MARKUSI 3:2 - Ha`bari Ndjema ya I Maore

² Watru wakomutunda Insa ha uzuri ile waone neka atsozihira mutru ule iSuku ya Uv̄umuzi|Suku ya Uv̄umuzi, mana wakotsaha wapare ndzia ya umusingidzia.

MARKUSI 3:2 ပူးပေါင်းရင်းမြစ်များ

LUKASI 14:1

V̄uka Suku ya Uv̄umuzi, Insa angia nyumbani ha moja mengoni mwa uwaɓole wa ishama ya Mafarisayo, akwendra aɗye. Na watru waka v̄ale wakomutunda.

LUKASI 6:7

Mafundi ya Sharia na watru wa ishama ya Mafarisayo wakomusitamia Insa waone neka atsozihira Suku ya Uv̄umuzi, ile wapare shisa ya umusingidzia.

LUKASI 20:20

V̄ale waka ju la umutunda Insa ha uzuri. Ɓas, wav̄eleha watru wakodzifanya amba warahara ha utsaha wamulimbiye utra, wamusike na kosa hari mwa marongozi yahe, ile wamuv̄elehe ha monyewe iyezi na ushindzi wa liɓavu lile.

YUHANI 9:16

V̄ale ɓaãdhwi ya Mafarisayo yarongoa: «Mutru uwo kala ha Mungu, mana kasustehi iSuku ya Uv̄umuzi.» Ɓadi wangina warongoa: «Ha namuna jeje muãswifu ashindrao afanye ãlama za midjuza mauri ɗe zizo?» Ɓas, mufaraka ungia hari mwawo.

MATIYO 12:10

Na hule v̄uka mutru afa umuhono. Watru waka v̄ale ɓaanda wakotsaha shisa ya umushitaki Insa, wamudzisa: «Hali iSharia yatru, iruhusu mutru uzihira iSuku ya Uv̄umuzi?»

MARKUSI 3:3

Ɓas, Insa aambia mutru ule afa umuhono: «Hima hari v̄ale.»

YUHANI 8:6

Na v̄ale wakomuambia zile pare wamudjereɓu, mana wakotsaha trongo ya umusingidzia. Ɓadi Insa anyama, akoangiha v̄otsi ha isha yahe.