MAROMU 12:11 - Ha`bari Ndjema ya I Maore

¹¹ Namukane djitihadi ɓadi tsi shiɗa, muke washangirifu wa roho, murumishiye Mola.

MAROMU 12:11 ပူးပေါင်းရင်းမြစ်များ

MATIYO 24:12

Ha iv̄o upeu utsozidio, uv̄endza ya indadi ɓole ya watru, itsozilia.

MATIYO 25:26

Ɓadi murumisa wahe amudjiɓu: ‹Wawe murumizi wa peu mwendza shiɗa! Wakojua ha uzuri tu amba wami uvuna v̄ahanu tsataɓu, na ungulidza mavuna v̄ahanu tsatsanya!

MAV̄INGIZI-RISALA 18:25

Aka asomedzewa uhusuana na indzia ya Raɓi, tsena ha djitihadi ɓole akojudza na usomedza ha namuna yarahara trongo zamuhusu Insa, ɓadi akojua tu ɗe umuɓaĩsho wa Yahaya|Yahaya Muɓaĩshizi.

MAV̄INGIZI-RISALA 20:19

Nakomurumishia Raɓi ha uwekevu na utungu moni na yamatreso yakonipara ha yimipango ya Mayahudi.

1 MAKORINTIYO 7:22

Mana umurumwa ahiriwa na Raɓi, waye mwendza unafasi wa Raɓi; ɗe namuna iyo tsena, umwendza unafasi ahiriwa, waye murumwa wa Kristi.

MAEFESO 4:28

Uwo ahiɓao, asuhiɓe tsena; nadzirume ha ufanya hazi ya kweli ha mihono yahe monyewe, ile akane ya uv̄a uwo akosewa.

MAKOLOSIYA 4:1

Wanyu warumisa, namurendreye warumwa wanyu ha namuna yaondzoha tsena ya haki, ha ujua amba wanyu wajau muna Mola pev̄oni.

1 TIMUTAUSU 5:13

Na zaidi ya v̄av̄o, iv̄o kawana za ufanya, wao urenga udzevu wa ungia na ulawa hari mwa miraɓa. Tsi tu amba kawana za ufanya, ɓadi tsena waɓaɓufu na upasiwa na tsi zawo, amwesa urongoa zilio amba kayalazimu warongoa.

MAHEƁRANIYA 12:28

Ha izo, iv̄o riparao utawalizi kaugudzusiha, narihimidiye ha umutolea Mungu ĩɓada imujiv̄iao yendza utuĩvu na staha.

YAKOƁU 5:16

Ɓasi namukuɓaliane madhambi yanyu wanyu na wanyu, tsena mumiliane Mungu wanyu na wanyu, ile pare muangale. Mumilio-Mungu wa mutuĩvu, uwo na ushindzi muhodari wa urendra.

1 MONYE 1:22

Ɓaanda mwadzitwaharisha ziroho ha utuĩ ikweli, pare mukane huɓa ya shiunanya ɓila unafiki, ɓasi namuv̄endzane wanyu na wanyu ha djitihadi na roho yarahara.

1 MONYE 4:8

Kaɓula ya piya, namuv̄endzane ha kusudi wanyu na wanyu, mana uv̄endzana, iyo ufinikia wengi wa madhambi.

MUV̄ENULIO 2:4

Ɓadi iyo nilionayo kinyume na wawe, ɗe iv̄o wajeledza uv̄endza yaho ya mwandro.