MAROMU 1:13 - Ha`bari Ndjema ya I Maore

¹³ Wananyangu, tsisutsaha yaka amba kamusujua amba mara nyengi nakoka na inia ya uja hanyu, ile nirundre wana mavuna hari mwanyu, mauri ɗe hari mwa zinishani zangina tsi Mayahudi; ɓadi ata upara av̄asa tsashindra.

MAROMU 1:13 ပူးပေါင်းရင်းမြစ်များ

YUHANI 12:24

Kweli, nisumuambiani ha kweli, neka mbia yapuliha trotroju kayafa, iyo uɓaki mbia moja tu. Ɓadi neka ifu, iyo uv̄inga mavuna mengi.

YUHANI 15:16

Wanyu tsi ɗe mwanitsahua, ɓadi wami ɗe namutsahuani, tsena namuhetsini mwendre muv̄inge mavuna, na mavuna yanyu yaẽshi, pare trongo yotsi mutsomumiao Ɓaɓa ha lidzina langu, amutakaɓaliyeniyo.

YUHANI 4:36

Monyewe uvuna madza asupara mwadjara, asungulidza mavuna ya uhayati mukamilifu wa daima, pare ule ayelao na ule avunao, wafurahi v̄umoja.

MAV̄INGIZI-RISALA 1:15

Ata suku, Monye ahimi hari-hari na maswihaɓa wanyahe wale. Indadi ya watru waka wangulidzana, ika mukaɓala wa miya wa ishirini. Sa ile arongoa:

MAV̄INGIZI-RISALA 14:27

Uwaswili yawo hule, wahudhurisha piya iDjama Ndziwaminifu, wawaeledza piya zile Mungu azifanya ha ndzia yawo na inamuna aɓulia zinishani zangina umulongo wa uaminifu.

MAV̄INGIZI-RISALA 15:12

Piya djama yangulidzana v̄ale iɓuriha, yakomuvulishia Ɓarnaɓasi na Ɓaulusu iv̄o wakotoa hadisi ya piya ziãlama za midjuza na zitrongo za ãdjaɓu Mungu azifanya ha ndzia yawo mbeli na zinishani zangina zile.

MAV̄INGIZI-RISALA 19:21

Ɓaanda ya zile, Ɓaulusu arenge ãzima ya uendra Yerusalemu ha uv̄iria iMakadoniya|Makadoniya na iAkaya|Akaya. Arongoa: «Wakati itsokao amba tsendre oho, itsonilazimu wajau nendre Romu.»

MAV̄INGIZI-RISALA 21:19

Ɓaanda awarongodza, awaeledza moja ha moja zitrongo Mungu azifanya ha watru wa zinishani zangina ha umurumishi wahe.

MAV̄INGIZI-RISALA 28:14

V̄ale ripara wananya wa shi uaminifu, warimia riɓaki v̄umoja na wao suku saɓa. Ɗe ha inamuna iyo ɗe rawaswili Romu.

MAROMU 1:12

V̄av̄o nisutsaha nirongowe amba ritriyane ɓari wasi na wasi, yaãni, kula mutru uaminifu wahe utriye ɓari munyahe.

MAROMU 11:25

Wananyangu, tsisutsaha yaka amba kamwajua ikweli ya siri ini, ile pare musudzione amba wanyu ɗe wendza ziãkili: ɗe amba v̄wa ɓaãdhwi ya Israila ifanyiha ndzikaidi ya uamini, ata mupaka ukamilifu wa ihisaɓu ya zinishani zangina ingiye hari mwa uhuyifu.

MAROMU 7:1

Wananyangu, afa kamusujua amba iSharia utawalia mutru tu v̄ale alio hayi? Mana v̄anu nisulagua na watru wajuao iSharia.

1 MAKORINTIYO 1:10

Nisumutriani ɓari wananyangu, ha lidzina la Raɓi watru Insa-Kristi, namusike piyanyu urongozi moja, v̄usuke mitsapushiano hari mwa wanyu, ɓadi mutsanganisihe, muke fikira moja na nia moja.

