MAROMU 12:12 - Ha`bari Ndjema ya I Maore

¹² Hari mwa itama mulionayo, namufurahi, moni na taãɓu, namuke na suɓira, mudzifungamanise na mamilio.

MAROMU 12:12 ပူးပေါင်းရင်းမြစ်များ

MATIYO 5:12

Namujiv̄iwe, tsena muke hari mwa furaha, mana thawaɓu zanyu zitsoka ɓole pev̄oni. Mana ɗe ha inamuna iyo ɗe yakotreswa yimitrume yav̄ira kaɓula ya wanyu.»

LUKASI 10:20

Wala musufurahi amba madjini yasumutuĩni, ɓadi namufurahi amba madzina yanyu yaangihwa pev̄oni.»

LUKASI 21:19

Ha ustahamilifu wanyu mutsovukisha nafusi zanyu.»

LUKASI 8:15

Yao yapuliha hari mwa itrotro ndjema, ɗe wale wakia urongozi ule ha roho ndjema yarahara, wao uusika, amwesa ustahamili ata wadze mavuna.»

MAV̄INGIZI-RISALA 1:14

Djimlani hawo, ha nia moja wakoka hari mwa mamilio, v̄umoja na uwatruwashe, na Mariama mayahe wa Insa, na wananyahe watruɓaɓa.

MAV̄INGIZI-RISALA 12:5

Ɓas, Monye aka aɓaliwa shiv̄ani, na iDjama Ndziwaminifu yakomumilia Mungu ha djitihadi ɓole.

MAV̄INGIZI-RISALA 2:42

Wakodzishahilisa ha djitihadi na umusomo wa yaMav̄ingizi-Risala|Mav̄ingizi-Risala, uv̄umoja wa shi unanya, umukutrulio wa madipe na mamilio.

MAV̄INGIZI-RISALA 6:4

na wasi riendreleye udzishahilisa na yamamilio na utekeleza uUrongozi.»

MAROMU 15:13

Ɓasi Mungu Monyewe av̄ao tama, namujadziyeni kula furaha na amani hari mwa uaminifu, ile pare itama yanyu yendre na uzidishiha ha ushindzi wa iRoho Ndzitwaharifu.

MAROMU 15:4

Mana piya izo zaangihwa rangu zamani ziangihwa ha urifundra, pare ha isuɓira na iɓari ritrilwao na uMuangishio Mutwaharifu, rikane tama.

MAROMU 2:7

uhayati mukamilifu wa daima ha watru walio amba ha idjitihadi yawo ya ufanya ndjema, wasutsaha utukufu, hishima na uhayati wa daima.

MAROMU 8:25

Ɓadi neka risutama trongo karisuiona, v̄av̄o risuilindra v̄umoja na suɓira.

1 MAKORINTIYO 13:13

Ɓasi v̄anu trongo traru ɗe zilio: uaminifu, tama, na mahaɓa. Ɓadi imahususu ɗe mahaɓa.

2 MAKORINTIYO 12:8

Ha mara traru tsimumia Raɓi aitowe mbali na wami.

MAFILIPI 3:1

Yaɓaki, wananyangu wa shi uaminifu, namufurahi hari mwa uv̄umoja wanyu na Raɓi. Kaisunitaãɓisha umuangishiani trongo ɗe wizo-wizo, na hanyuju, iyo hifadhwi.

MAFILIPI 4:4

Namufurahini daima hari mwa uv̄umoja wanyu na Raɓi. Nisurudi niirongowe, namufurahini!

MAKOLOSIYA 1:11

amwesa raha muhodarishihe hari mwa piya zitrongo, ha inguvu ndzitukufu yahe, ile mukane ustahamilifu na suɓira hari mwa piya, tsena ha furaha.

MAKOLOSIYA 1:27

Mungu atsaha awajudze utadjirifu mutukufu wa iãdjaɓu ini hari mwa zinishani kazimuji, amba: Kristi moni hanyu, ɗe itama ya utukufu.

MAKOLOSIYA 4:12

Eɓafrasu alio wa shi hanyu, asumusalimuni; murumishi wa Kristi-Insa uwo asudzisonga dahari ha umufanyiani mamilio, ile musike hodari ɓaanda mwakamilishiha, na ukana yakini yaswafishiha na mav̄endzeleo ya Mungu.

MAKOLOSIYA 4:2

Namudziv̄e iwanyu yanyu ha yamamilio; namushese ha uendrelea nayo, v̄umoja na himida.

