MAROMU 11:25 - Ha`bari Ndjema ya I Maore

²⁵ Wananyangu, tsisutsaha yaka amba kamwajua ikweli ya siri ini, ile pare musudzione amba wanyu ɗe wendza ziãkili: ɗe amba v̄wa ɓaãdhwi ya Israila ifanyiha ndzikaidi ya uamini, ata mupaka ukamilifu wa ihisaɓu ya zinishani zangina ingiye hari mwa uhuyifu.

MAROMU 11:25 ပူးပေါင်းရင်းမြစ်များ

MATIYO 13:11

Insa awadjiɓu: «Mana wanyu mudjaãliwa ujua zisiri za Utawalizi wa Monyewe ziMbingu, ɓadi wao kawadjaãliwayo.

LUKASI 21:24

Watsowa ha uuso wa upanga, warengwe matreka hawo, wav̄ingwe ha piya zinishani. Yerusalemu itsogaɗwa na watru wa nishani kazimuji Mungu, ata mupaka wakati wa zinishani utsimidzihe.»

YUHANI 10:16

Tsina raha maɓariɓari yangina, yalio amba tsi ya livala lini. Yao wajau, ilazimu niyav̄inge; yatsovulishia ji langu. V̄av̄o v̄utsoka ɓangwe moja tu, na mutsunga moja tu.

MAROMU 1:13

Wananyangu, tsisutsaha yaka amba kamusujua amba mara nyengi nakoka na inia ya uja hanyu, ile nirundre wana mavuna hari mwanyu, mauri ɗe hari mwa zinishani zangina tsi Mayahudi; ɓadi ata upara av̄asa tsashindra.

MAROMU 11:12

Ɓasi neka kosa lawo liv̄ingia ɓaraka ulemengu, na uwa yawo iv̄ingia ɓaraka zinishani zangina, v̄av̄o ha mara ngav̄i zaidi uhuyifu wa indadi kamili yawo utsov̄ingao ɓaraka!

MAROMU 11:24

Mana neka wawe uka ukatrwa ha umuzaituni nyeha wa ãswili amwesa, ha kinyume na iãswili, upatsanisiwa ha muzaituni wataɓilwa, ha mara ngav̄i zaidi wao watsopatsanisiwao ulingana na iãswili yawo hari mwa umuzaituni wawo wenyewe.

MAROMU 12:16

Namuafikiane wanyu na wanyu. Musudzitsashiye utru uhu, ɓadi namudzishuhulise na uwatiti. Musudzione wendza ãkili matsoni hanyu.

MAROMU 16:25

Natukuzihe uwo aliona ushindzi wa umuhodarishani, ha uɗunga iIndjili niijudzao yamuhusu Insa-Kristi, yalingana na izo zav̄enulwa zapatana na isiri yaka yasikwa rangu daima,

MAROMU 9:18

Ha izo, waye urehemu uwo waye atsahao, na ukaidisha uwo waye atsahao.

1 MAKORINTIYO 10:1

Wananyangu, tsisutsaha yaka amba kamwajua amba piya wadzaɗe watru waka utsini na livingu, tsena piyawo wapasua iɓahari.

1 MAKORINTIYO 12:1

Ɓasi zahusu neema za shiroho wananyangu, tsisutsaha yaka amba kamusujua.

1 MAKORINTIYO 2:7

risujudza ihikima ya Mungu yendza siri tsena yatsitswa, ilio amba Mungu aka aiãzimia ha utukufu watru rangu kaɓula madza ina mida.

1 MAKORINTIYO 4:1

Ha izo, watru nawarione amba warumishi wa Kristi, madhwamana ya zisiri za Mungu.

MAEFESO 1:9

Arijudza iãdjaɓu ya mav̄endzeleo yahe, ne ɗe umupango wa mav̄endzeleo yahe yamujiv̄ia adzitayarishawo rangu kaɓula autsimidze ha indzia ya Kristi,

MAEFESO 3:9

tsena ya utria heuni ha piya wanadamu umutrilio-ndziani wa iãdjaɓu yadzamisiha rangu zamani ha Mungu, Muumbizi wa piya.

MAEFESO 4:18

Ãkili zawo zingia shidza. Wa mbali na uhayati wa Mungu, ha siɓaɓu ya ujinga ulio moni hawo ujao ha udziro wa ziroho zawo.

2 MONYE 3:8

Ɓadi v̄wa trongo, wav̄endzewa, ilio amba kayalazimu mwaiɗela, ne ɗe: Ha Raɓi, suku moja mauri maha alifu, na maha alifu mauri suku moja.

MUV̄ENULIO 1:20

Yahusu iãdjaɓu ya nyora saɓa waziona hari mwa muhono wa hume wangu, na zizihetsi-kombe saɓa za dhahaɓu, ɗe ini: zinyora saɓa, izo ɗe zimalayika za ziDjama Ndziwaminifu saɓa, na zizihetsi-kombe saɓa, ɗe ziDjama Ndziwaminifu wizo saɓa.»

MUV̄ENULIO 10:7

Ɓadi hari mwa zisuku imalayika ya saɓa itsojao ivudziye liɓaragumu layo, iãdjaɓu ya shi Mungu itsotsimidziha ha uɗunga izo ajudza warumishi wahe, ne ɗe yimitrume.

MUV̄ENULIO 11:15

Ɓas, imalayika ya saɓa ivudzia liɓaragumu layo. Na v̄ale v̄ukilihana maji maɓole pev̄oni, yakorongoa: «Utawalizi wa lidunia ufanyiha wa Mwalatru na wa Kristi wahe, na waye atsotawala mida ha mida.»

MUV̄ENULIO 7:9

Ɓaanda ya v̄ale, tsiono dunia ha uɓole ilio amba kav̄u ata mutru akoshindra aihasiɓu, ya kula nishani, kula kaɓila, kula umati, na kula luha. Waka wahimi mbeli na ishiri ya ufalume, tsena mbeli na uMwana Ɓariɓari, amwesa waka wapindri nguo ndjeu, wasiki na mahuri mihononi.