3 Awadjiɓu: «Musa amuv̄ani ãmuri trini?»
Namuniambiye ɓasi, wanyu mutsahao muke hari mwa utawalizi wa iSharia, hali kamusukia iSharia?
Wanyu utwali yiMiangishio Mitwaharifu mana musufikiri amba ha wiyo, muna uhayati mukamilifu wa daima. Ne ɗe wiyo-wiyo ɗe yinilawiao ushahidi.
Ɓas, v̄uhimi mutaãlamu wa Sharia, amuambia Insa ha umudjereɓu: «Fundi, trini ɗe yalazimu niifanye ile nipare uhayati mukamilifu?»
Ɓas, ɓaãdhwi ya watru wa ishama ya Mafarisayo waja ile wamudjereɓu. Wamudzisa neka iruhusiwa mutruɓaɓa afunguwe mushe wahe.
Wamudjiɓu: «Musa aruhusu mutru aangihe ɓarua la twalaka, iv̄o amufunguwe mushe wahe.»
