Iyo ɗe imana nimuv̄elesheaoni Timutausu alio amba hari mwa uv̄umoja na Raɓi, waye mwana wangu muv̄endzewa, tsena muaminifu. Atsomunahanidzani maendreleo yangu hari mwa uv̄umoja na Kristi-Insa, mauri ɗe inamuna niyasomedzao kula v̄ahanu moni na kula Djama Ndziwaminifu.
Waye ɗe aritrulidzao hari mwa piya taãɓu zatru, ile ha umutrulidzio riuparao wasi v̄atru walawa ha Mungu, rishindre ritrulidze wao walio hari mwa kula namuna ya taãɓu.
Tsimutria Titusa ɓari aje hanyu, tsena v̄umoja na waye tsiv̄eleha umwananya wa shi uaminifu ule. Hali Titusa amudhulumuni? Hali karakoendra na roho ɗe wiyo-wiyo, hari mwa ndzia moja?
ile roho zawo zingiye ɓari, wafunganisihe hari mwa uv̄endza, tsena wakane utadjirifu mukamilifu wa uelewa ha namuna yaswafishiha, pare wajuwe iãdjaɓu ya Mungu, ne ɗe Kristi,
amwesa rimuv̄elehe mwananyatru Timutausu, mushangirizi wa Mungu ha ihaɓari ndjema ya Kristi, ile amuhodarisheni na umutriani ɓari ha tanafu ya uaminifu wanyu,
Iyo ɗe yatsonga amba ɓaanda tsakoshindra nastahamili tsena, tsimuv̄eleha Timutausu aje arenge haɓari ya uaminifu wanyu, ha trisidzo amba uMuzainifu aja amuzainini ata yaka amba hazi yatru kaina mana.