1 MAKORINTIYO 10:1

Wananyangu, tsisutsaha yaka amba kamwajua amba piya wadzaɗe watru waka utsini na livingu, tsena piyawo wapasua iɓahari.

1 MAKORINTIYO 12:1

Ɓasi zahusu neema za shiroho wananyangu, tsisutsaha yaka amba kamusujua.

1 MAKORINTIYO 14:20

Wananyangu, musuke wanatsa hari mwa unamuzi. Hari mwa yahusu imbovu, namuke wanazaza, ɓadi yahusu unamuzi, namuke watru waɓalihi.

1 MAKORINTIYO 14:26

Ɓasi rifanye jeje, wananyangu? Kula mwamongulidzana, moja atsojua akane himbo, moja musomo, moja trongo av̄enuliwayo, moja luha ashukidziwa, na wangina faswiri. Piya nazifanyihe ha uendresa mbeli idjama.

1 MAKORINTIYO 9:2

Neka ha wangina wami tsi Muv̄ingizi-Risala, ɓadi ha wanyu anga, wami tsa. Mana wanyu ɗe mulio sawa na umuhuri udhiɓitishao Uv̄ingizi-Risala wangu ha Raɓi.

2 MAKORINTIYO 1:8

Kweli amba karisutsaha yaka amba kamwajua, wananyangu, zitaãɓu raziona hari mwa liɓavu la Aziya. Rika risongwa ha kusudi ata yakov̄iria zinguvu zatru, ha namuna amba rika rilawa tama ya uɓaki hayi.

2 MAKORINTIYO 2:14

Himida naimuendreleye Mungu ariv̄ingao daima hari mwa umusadjadja wa yamasherehi ya ushindrifu wahe, ha uv̄umoja watru na Kristi; na tsena, ha wasi, asuenedza kula v̄ahali iharufu ndzuzuri ya umujulihwano wahe.

MAGALATWIYA 3:15

Wananyangu, nisuja nilaguwe ha shiunadamu: mukataɓa wamohisofungwa namuna yastahiki, kav̄usi mutru ajuao auzime, au auengedzeye nuktwa.

MAGALATWIYA 6:18

Wananyangu, urehema wa Raɓi watru Insa-Kristi nauke hari mwa iroho yanyu. Amina.

MAFILIPI 1:22

Ɓadi neka amba uka hayi duniani v̄anu itsonidjaãlia hazi yendza mavuna, tsisujua iv̄i ɗe nitsahuwe.

MAFILIPI 4:17

Tsi amba nisuzunguha musada; ɓadi iyo niitsahao, ɗe mavuna yazidishihao ha faida yanyu.

MAKOLOSIYA 1:10

ile mudziv̄inge ha namuna yamustahiki Raɓi, ha umujiv̄ia hari mwa piya, mukane mavuna ya kula shitrendro ndjema, tsena muhuwe hari mwa ujuzi wa Mungu;

MAKOLOSIYA 1:6

Indjili ini imujiliani, mauri ɗe inamuna iv̄ingao mavuna na urandra hari mwa ulemengu kamili. Ɗe inamuna iyo wajau hari mwanyu, rangu isuku mwakia tsena mwajua urehema wa Mungu ha ukweli wawo.

1 MATESALONIKA 2:18

Mana rakotsaha riregeye hanyu, ata wami Ɓaulusu ne, wala tsi mara moja tu, ɓadi Shetwani arizia.

1 MATESALONIKA 4:13

Wananya wa shi uaminifu, wasi karisutsaha yaka amba kamusujua zahusu wao wandra mbeli za Mungu, ile mwasusikitihe mauri ɗe wasalia walio amba kawasina tama.

2 MATESALONIKA 2:7

Mana iãdjaɓu ya uovu madza isurendreha; ilazimu tu amba uwo aiziao av̄asa, asuke.

2 TIMUTAUSU 4:17

Ɓadi Raɓi ɗe aka na wami, anihodarisha ile pare ha wami, umutekelezio wa iHaɓari ufanyishihe ha ukamilifu, tsena ukilihwane na piya zinishani kazimuji Mungu. Ɓasi tsikombolwa na ihanyo ya simba.