza hikima.

1 MAKORINTIYO 4:10

Wasi ra wajinga ha siɓaɓu ya Kristi, ɓadi wanyu muna hikima hari mwa uv̄umoja wanyu na Kristi; wasi ra walemevu, ɓadi wanyu muna nguvu; wanyu musuv̄olwa hishima, ɓadi tsi wasi.

1 MAKORINTIYO 6:5

Nisuirongoa ha aĩɓu yanyu. Amba kav̄u hari mwanyu mwendza hikima atsoshindrao anamuwe ɓaina ya wananyahe waaminifu!

1 MAKORINTIYO 8:2

Neka mutru asudzifikiria ujua trongo, ɓasi v̄av̄o raha kasujua namuna yalazimu ajuwe.

2 MAKORINTIYO 13:11

Zaɓaki v̄av̄o wananyangu, namufurahi, mukusudiye ukamilifu, namutriane ɓari, muke na nia moja, namuẽshi hari mwa amani. Na Mungu Monyewe uv̄endza na utrulivu atsoka v̄umoja na wanyu.

MAFILIPI 1:27

Ɓadi namudziv̄inge ha namuna yastahiki iIndjili ya Kristi, ile pare neka nisuja nimuoneni, au tsisuja, nikiye amba musiki hodari ha nia moja, amwesa ha ãzima moja musuwanilia uaminifu wa iIndjili,

MAFILIPI 3:16

Namuna yotsi itsokao, v̄anu rawaswili, narendre mbeli na indzia wiyo-wiyo.

MAFILIPI 4:2

Nisumutria ɓari Eyodia, nisumutria ɓari wajau Sintiki wake na fikira moja hari mwa uv̄umoja wawo na Raɓi.

MAHEƁRANIYA 13:5

iNamuna ya uẽshi yanyu yasuke hari mwa uv̄endza mali, namutoshehe na iyo mulionayo, mana Mungu waye-waye arongoa: «Tsitsohuɓauha dahari, tsitsohulatsa ata idahari.»

1 MONYE 3:8

Ha muhutaswari, namuke konyo moja piyanyu, namuoneane utungu, muv̄endzane shiunanya, muv̄orehane, mukane uwekevu.

1 MONYE 5:3

Tsi ha utawalia ha udziro wao mwadhwaminishiwa, ɓadi ha uka mifano mbeli za liɓangwe.

3 YUHANI 1:9

Tsiangishia wana trongo iDjama Ndziwaminifu ɓadi Diyutrifusa, av̄endzao ake shitswa, kasurikuɓali.