MAROMU 10:17 - Ha`bari Ndjema ya I Maore

¹⁷ V̄av̄o uaminifu uja ha iyo mutru akiao, na iyo mutru aikiao, uja ha umutekelezeyo wa urongozi wa Kristi.

MAROMU 10:17 ပူးပေါင်းရင်းမြစ်များ

MARKUSI 4:24

Awaambia raha: «Namudzifahamishe na zizo muzikiao. iShiv̄imo muiv̄imiao ɗe mutsov̄imiwaoyo, tsena mutsoengedzewa.

LUKASI 11:28

Ɓadi adjiɓu: «Waɓarikishiha zaidi ɗe wao wavulikiao urongozi wa Mungu, tsena wausikao.»

LUKASI 8:11

«Ɓasi tsini imana ya mufano ule: yaMaela, uwo ɗe urongozi wa Mungu.

LUKASI 8:21

Ɓadi adjiɓu: «Mayangu na wananyangu ɗe wao wavulishiao urongozi wa Mungu, tsena wautriao ndziani.»

YUHANI 1:37

Maswihaɓa maili yale yamukia iv̄o arongoa marongozi yale, yamuɗungu Insa.

MAROMU 1:16

Kweli amba tsisuonea haya iIndjili, mana uwo ushindzi wa Mungu ha uhuyifu wa yotsi aaminio, rangu Muyahudi ata uwo kasi.

MAROMU 10:14

Ha namuna jeje ɓasi watsoombao mutru alio amba kawamuamini? Au, ha namuna jeje watsoaminio mutru neka kawaparokia av̄umbulwa? Na ha namuna jeje watsokiao av̄umbulwe neka kav̄u mutru ajudzao?

2 MAKORINTIYO 2:17

Mana wasi karisi mauri watru wengi wafanyao ɓiashara urongozi wa Mungu; tsi jau, ɓadi ha umo warahara mbeli za Mungu, hari mwa uv̄umoja watru na Kristi, ɗe rilaguao amba watru wav̄elehwa na Mungu.

MAGALATWIYA 3:2

Trongo nitsahao nijuwe hanyuju ɗe ini tu: Hali ɗe ha uɗunga iSharia ɗe mwadjaãliwa iRoho Ndzitwaharifu, au ɗe iv̄o mwakia ihaɓari ya uaminifu?

MAGALATWIYA 3:5

Monyewe umudjaãliani iRoho, tsena ahidjirisao midjuza hari mwanyu, hali asuzifanya iv̄o muɗungao iSharia, au ɗe iv̄o mwakia ihaɓari ya uaminifu?

MAKOLOSIYA 3:16

V̄av̄o urongozi wa Kristi nauke moni hanyu ha piya utadjirifu wawo; namusomedzane na ufahamishana ha piya zihikima. Namuhedze madjimbo, ngutende za sifa, na himbo za shiRoho. Namumuhimbiye Mungu v̄umoja na himida ha piya umo wanyu.

1 MATESALONIKA 2:13

iMana tsena ata wasi karisuzia uhimidia Mungu, ɗe iv̄o upara yanyu urongozi wa Mungu ulio amba rimujudzaniwo, muukuɓali tsi amba mauri urongozi wa shiuɓinadamu, ɓadi mauri ɗe inamuna ulio ha kweli, amba urongozi wa Mungu ufanyao hazi moni hanyu wanyu muaminio.

MAHEƁRANIYA 4:2

mana rijudziwa iHaɓari Ndjema mauri ɗe watru wao. Ɓadi urongozi waukia kawawafayidisha na itsokao yotsi, iv̄o kawaukia ha uaminifu.

1 MONYE 1:23

Kweli amba muv̄olwa uhayati muv̄ia, tsi ha mbeu muangamia, ɓadi ha mbeu tsi muangamia, ha urongozi ulio hayi tsena ulio v̄av̄o wa Mungu.

MUV̄ENULIO 1:9

Wami Yuhani, mwananyanyu nirengao fuvu hari mwa yamatreso, hari mwa ufalume na suɓira ha uv̄umoja watru na Insa, tsika hari mwa ishisiwa ya Patimosa ha siɓaɓu ya Urongozi wa Mungu, na ushahidifu wa Insa