MAROMU 12:13 - Ha`bari Ndjema ya I Maore

¹³ Namusaidiye wanyanyu waaminifu na zingusongefu zawo, muke na djitihadi ya ukariɓisa.

MAROMU 12:13 ပူးပေါင်းရင်းမြစ်များ

MATIYO 25:35

Mana tsikana ndza, na wanyu muniv̄a ya uɗya; tsikana nyora, na wanyu muniv̄a ya unwa; tsika mudjeni, na wanyu munikariɓisa.

MAV̄INGIZI-RISALA 10:4

Amureme matso, amwesa ha zifaza zamungilia, adzisa: «Iyo trongo trini Mwalangu?» iMalayika ile imudjiɓu: «Mamilio yaho na zizaka zaho wazitoa zimuwaswilia Mungu, amwesa zirendreha mauri tarehi mbeli zahe.

MAV̄INGIZI-RISALA 4:35

wazihetsi mindruni ha yaMav̄ingizi-Risala. Amwesa zakoanyisiwa, ata kula mutru akopara ha ikiasi ya usongefu wahe.

MAROMU 12:8

Uwo adjaãliwa ineema ya utria ɓari, naifanye; uwo av̄ao, nav̄e ɓila hisaɓu; uwo av̄ingao wanyahe, naifanye v̄umoja na djitihadi, na uwo adjaãliwa ineema ya uonesa poreho, nav̄orehe v̄umoja na furaha.

1 MAKORINTIYO 16:15

Sariɓu langina tsena wananyangu: musujua amba umuraɓa wa Stefanasi, uwo ɗe wa handra waamini hari mwa umukaɓala wa Akaya, tsena wadzihetsi amba wasurumishia idjama ya waaminifu.

2 MAKORINTIYO 9:1

Hari mwa yahusu umusada mbeli za uwatwaharifu, kaisina ata mana ya wami umuangishiani.

2 MAKORINTIYO 9:12

Mana urumishi wa mutsango uwo, tsi tu amba ususaidi hari mwa zakosea watwaharifu, ɓadi tsena usuzidisha himida zihedzewao ha Mungu.

MAGALATWIYA 6:10

Ha izo, ramokana inafasi, narirendreye ndjema wanadamu piya, hususwani ɗe uwatru wa udjama hari mwa uaminifu.

1 TIMUTAUSU 3:2

Ɓasi ilazimu dhwamana uwo ake ɓila tuhuma, mutrumume wa mutrumushe moja, ashindrodziziao, muekevu, mwendza hishima na mukariɓisa, tsena ashindre asomedze.

1 TIMUTAUSU 5:10

narongoleshehe ha zitrendro ndjema zahe, amba alele wana wahe ha uzuri, akokariɓisa, akohosa yimindru ya uwatwaharifu, akosaidi wendza taãɓu, na uendrelea na kula shitrendro ndjema.

TITUSA 1:8

Ɓadi nake mukariɓisa, muv̄endza izo zilio ndjema, muelevu, mutru wa haki, mutwaharifu, mutru ashindrao adziziye,

TITUSA 3:14

Watru watru wajau walazimu wafundrihe udzihetsi ufanya zitrendro ndjema, ile zalazimu zilio mahususu ziparihane, isuke amba kawana mavuna.

FILIMUNA 1:7

Kweli amba tsipara furaha ɓole v̄umoja na mutrilio-ɓari ha siɓaɓu ya uv̄endza waho, mana ha wawe mwananyangu wa shi uaminifu, ziroho za uwatwaharifu zirutuɓishiha.

MAHEƁRANIYA 13:16

Ɓila mwasuɗele urendra zema na uv̄a musada, mana ɗe ha masadaka mauri ɗe yao ɗe Mungu ajiv̄iwao.

MAHEƁRANIYA 13:2

Mwasuɗele umukariɓisho, mana ha urendra trongo iyo, v̄wa walio amba ɓila ujua, wakariɓisa malayika.

MAHEƁRANIYA 6:10

Mana Mungu tsi mudhuluma amba aɗele urumishi wanyu, wala uv̄endza mwauv̄enua ha siɓaɓu ya dzina lahe ha urumishia watwaharifu, tsena ata av̄asa.

1 MONYE 4:9

Namukariɓisane ɓila unguruma.

1 YUHANI 3:17

Neka mutru ana zingutadjiri za ulemengu, ne asuona mwananyahe hari mwa usongefu na roho yahe kaisina poreho, ɓasi namuna jeje uv̄endza wa Mungu ukao moni hahe?

3 YUHANI 1:5

Wawe muv̄endzewa, usudziv̄inga ha uaminifu hari mwa piya izo ufanyao ha uwananya wa shi uaminifu, ata ha wao walio wadjeni.