1 MATESALONIKA 1:3

Wasi unahana kula sa mbeli za Mungu watru amma Ɓaɓa zitrendro za uaminifu wanyu, urumwa wa uv̄endza yanyu, na uhodarifu wa itama mulionayo na Raɓi watru Insa-Kristi.

1 MATESALONIKA 5:8

Ɓadi wasi rilio wa mutsana, narike hashiri. Naripindre uaminifu na uv̄endza, zirihifadhwi mauri ngwezi ya shuma, na itama ya uhuyifu mauri kofia ya shuma.

2 MATESALONIKA 1:4

Ha izo, risudziɓua ha siɓaɓu ya wanyu hari mwa ziDjama Ndziwaminifu za Mungu, ha ustahamilifu wanyu na uaminifu wanyu hari mwa piya matreso yanyu na maondo muyav̄irao.

2 MATESALONIKA 3:5

Raɓi naendrese roho zanyu hari mwa uv̄endza wa Mungu na ustahamilivu wa Kristi.

1 TIMUTAUSU 6:11

Ɓadi wawe, mutru wa Mungu, trala trongo zizo, ne uɗunge uhaki, iĩɓada, uaminifu, uv̄endza, ustahamilifu, na uwekevu.

2 TIMUTAUSU 3:10

Ɓadi wawe, uniɗungu ha uzuri hari mwa musomo, maendreleo, mipango, uaminifu, suɓira, uv̄endza, ustahamilifu,

TITUSA 2:13

ha ulindra itama yendza ɓaraka, na umuv̄enulio wa utukufu wa Mungu muɓole watru na Muhuyifu watru, Insa-Kristi.

TITUSA 3:7

ile pare rangu rahakishiwa ha urehema wahe, rifanyihe mawarithi, ha itama ya uhayati mukamilifu wa daima.

MAHEƁRANIYA 10:32

Namunahane tu suku za handra ɓaanda mwaunishiwa, mustahamili kondro ɓole yendza maondo.

MAHEƁRANIYA 10:36

Ilazimu mukane ustahamilivu, ile ɓaanda mwafanya mav̄endzeleo ya Mungu, mupare iyo yatolwa wahadi.

MAHEƁRANIYA 12:1

Ɓasi ha izo wasi wajau, iv̄o razingidziwa na vingu ɓole namuna iyo la mazahidi, naritruwe kula mudzo na lidhambi liriv̄ambanisao ɓure-ɓure tu, amwesa rendre mbio v̄umoja na ustahamilivu hari mwa yamashindrano ralishiwayo.

MAHEƁRANIYA 3:6

Ɓadi Kristi waye, shi Mwana ɗe alio muaminifu hari mwa umuraɓa wa Mungu. Na umuraɓa wahe ɗe wasi, neka risusika hodari [ata mwisoni] umuhakikisho na itama iriv̄ao ufahari.

MAHEƁRANIYA 5:7

Uka yahe ha shimwili, av̄eleha mamilio na mirayilio ha shililo ɓole na matsozi ha Uwo akoshindra amuhuyi na ufa; na waye atakaɓaliwa ha siɓaɓu ya utuĩvu wahe.

MAHEƁRANIYA 6:12

Musufanyihe wendza shiɗa, ɓadi mutiɓe wao walio amba, ha uaminifu na suɓira, wasupara umwaratha watolwa wahadi.

MAHEƁRANIYA 6:15

Ha izo ɓaanda asuɓiridza, Iɓrahima apara iyo aka atolewa wahadi.

YAKOƁU 5:7

Ɓasi wananyangu, namukane suɓira ata umujilio wa Raɓi. Namufikiri tu mulimizi namuna alindrao v̄umoja na suɓira yamavuna yendza faida ya ishiv̄andre ya tsi, rangu vua za handra ata za mwiso.

1 MONYE 4:13

Ɓadi iv̄o murengao fuvu hari mwa yamatungu ya *Kristi, namufurahi ile pare hari mwa umuv̄enulio wa utukufu wahe, wanyu wajau mufurahi na ujiv̄iwa.

1 MONYE 4:7

uMwiso wa piya zitrongo ukuruɓia. Ɓasi namukane zifikira zanyu, tsena muke hashiri, pare mufanye mamilio.

2 MONYE 1:6

ju la ujuzi, trongo ya udzizia, na ju la udzizia, ustahamilivu, ju la ustahamilivu, maendreleo ya ĩɓada,

MUV̄ENULIO 13:10

Mutru alio amba ahetsiwa afungwe, atsofungwa. Mutru alio amba ahetsiwa aulawe ha upanga, atsoulawa ha upanga. V̄av̄o ɗe v̄walazimiwani isuɓira na uaminifu za watwaharifu.