MAROMU 1:8 - Ha`bari Ndjema ya I Maore

⁸ Raɓuzi, nisumuhimidia Mwalangu Mungu ha ndzia ya Insa Kristi ha wanyu piyanyu, ha iv̄o uaminifu wanyu usifiwao hari mwa lidunia kamili.

MAROMU 1:8 ပူးပေါင်းရင်းမြစ်များ

MATIYO 24:14

iHaɓari Ndjema ini ya Utawalizi itsotekelezewa hari mwa ulemengu kamili, ile ike ushahidi ha piya zinishani; v̄av̄o iv̄o ɗe umwiso utsojao.»

LUKASI 2:1

Hari mwa uwakati ule, Kaiswara Augusti atoa ãmuri v̄ufanyiwe hisaɓu ya piya uwakazi wa zitsi zatawaliwa na Romu.

MAV̄INGIZI-RISALA 11:28

Moja mengoni mwawo, akohiriwa Agaɓusu, ahimi, amwesa ha iRoho Ndzitwaharifu, ajudza amba v̄utsoshuka ndza ɓole hari mwa piya ishiv̄andre ya tsi. Na iyo ihidjiri wakati Klaudiyusu aka atawala.

MAV̄INGIZI-RISALA 28:22

Ɓadi risuona afudhwali rihuvulishiye wawe yaho na zifikira zaho, mana risujua amba ishama iyo isukanyushiwa kula v̄ahanu.»

MAROMU 10:18

Ɓadi nisudzisa: Hali kawakia? Ɗe ikinyume! uMuangishio usurongoa: «liJi lawo livumu hari mwa piya ishiv̄andre ya tsi, na marongozi yawo ata mupaka umwiso wa lidunia.»

MAROMU 16:19

Yamuhusuni wanyu, utuĩvu wanyu ujulihwana na watru piya. Ɓasi nisufurahi ha siɓaɓu ya wanyu, ɓadi nisutsaha mukane hikima hari mwa yahusu indjema, muke warahafu hari mwa yahusu imbovu.

MAROMU 6:17

Ɓadi himida Mungu, iv̄o ilio amba ɓaanda mwaka warumwa wa dhambi muja mutuĩ, ha piya iroho yanyu, hali ya musomo ilio amba mungia dhwamanani hayo.

1 MAKORINTIYO 1:4

Ha daima nisumuhimidia Mungu ha siɓaɓu ya wanyu na ineema amudjaãlianiyo ha uv̄umoja wanyu na Kristi-Insa.

2 MAKORINTIYO 2:14

Himida naimuendreleye Mungu ariv̄ingao daima hari mwa umusadjadja wa yamasherehi ya ushindrifu wahe, ha uv̄umoja watru na Kristi; na tsena, ha wasi, asuenedza kula v̄ahali iharufu ndzuzuri ya umujulihwano wahe.

MAEFESO 1:15

Iyo ɗe imana ata wami wajau, ukia yangu uaminifu wanyu na Raɓi Insa na uv̄endza yanyu mulionayo ha piya uwatwaharifu,

MAEFESO 1:16

tsisuzia uhimidia ha siɓaɓu ya wanyu na umuvumbuani hari mwa mamilio yangu.

MAEFESO 3:21

haheju utukufu naumuendreleye moni na iDjama Ndziwaminifu na hari mwa uv̄umoja na Kristi-Insa piya yimida, ha daima na daima! Amina.

MAEFESO 5:20

Daima namuhimidiye Mungu amma Ɓaɓa ha piya, ha lidzina la Raɓi watru Insa-Kristi.

MAFILIPI 1:11

amwesa ike amba mujadziwa mavuna ya uhaki yajao ha indzia ya Insa-Kristi, ha utukufu na sifa ya Mungu.

MAFILIPI 1:3

Nisumuhimidia Mwalangu Mungu kula namomunahanani.

MAKOLOSIYA 1:3

Risumushukuria Mungu amma Ɓaɓa wa Raɓi watru Insa-Kristi, tsena risumufanyiani mamilio ɓila uzia,

1 MATESALONIKA 1:2

Dahari wasi umuhimidia Mungu ha siɓaɓu ya wanyu piyanyu, na umurongoani hari mwa mamilio yatru.

1 MATESALONIKA 2:13

iMana tsena ata wasi karisuzia uhimidia Mungu, ɗe iv̄o upara yanyu urongozi wa Mungu ulio amba rimujudzaniwo, muukuɓali tsi amba mauri urongozi wa shiuɓinadamu, ɓadi mauri ɗe inamuna ulio ha kweli, amba urongozi wa Mungu ufanyao hazi moni hanyu wanyu muaminio.

2 MATESALONIKA 1:3

Ha dahari irilazimu rimuhimidiye Mungu, wananya wa shi uaminifu, ha siɓaɓu ya wanyu. Iyo haki amba riifanye, mana uaminifu wanyu usuhua ha kusudi, na uv̄endza wa kula moja ha uwanyawe usendra na uengedzeha.

2 TIMUTAUSU 1:3

Nisumuhimidia Mungu nimurumishiao ha roho ndziraharifu ɓila tuhuma, mauri ɗe wadzaɗe wangu, namohunahana hari mwa mamilio yangu kula sa, uku na mutsana.

FILIMUNA 1:4

Nisumushukuria Mungu wangu kula sa namohunahana hari mwa mamilio yangu,

MAHEƁRANIYA 13:15

Ɓasi ha indzia yahe Insa, narimutamaniye Mungu dahari sadaka la sifa, ne ɗe mavuna ya hanyo zatru zikuɓalio ha hadhwira dzina lahe.

1 MONYE 2:5

Na wanyu-wanyu mauri mawe yalio hayi, namurumishihe hari mwa liɓundro la nyumba ya shiroho, mukane urumishi mutwaharifu wa Utolezi-Masadaka, ile mutowe masadaka ya shiroho, yakuɓalishiha na Mungu, ha ndzia ya Insa-Kristi.

1 MONYE 4:11

Neka mutru asulagua, nalaguwe shi mutru arongoao marongozi ya Mungu; neka mutru asurumishia, narumishiye ha zinguvu Mungu amudjaãliaozo, pare hari mwa piya zitrongo, Mungu atukuziwe ha ndzia ya Insa-Kristi, alio amba haheju utukufu na ushindzi zimuendrelea ha dahari. Amina.