MAROMU 1:30 - Ha`bari Ndjema ya I Maore

³⁰ usingidziana trongo za peu, waengefu-Mungu, wafudhuli, udziona, na udzirendra; wao utrunga mbovu, wala kawastehi wadzaɗe wawo.

MAROMU 1:30 ပူးပေါင်းရင်းမြစ်များ

MATIYO 15:4

Mana Mungu arongoa: ‹Muhishimu ɓaɓaho na mayaho.› Tsena: ‹Mutru atsomuapizao ɓaɓahe au mayahe, atsolazimu aulawe.›

MATIYO 16:21

Rangu v̄ale Insa aandrisa ujudza maswihaɓa yahe amba alazimu andre Yerusalemu, aondeshehe ha kusudi mihononi ha uwaɓole, ha yaMatolezi Maɓole ya Masadaka|Mutolezi-Masadaka, na ha yaMafundi ya Sharia, aulawe, na uregea hayi isuku ya raru.

LUKASI 21:16

Mutsosalitiwa ata na wadzaɗe wanyu, wananyanyu, wadjemazanyu, na wandzani wanyu; amwesa wengi hari mwanyu watsoulawa.

YUHANI 7:7

Dunia kalishindri muengani, ɓadi wami, lilo unienga, mana nisulilawia ushahidi amba zitrendro zalo za peu.

MAV̄INGIZI-RISALA 5:36

Mana, nyuma oho mwanapav̄i, Teudasu aka aja, akodzirendra mutru, ata watru wapara aruɓamiya jauleni wakomuɗunga. Ɓadi aulawa, na piya wale wakomuɗunga watsambadziwa, ata kav̄waɓaki itsokao yotsi.

MAROMU 2:17

Ɓasi wawe udzihirao amba Muyahudi, utumainiao iSharia, tsena udzisifuo na umukayo v̄umoja waho na Mungu,

MAROMU 2:23

Wawe udziv̄ao sifa hari mwa iSharia, ne usumudharau Mungu iv̄o uvundzao iSharia!

MAROMU 3:27

Ɓasi v̄av̄o, trini ɗe ritsodzisifuo nayo? Kav̄u! Ha sharia iv̄i? Ɗe ya zizitrendro? Ata hata! Ɓadi ɗe ha isharia ya uaminifu.

2 MAKORINTIYO 10:15

Wala karisutupa mupaka ya udzisifu na hazi zafanyiwa na wangina, ɓadi rina tama amba neka uaminifu wanyu usendra na uengedzeha, ɓandza la urumishi latru hari mwanyu lizidi uengedzeha, wala tsi ha utupa mupaka ralishiwa,

2 MAKORINTIYO 12:20

Mana nisuria amba namowaswili, tsitsomuparani namuna natsotsaha, na wanyu tsena kamutsonipara namuna mwatsotsaha. Nisuria wami upara umani, uwivu, hasera, mitsapushiano, zilihidzo, marongo nnayi, udziɓua na fidjo.

2 MATESALONIKA 2:4

Uwo ɗe uMukanyusha adzihedzao uju na kula ihiriwao mungu, kula iãɓuduwao, tsena andrao ata aketsi moni mwa iNyumba Ndzitwaharifu ya Mungu, amwesa adzielehe amba ɗe Mungu.

2 TIMUTAUSU 3:2

Mana watru watsov̄endza ɗe zinafusi zawo, watsotrishilia marike, watsodzirendra, watsodziona, watsoka makufurina, kawatsotuĩ wadzaɗe wawo, kawatsojua zema, kawatsostehi zilio ndzitwaharifu,

TITUSA 3:3

Mana wasi wajau, mara ya handra rika wajinga, wakaidi, wapotevu, warumwa wa piya zinamuna za ngushauku na za masterehi. Rakoẽshi hari mwa upeu na uwivu, rika wafudhuli, tsena rakoengana.

YAKOƁU 3:5

Ɓasi ɗe namuna iyo wajau ulimi, iyo shiga titi hari mwa umwili, ɓadi uwo ushindrodzisifu na trongo ɓole. Namufikiri tu mwana moro namuna ushindrao uvudze shitsaha ha uɓole.

YAKOƁU 4:16

Ɓadi av̄asav̄anu, musudziɓua hari mwa maoneyo yanyu. Kula muoneyo mauri ɗe uwo, uwo movu.

2 MONYE 2:18

V̄umoja na marongozi maruv̄u yendza ufahari, na ha ndzia ya zingushauku zatupa mupaka za shimwili, wasulimbia utra wao walio amba tsi hale ɗe watralia wale waẽshio hari mwa upotevu.

YUDA 1:16

Wao watru wangurumao, waululao na inamuna yawo, tsena wav̄ingwao ha zingushauku zawo wenyewe; hanyo zawo ulagua trongo za zirusi, tsena wao usifu watru ha mupario wawo.