MARKUSI 7:4 - Ha`bari Ndjema ya I Maore

⁴ Na wamolawa ɓazari, kawaɗyi neka kawadzitwaharisha. Wana tsena mila nyengi zangina waziɗungao, mauri ɗe inamuna wahosao zikombe, shiya za sufuria, na nyungu za shaɓa.)

MARKUSI 7:4 ပူးပေါင်းရင်းမြစ်များ

MATIYO 23:25

Maondo hanyuju, wanyu Mafundi ya Sharia na Mafarisayo, wanafiki! Wanyu utwaharisha shikombe na sahani v̄ondze, na moni v̄ujaya urav̄izi na uv̄endza-upara.

MATIYO 23:26

Mufarisayo mufa-matso! Twaharisha raɓuzi ishikombe [na isahani] moni, na v̄av̄o v̄ondze wajau v̄utsorahara.

MATIYO 27:24

Ɓilatusa umaizi yahe amba kav̄u shauri la waye uvulishiwa ɓadi fidjo ɗe lakozidi, arenge maji, ahoso yimihono mbeli za idunia ile na urongoa: «Wami tsirahara na idamu ya mutru uwo! Lilo djukuma lanyu!»

MARKUSI 7:8

Insa aengedza tsena: «Wanyu ulisha ziãmuri za Mungu, muɗungu mila za wanadamu.»

YUHANI 2:6

Na v̄ale v̄uka mitsungi sita ya ɓwe, yakorumilwa na Mayahudi wamotawaza. Kula moja uka uv̄ingi ziv̄imo mbili ata traru.

YUHANI 3:25

Na v̄ale v̄uka v̄uhimi mashindrano ɓaina ya maswihaɓa ya Yahaya na Muyahudi husuana na itrongo ya utawaza.

MAHEƁRANIYA 9:10

Yao masharutwi ya shimwili yaãzimishao tu uɗya na unwa, v̄umoja na tafauti za utwaharisha, zaka zahetsiwa ata uwakati trongo zakoja zigaudziwe zike pia.

YAKOƁU 4:8

Namumukuruɓiye Mungu, na waye atsomukuruɓiani. Namutwaharishe mihono yanyu, wanyu maãswifu, namurahatse ngumo zanyu, wanyu wendza roho zaãnisiha.

1 YUHANI 1:7

Ɓadi neka risendra heuni, mauri waye-waye alio heuni, v̄av̄o ra hari mwa uv̄umoja wasi na wasi, amwesa idamu ya Insa, Mwana wahe, isurirahatsa na kula dhambi.