MAROMU 1:20 - Ha`bari Ndjema ya I Maore

²⁰ Kweli amba izo kazionehana ha Mungu, mauri ɗe ushindzi wahe kauna mupaka, na uungu wahe, zisupara zionehana dhwahiri rangu lidunia uumbwa yalo, zamoangaliwa ha iãkili hari mwa izo aziumba. Ha izo, kawasina haki itsokao yotsi.

MAROMU 1:20 ပူးပေါင်းရင်းမြစ်များ

MATIYO 5:45

ile muke wana wa Ɓaɓanyu Mungu alio mbinguni; mana waye uwalisa lijua lahe ha watru wa peu, na watru wema, na unyesa vua ha wendza imani, na wale tsi wendza imani.

MARKUSI 10:6

Ɓadi rangu dunia laumbwa, ‹Mungu afanya mutruɓaɓa na mutrumama.›

YUHANI 1:18

Kav̄u ata mutru aparomuona Mungu, ɓadi Mungu uMwana moja-moja alio v̄umoja na Ɓaɓa, ɗe amujudza.

YUHANI 15:22

Na djeli tsaka naja, tsena tsaka nawarongodza, kawatsokana dhambi. Ɓadi av̄asa kawashindri upara siɓaɓu ya udziv̄a haki lidhambi lawo.

MAV̄INGIZI-RISALA 17:29

Ɓasi rangu ilio amba wasi ra hari mwa inaswila ya Mungu, kayalazimu rafikiri amba uungu, uwo sawa na dhahaɓu, au fedha, au ɓwe, sanamwe lafanyiwa ha ujuzi na utrungizi wa mwanadamu.

MAV̄INGIZI-RISALA 22:1

«Wananyangu na maɓaɓangu, namuvulishiye izo nilionazo av̄asa za umuambiani ha udzidifaĩ mbeli zanyu.»

MAROMU 1:19

Mana izo zishindrao zijulihwane zamuhusu Mungu ziwav̄enushia dhwahiri, iv̄o Mungu waye-waye awav̄enuliazo.

MAROMU 16:26

ilio amba av̄asa ija iv̄enulwa, amwesa ijudziwa piya zinishani ha indzia ya yimiangishio ya yimitrume ha iãmuri ya Mungu wa daima, ile iwav̄inge hari mwa utuĩvu wa uaminifu,

MAROMU 2:1

V̄av̄o ɓasi, kusina muswamaha, wawe mutru yotsi unamuao wanyaho. Mana wamonamua wanyaho, v̄av̄o usudzihukumu ɗe wawe, mana wawe unamuao, usufanya ɗe wizo zile.

MAROMU 2:15

Wasuonesa ha zitrendro zawo amba izo zatsahwa na iSharia, ziangihwa rohoni hawo. Izo wazifikirio rohoni hawo, zisuitolea ushahidi, mana v̄wa wakati zifikira zawo zisuwasingidza amba wafanya kayalazimu, au v̄wa wakati uwaambia amba wafanya yalazimu.

1 MAKORINTIYO 1:20

A hav̄i umwendza hikima? A hav̄i umutaãlamu wa Sharia? A hav̄i umushindranifu wa lidunia lini? Hali Mungu kafanya ndzijinga ihikima ya lidunia lini?

MAKOLOSIYA 1:15

Waye ɗe umufano uonehanao wa Mungu kaonehana, mudzalwa wa handra wa kula yaumbwa.

MAKOLOSIYA 2:9

Mana haheju ɗe piya ukamilifu wa shiungu ulio v̄av̄o shimwili,

1 TIMUTAUSU 1:17

Ɓasi ha uMufalume wa daima, tsi mufa, tsi muonehana, Mungu weke wahe, nav̄uke hishima na utukufu daimani aɓada. Amina.

1 TIMUTAUSU 6:16

Waye weke alio amba kafu, Monyewe uketsi hari mwa nuru kaikuruɓishiha, alio amba kav̄u mutru aparomuona wala ashindrao amuone. Hishima na ushindzi kauna mwiso nazimuendreleye. Amina.

MAHEƁRANIYA 11:27

Ɗe ha uaminifu ɗe alawia iMiswiri, ɓila uria hadhaɓu za mufalume; asiki hodari, amba mutru aonao Uwo alio amba kaonehana.

MAHEƁRANIYA 9:14

ha mara ngav̄i zaidi idamu ya Kristi, alio amba ha iRoho ya daima atamania iwaye yahe ɓila pandra litsokao lotsi ha Mungu. iDamu yahe iyo ɗe itsoritwaharishao likoho la unamuzi latru na zitrendro ziv̄ingao hari mwa ufa, ile rimurumishiye Mungu alio hayi.