MAROMU 10:18 - Ha`bari Ndjema ya I Maore

¹⁸ Ɓadi nisudzisa: Hali kawakia? Ɗe ikinyume! uMuangishio usurongoa: «liJi lawo livumu hari mwa piya ishiv̄andre ya tsi, na marongozi yawo ata mupaka umwiso wa lidunia.»

MAROMU 10:18 ပူးပေါင်းရင်းမြစ်များ

MATIYO 24:14

iHaɓari Ndjema ini ya Utawalizi itsotekelezewa hari mwa ulemengu kamili, ile ike ushahidi ha piya zinishani; v̄av̄o iv̄o ɗe umwiso utsojao.»

MATIYO 26:13

Nisumuambiani ha kweli, v̄ahanu yotsi iHaɓari Ndjema ini itsojudziwao hari mwa lidunia kamili, itrongo ini mutrumama unu aifanya itsotolwa hadisi wajau ha umunahana.»

MATIYO 28:19

Ɓas namwendre ha piya zinishani, muwafanye maswihaɓa, muwaɓaĩshe ha lidzina la Ɓaɓa, la uMwana, na la iRoho Ndzitwaharifu,

MATIYO 4:8

Amwesa ulawa v̄ale, Iɓilisa amuv̄ingi raha uju na mulima mundra halisi, amuonesa piya zingufalume za ulemenguni na utukufu wazo,

MARKUSI 16:15

Amwesa awaambia: «Namwendre hari mwa lidunia piya, mujudze iHaɓari Ndjema ha kula shiumbe mwanadamu.

MARKUSI 16:20

Na wao walawa wajudze iHaɓari Ndjema kula v̄ahanu. Raɓi akofanya hazi v̄umoja na wao, na udhiɓitisha marongozi yao ha ziãlama za midjuza zakoyaɗunga.]

MAV̄INGIZI-RISALA 1:8

Ɓadi mutsopara ushindzi wakati iRoho Ndzitwaharifu itsomujiliaoni, amwesa mutsoka mazahidi yangu rangu Yerusalemu, piya iYudeya, na iSamariya, ata yimipaka ya ishiv̄andre ya tsi.»

MAV̄INGIZI-RISALA 26:20

Ɓadi ha uandrisa na uwakazi wa Damasko, waɗunga wa Yerusalemu na piya iYudeya, iv̄o ha zinishani zangina, tsijudza amba walazimu wandre toɓa, wazinge ha Mungu, warendre zitrendro zastahiki watru wandra toɓa.

MAV̄INGIZI-RISALA 28:23

Wafungu uparana suku, tsena waja ha uwengi zaidi wamupara nyumbani hahe v̄ale. Rangu asuɓuhi ata utswa ya lijua, Ɓaulusu awaeledza na uwatolea ushahidi Utawalizi wa Mungu, na uzunguha ulawa rangu iSharia ya Musa na yimitrume awav̄inge ata wakuɓali izo zahusuana na Insa.

MAROMU 1:8

Raɓuzi, nisumuhimidia Mwalangu Mungu ha ndzia ya Insa Kristi ha wanyu piyanyu, ha iv̄o uaminifu wanyu usifiwao hari mwa lidunia kamili.

MAROMU 15:19

tsena ha ushindzi wa ãlama za ãdjaɓu na midjuza, ha ushindzi wa iRoho. Ha izo, rangu Yerusalemu ata upara liɓavu la Iliriko, tsijudza ha ukamilifu iIndjili ya Kristi.

MAKOLOSIYA 1:23

Iyo neka musuɓaki hari mwa uaminifu, muketsi, tsena musiki hodari, ɓila udzilisha muv̄ingwe mbali na itama ya iIndjili mwaikia, ilio amba ijudziwa kula shiumbe utsini na uwingu, na wami Ɓaulusu nafanyiha murumishi wayo.

MAKOLOSIYA 1:6

Indjili ini imujiliani, mauri ɗe inamuna iv̄ingao mavuna na urandra hari mwa ulemengu kamili. Ɗe inamuna iyo wajau hari mwanyu, rangu isuku mwakia tsena mwajua urehema wa Mungu ha ukweli wawo.

1 MATESALONIKA 1:8

Kweli amba Urongozi wa Raɓi ukilihana ulawa hanyu, wala tsi amba hari mwa iMakadoniya na iAkaya tu ɓasi, ɓadi uaminifu wanyu na Mungu ujulihana kula v̄ahanu, ha namuna amba tsi paka rirongowe itsokao yotsi hari mwawo.