MAROMU 10:6 - Ha`bari Ndjema ya I Maore

⁶ Ɓadi uhaki ujao ha ndzia ya uaminifu usurongoa zini: «Usudzidzise moni haho: ‹Mbani ɗe atsoheao pev̄oni?› » (yaãni, ha ondromushukidza Kristi),

MAROMU 10:6 ပူးပေါင်းရင်းမြစ်များ

YUHANI 6:33

Mana lidipe la Mungu ɗe uwo ashukao ha ulawa pev̄oni, av̄e uhayati ulemengu.»

YUHANI 6:38

Mana tsishuku ulawa pev̄oni nifanye, tsi mav̄endzeleo yangu, ɓadi mav̄endzeleo ya Uwo aniv̄eleha.

YUHANI 6:58

Lini ɗe lidipe lashuka ulawa pev̄oni. Kalisi mauri ɗe lile maɓaɓanyu waliɗya, wafa. Uwo aɗyao dipe lini, atsoẽshi dahari.»

MAROMU 3:22

Uwo muhakisho wa Mungu ha uaminifu na Insa-Kristi ha piya wao waaminio, wala kav̄u tafauti:

MAROMU 3:25

Waye ɗe Mungu amutoa ake sadaka la muliv̄isho, ile ha idamu yahe, ake indzia ya upara muswamaha wa madhambi ha wao waaminio, pare aonese uhaki wahe; mana kaɓula oho, kakov̄ondra watru ha siɓaɓu ya madhambi yao.

MAROMU 4:13

Kweli amba tsi ha ndzia ya iSharia ɗe uwahadi wa uwarithi ulemengu wav̄olwa Iɓrahima na zilembwe zahe, ɓadi wahadi uwo av̄olwawo ha umuhakisho wahe mbeli za Mungu ha siɓaɓu ya uaminifu wahe.

MAFILIPI 3:9

niparihane hari mwa uv̄umoja na waye, wala tsi amba ha muhakisho wangu monyewe ujao ha ulawana na iSharia, ɓadi ɗe uwo ujao ha uaminifu na Kristi, muhakisho ulawao ha Mungu, tsena waketsi hari mwa uaminifu.

MAHEƁRANIYA 1:3

uMwana uwo alio umuvagio wa utukufu wa Mungu, na umufano mukamilifu wa utru wahe, asuv̄inga piya zitru ha urongozi wendza ushindzi wahe. Ɓaanda atsimidza umurahatsio wa yamadhambi, aketsi humeni mwa Monyewe Ufalume hari mwa yimikaɓala ya uju.

MAHEƁRANIYA 11:7

Ha uaminifu ɗe Nuhu ufahamishiwa yahe na Mungu na trongo zilio amba raha kazakoonehana, ha utuĩvu wahe, afanya djahazi ile ahuyi udjama wahe. Ɗe ha uwo ɗe ahukumu ulemengu, amwesa afanyiha muarithi wa umuhakisho uparihanao ha uaminifu.