14 Namuɓarikishe wao wamutresaoni, muwamiliye ɓaraka, ɓadi musuwaapize.
Ɓadi wami nisumuambiani: Namuv̄endze maãduwi yanyu, [namuɓariki wao wamuapizaoni, murendre ndjema wao wamuengaoni,] na umilia wao wamutresaoni,
[Sa ile Insa arongoa: «Ɓaɓa, waswamihi, mana kawasujua trongo waifanyao.»] Waanyisa zinguo zahe ha ufanya kuria.
Namusopeleye wao wamuapizaoni, mumiliye Mungu wao wamurendreaoni mbovu.
Amwesa aroso malondro, ashelemedza ha ji lendza nguvu: «Mwalangu, usuwadjukumise lidhambi lilo.» Ɓaanda arongoa zile, afariki.
Usudzilishe washindrwa na imbovu, ɓadi shindra imbovu ha uwema.
Namutahadhari amba v̄usuke mutru aɗiv̄a mbovu ha mbovu, ɓadi ha daima namuendreleye hari mwa zindjema, rangu wanyu na wanyu, ata ha piya wanadamu.
Ha ihanyo wiyo-wiyo ulawa umusifio na umulaãnio. Wananyangu, kayalazimu yaka namuna iyo.
Mwasuɗiv̄e mbovu ha mbovu, wala shilihidzo ha shilihidzo. Ɗe ikinyume, namusopeleye, mana ha iyo ɗe mwahirwa, ile muwarithi ɓaraka.